SEBE LÉ JAK A GYE (Épitre de Jacques) 2:8 - Kazambale lé Sebe Sauunu 1979

⁸ Fuaneé lé bélidɔwe lé wa gyɛ Kazambale lé sɛbɛ gi léé, ’i bɔluzan lɔrɔ pa bélé biibozen zo, dé ka a ’bɛ ta tawona, ’té ka a kɛlɛna é zima.

SEBE LÉ JAK A GYE (Épitre de Jacques) 2:8 ပူးပေါင်းရင်းမြစ်များ

1 Minwiinzannu 8:18

Yé Gakelebale lé an ti David lɛ léé: É a i gi fɛan zo léé, ’é kɔn dɔa an tɔ nya bɛ, we zin lé.

2 Minwiinzannu 7:9

A zuo wo lé ’wo ke lɛ léé: Ko ’ka we kɛlɛna é zima lo. Yi ’ko a we néné feyi nya; dé ko vo ’ko zo, yé ko ’ka a fe lɛ lo yé tu kini a zo, we tɔntɔn é dan bɔ lɛ ko ma. ’Ka da, kaa go we ’ko zuo fe minwiinzan blɛn lé kɔn ’léé.

Lévinu 19:18

Té ibo lé we lɛ gi pa lo, té ilé munu vawe pa i bli gi lo. I bɔluzan ’é sɔ i lɛ bélé biibozen zo. Maa a Gakelebale nya.

Lévinu 19:34

Bɛn bɛ mi lé ke é nyanale ka va, ’ka alé we kɛlɛ bélé kalé flami zo; ’é sɔ ka lɛ bélé kabozen zo, naa, ka a bɛnnu nya é vinin Éjipiti tɛrɛ la. Maa a Gakelebale, kalé Bale nya.

Jonas 4:4

Gakelebale a zi pa a lɛ léé: I bli flile a é zimaa?

Jonas 4:9

Gakelebale lé Jonas lɛ léé: I bli flile zoolékuo kwɛɛ gale we ma, é a é zimaa? É a zi pa a lɛ léé: Dé an bli fli fɔɔ yé an ga, ’bɛ a é zima.

Matio 22:39

Yé a fiézan lé é ke bélé yee zo, yee lo: ’I bɔluzan lɔrɔ pa bélé biibozen zo.

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 25:23

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 7:12

We faa lé é sɔ ka lɛ léé, munu a kɛlɛ ka lɛ, yee duo lé ’ka kɛlɛ wo lɛ ma, naa, yee ɛ ke bélidɔwe valé balelayemunu dére nya.

Rom munu 13:10

Sɔlɛle ’ka wenyané kɛla ’é bɔluzan lɛ lo, bɛwemalé sɔlɛle a bélidɔwe lɛsɔɔle nya.

Galasi munu 5:14

Naa, bélidɔwe faa lɛ a é sɔɔle dére do kpen gi léé, ’i bɔluzan lɔrɔ pa bélé biibozen zo.

Galasi munu 6:2

’Ka dɔ ka ke lé we tɔntɔn kɔnénu wuo, a zo lé ka dan Krist lé bélidɔwe lɛ sɔɔ lɛ.

Filip munu 4:14

Naa, kalé nyanéblele an va a wezin nya duowo.

1 Tɛsalɔnik munu 4:9

Dé é a ka sɔle ka ke lɛ lé we nya, Kazambale ɛ ke ’bɛ paana ka gi, amalé é ’ka lé maa we ’ko gyɛ ka lɛ lo.

SEBE LÉ JAK A GYE (Épitre de Jacques) 1:25

Naa, bélidɔwe lé gun ’ka a ma lo, ’té éé mi voo éboma, mi lé éé a gi kulian pɛnpɛnpɛn yarapalale nya, ’té é ’ka é tɔné dɔa a lɛ é pla yé ’bɛ zuo yé éé saan a gi lo, ’té éé a tawe kɛla tegele, ’bɛzan gi é dan nana lɛ, é a lɛdɔma, ’bɛzama.

SEBE LÉ JAK A GYE (Épitre de Jacques) 2:12

Wo dan kalé we ble lɛ mivoébo?-?ma bélidɔwe yɛrama, amalé ’ka we fe yé ’ka we kɛlɛ a yɛrama.

SEBE LÉ JAK A GYE (Épitre de Jacques) 2:19

Bé gi dɔɔ léé, Bale a do kpen, ’bɛ a é zima. Yonu ’bɛ gi dɔɔ é ziin, yé gligli éé zén‐é wo gi.

SEBE LÉ JAK A GYE (Épitre de Jacques) 4:11

Bwenu, té ka wenaané fe ka ke ma lo. Dé mian wenaané fe é bwe ma, dé mian é bwe ma we ble, ’té é a wenaané fena bélidɔwe ma, ’té é a bélidɔwe ma we blena. Yé dé i a bélidɔwe ma we blena, ’té i ’ka a ta tawozan nya lo, ’té i a a ma we blezan nya.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.