SEBE LÉ JAK A GYE (Épitre de Jacques) 3:13 - Kazambale lé Sebe Sauunu 1979

¹³ Ka va mi kyɛn ɛ ke wedɔɔzan valé gikinizan nyaa? É a lé é a nagɔɔn ’é giébɛ zin nya léé, ’é kɛlɛwenu éé sié wedɔɔle drɔɔ va.

SEBE LÉ JAK A GYE (Épitre de Jacques) 3:13 ပူးပေါင်းရင်းမြစ်များ

JOB (Job) 28:28

Yé é lé blami lɛ léé: I a yé loo? Kanale Mizan lee lé ke wedɔɔle nya, Sile wenaané ma baa ɛ ke gikinile nya.

Lɛrɛvɔ Sɛbɛ 107:43

Mian a ’wuo ke a ta, ’é tawo we ’konu ta ma, Yé ’é bɔn‐in bɔrɔ Gakelebale lé zin ma ma.

Lɛrɛvɔ Sɛbɛ 122:8

An bwenu valé an béénu lé we ma, Maa a a va léé, vole drɔɔ ’é kɛlɛ i ta,

Lɛrɛvɔ Sɛbɛ 149:4

Naa, Gakelebale lé munu sɔ ’é lɛ, Wenaanébɔmazan tɔ é dan vɔ lɛ munu va, Bale lé wo bélile we ma.

Lɛrɛvɔ Sɛbɛ 25:9

Éé goo bokiénézannu nya wetegele lé zia, Éé élé zi tawe paan bokiénézannu gi.

Lɛrɛvɔ Sɛbɛ 45:4

Gulidanzan nyanazan, ’i ilé gwɔun dɔ i gyɛn, ’Ilé ’lɛrɛfɛ zén i ta yé ilé fua nagɔɔn.

Bale Lé We Gifezan 8:1

De ɛ ke bélé wedɔɔzan zo, yé de ɛ bɔa we gi fele lɛ a zoo? Wedɔɔle éé wedɔɔzan yara soian, yé a yara nwɛnnwɛnné gyɛle éé sié.

Bale Lé We Gifezan 8:5

Mi lé éé bélidɔwe ta tawoo, é ’ka wenaané gi dɔɔa lo, naa, wedɔɔzan éé bléyinu valé weblele dɔɔa é bli gi.

Ézai 29:19

Wenaanébɔmazannu gi nanale lɛ é dan si lɛ Gakelebale lé we ma, yé Izraɛl lé Mi Sauun é dan kɛlɛ lɛ nyanégyɛzannu lé ginanamazan nya.

Ézai 60:6

Nyɔgɔmé kiɛre é dan kɛlɛ lɛ ilé tɛrɛ la, Nyɔgɔménu lé wo si Madian valé Éfa, woo lé. Wo dan si lɛ Séba tɛrɛ la, Wo ta kɔné lé ke kyan valé lasikɔrɔpo nya. Yé wo dan Gakelebale tɔ ma gyɛ lɛ.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Jérémi 9:12

Wedɔɔzan lé éé we ’konu maan, é a kyɛɛn? Mi lé Gakelebale we fe a lɛ, yee ɛ fe ma. Mɛmalé tɛrɛ a é sɛrɛle yé ana kyɛ ble bélé bwi gi lé mi do kpen ’ka giéan ana lo, a zoo?

Jérémi 9:23

Gakelebale léma: Té wedɔɔzan ébo tɔ bɔ élé wedɔɔle gi lo; Té mi plɛplɛ ébo tɔ bɔ élé plɛplɛ gi lo; Té fuablezan ébo tɔ bɔ élé fuafɛnu gi lo;

Daniɛl 2:21

Yee ɛ bléyinu valé mi zi wenu nɔlaan, yee ɛ minwiinzan blɛnnu sié ana ’té éé wo dɔa ana. Yee ɛ wedɔɔle no wedɔɔzannu lɛ, yé yee ɛ gikinile no ’wuoatazannu lɛ.

Sofoni 2:3

Ka faa lé ka ke bokiénézannu nya tɛrɛ ’ko la, ’ka Gakelebale nagini; ka lé, ka a déretawenu kɛla, ka lé! ’Ka we tegele nagini; ’ka kɛlɛ bokiénézannu nya! Dé ka dan so lɛ we lee Gakelebale lé blifliyi nyaa?

Mi Nɔnɔle 12:3

Naa, Moizi a bli tiéézan bozen nya, é mini tɛrɛlamunu faa la.

Matio 11:29

Maa a bli drɔɔzan nya, yé maa a bo?-?kiénézan nya an bli gi, bɛwemalé ’ka kɛlɛ an va wedraanzannu nya, yé ’ka anlé we draan yé maa dan flinle nɔ lɛ ka boen lɛ.

Matio 21:5

’Ka fe Siɔn munu lɛ léé: Ka ye, ka nwiinzan da ka va É gi drɔɔ nya, ’té é a é nyanale sokofale tina ta, Kɔnésiwi lé né ta.

Matio 5:5

Mi drɔɔnu a bɛan ’bɛ gi bɛ, ’bɛ a é zima wozé nya, naa, tɛrɛ é dan kɛlɛ lɛ wozé nya.

Matio 7:24

Bɛwemalé, dére ’konu lé maa a fé, dé mian éé a maan, yé azan a tawenu kɛla, éé kɛla bélé gikinizan lé é ’élé kɔn dɔ gɔlɛ ta, a zo.

1 Korent munu 6:5

Maa we ’ko fe ka lɛ ka gyɛle yara nya we gi. Wedɔɔzan do kpen ’ka ka méléna, ’té ’bɛ éé bɔa é bwenu méléna we blele lɛ loo?

2 Korɛnt Munu 10:1

Maa Pɔl lé ka fe an ma léé, dé maa a ’wo va maa a bo?-?kiénézan nya, yé dé maa si ’wo va an bli a ’wo ma tɔntɔn, maa zanté vɔ ka lɛ Krist lé drɔɔ valé alé zin we ma.

2 Korɛnt Munu 8:24

Amalé ’ka a gɔɔn léglizigimunu lɛ léé, bwenu ’ko, wo sɔ ka lɛ, yé té kobo ze vɔle ka tɔ gi é kɛlɛ boawe nya lo ma.

Galasi munu 5:23

bli drɔɔ koo, kɛlɛle i kɔlɛzan nya koo, woo lé. Bélidɔwe ’ka we ’konu ma lo.

Galasi munu 6:1

Bwenu, dé ka a ye léé, mi do saanwe kɛlɛ, ka lé ka ke lélimunu nya, ’ka bɔ ’bɛzan va bli drɔɔ nya yé é dɔ é dɔbɛ gi. Ka faa ’é yuɛ pa kabozen va do do, dé wo da ka gi dan.

Galasi munu 6:4

Mi do do faa ébozen kɛlɛwenu va gini ma, yé é dan ébo tɔ zin femawe ye lɛ ébozen lé we ma; té ébo zé dan mi bɛ zé ma lo ma.

Éfez munu 4:2

’ka tawo bo kɛlɛle kiéné koo, bli drɔɔ koo, bli tiéé koo, wo nya; ’ka ’wuo dɔ ka ke wuo sɔlɛle nya;

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

1 Timoté 4:12

Té mi do kpen i ye kiéné i boroné we ma lo, naa, ’i kɛlɛ blipamunu lé wekɛlɛmazan nya dére koo, giébɛ koo, sɔlɛle koo, blipale koo, kɛlɛle sauun koo, wo gi.

1 Timoté 6:11

Naa, bii Kazambale lé mi, ’i vlan buru we ’konu lee, yé we tegele koo, Kazambale lé zi sɔlɛle koo, blipale koo, sɔlɛle koo, bli tiéé koo, bli drɔɔ koo, ’i kwa kuli léé, wo vɔ i bli gi.

2 Timoté 2:25

Munu lé woo za vɔa a lɔ ma, é a lé é we pla wo lɛ bli drɔɔ nya, ’té a bli a a lɛ léé, Kazambale é dan wo bli nɔla lɛ yé wo webozen dɔɔ,

Tite 3:2

té wo mi do tɔ sɛrɛ lo; ’wo kɛlɛ mi drɔɔnu nya; ’wo kɛlɛ mi bli dɔralazannu nya; ’wo kɛlɛ bli drɔɔzannu nya munu faa va.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.

SEBE LÉ JAK A GYE (Épitre de Jacques) 1:21

Bɛwemalé, ’ka daan we tiridɔle faa valé miblifliwe faa kɛlɛle ma, yé Kazambale dére lé wa vɔ ka bli gi, ’té éé bɔa ka sile lɛ we gi bɛ, ’ka ’bɛ si bli drɔɔ nya.

SEBE LÉ JAK A GYE (Épitre de Jacques) 2:18

Naa, mi do é dan a fe lɛ léé: Bii, izé blipale a, yé maa, anzé kɛlɛwenu a. Ilé blipale lé a kɛlɛwenu ’ka lo, ’bé nagɔɔn an lɛ; yé maa dan anlé blipale nagɔɔn lɛ i lɛ an kɛlɛwenu nya.

SEBE LÉ JAK A GYE (Épitre de Jacques) 3:1

An bwenu, té ka va mi kiɛre ’é kɛlɛ wepaamigizannu nya lo, naa, ka a gi dɔɔ léé, wo dan kolé we ble lɛ yara plɛplɛ nya.

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

1 Piɛri 1:15

Naa, mi lé é ka laa, é a sauun, amalé ka é ziin ’ka kɛlɛ sauun kalé tawobɛ faa gi,

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

1 Piɛri 3:4

naa, ’lɛrɛfɛ lé é ke é yɔɔle mi gi, ’té é ’ka sɛra lo, ’ka ’lɛrɛ ’bɛ nya. Yee lé ke bli zin valé bli drɔɔ nya. Yee ɛ ke fɛwezan nya Kazambale yuɛ gi.