SEBE LÉ JAK A GYE (Épitre de Jacques) 2:6 - Kazambale lé Sebe Sauunu 1979

⁶ Yé ’kaa, ka a nyanégyɛzannu sɔnɔna. Fuanuan wo ke nyané pana ka ta loo? Woan wo ke ka ganana weble?-?kɔnnu ’léé loo?

SEBE LÉ JAK A GYE (Épitre de Jacques) 2:6 ပူးပေါင်းရင်းမြစ်များ

JOB (Job) 20:19

Naa, é yaa nyanégyɛmunu ta, yé é ’ka wo mawe kɛlɛ lɛ lo, É kɔnnu sɛrɛ, yé é ’ka wo bɛ dɔ lɛ lo.

Lɛrɛvɔ Sɛbɛ 10:10

Éé tuaan, ’té é a é bliile Yé éé nyanaizénlazannu kunwo é sɔné nya.

Lɛrɛvɔ Sɛbɛ 10:14

Naa, i a naginina duowo; i kleblele valé nyanéblele yé Wele wolé we ma we gi. I lee lé wenaané bɔmazannu wobozen bɛ paan, Bii ɛ bɔa bugalazan valé tigalazan va.

Lɛrɛvɔ Sɛbɛ 10:2

Mi nyanénu lé boblɛn ma lé woo wenaané bɔmazannu zuo bin‐é, Wolé vɔmizidére bɛ, éé woboen kunwo.

Lɛrɛvɔ Sɛbɛ 10:8

Éé voo é yɔɔle flanu sɔnɔ ’wiile flanu ta we ma, Éé weanwiinlozannu gya, fɛna yɔɔlenu na. Éé wenaané bɔmazannu naginian é yuɛ nyané nya.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 14:6

We lé wenaané bɔmazan bli ke a lɛ, ’Ka serele bo ’bɛ ma. Naa, Gakelebale a a vɔzizan nya.

Wegɔnévɔlenu 14:31

Mi lé éé nyané paan nyanégyɛzan ta, é a a Kɛlɛzan sɔnɔna; naa, mi lé a nyanai éé zén‐é tɔnanénu ta, é a a Kɛlɛzan tɔ bɔna.

Wegɔnévɔlenu 17:5

Mi lé éé we nanaan nyanégyɛzan ma, é a a Kɛlɛzan sɔnɔna, mi lé a gi éé nanaan blikyɛdɔwe ma, é ’ka dan vuru lɛ we lɛdɔle ’é gi ma lo.

Wegɔnévɔlenu 18:23

Nyanégyɛzan éé we fé zanté vɔle nya, yé fuablezan éé we zi paan dére plɛplɛ nya.

Wegɔnévɔlenu 22:16

Mi lé éé nyané paan nyanégyɛzan ta ébo lé fua taa yele we gi, é valé mi lé éé blɛ kɛla fuablezannu lɛ, lɔrɔ saa ɛ dan a gyɛ lɛ.

Wegɔnévɔlenu 22:7

Fuablezannu éé plaan nyanégyɛzan nwiin, yé mi lé éé vɛɛn sié é a vɛɛnzan lé luu nya.

Bale Lé We Gifezan 5:8

Dé tɛrɛ do la munu ’wo nwiinzan tɔ bɔa, ’bɛ tɛrɛ ’ko la wenu nyian é wo bɛ faa ma.

Ézai 53:3

Munu serele bo a ma yé wo sɔn vɔ a ma, Kleblezan lé, nyanéblezan lé, Bélé mi lé wo yara si a ta, a zo; Ko lɔlu plɛn a ma, yé é ’ka ko yuɛgi bɔ lɛ lo.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 5:11

É ziin, ka nyanaizénlazannu zɔn ka gane nya; ka ’sa si wo lee gla nya, blɛfɛ tɔ gi; ka kɔn dɔ gɔlɛ nyaalenu nya, naa, ka ’ka dan nyana lɛ wo gi lo. Ka dɔrɔféi nɔnɔminu pa, naa, ka ’ka dan ana dɔrɔ mini lɛ lo.

Abaku 3:14

I ko nyanézannu nwiinzannu ’wuo fɔn‐o ilé sawɔlɛnu nya, Wo lé, woo vlanburuwo bélé fu plɛplɛ zo ko fwilale we ma, ’Té woo siaan ginanale nya Bélé fɛan zo lé wa wenaanébɔmazan wi blena tɛkɛ ’wo yɔɔna, a zo, woo lé.

Zakari 7:10

Té ka yaa gyɛzarale valé ti valé bugalazan koo, bɛn valé nyanégyɛzan koo, wo ta lo. Té ka bɔn‐in bɔrɔ wenaané nya ka ke ma lo.

WENÉNÉ LE JAN A GYE (Évangile selon Jean) 8:49

Jézu lé wo lɛ léé: Yo ’ka an gi monomono lo, naa, maa an Ti tɔ bɔa, ’té ka an tɔ sɛra.

Kelewenu 13:50

Naa, yarakinilomu lé wo ke Juifinu lé bazorona koo, fla mi blɛnnu koo, Juifinu wo bli nwa yé wo wo nyunu léé, ’wo nyané pa Pɔl valé Banabas ta. Yé wo wo bin wolé tɛrɛ la.

Kelewenu 17:6

Yé wo ’ka wo ye lɛ lo, yé wo Jazɔn valé bwe kenu gana yé wo go wo nya minwiinmunu ’lɛ siaale nya léé: Munu lé wo tɛrɛ faa sɛrɛ wo da é ziin ’ko,

Kelewenu 18:12

Bléyian va lé Galiɔn ke Akai lé gbɔrɔnama nya, Juifinu nwa bli do nya Pɔl ma, yé wo go a nya weblekɔn gi yé wo léé:

Kelewenu 8:3

Sɔl ’wii léglizigimunu ta, ’té éé wɔraan kɔnnu gi, ’té éé gɔnénu valé lomu kunwo, yé é wo vɔ bokɔn gi.

1 Korent munu 11:22

Kalé kɔnnu ’ka loo? Ka ’ka bɔaléé, ka fɛ ble yé ka fɛ mini kalé kɔn gi loo? Taa, ka Kazambale lé léglizi yé boafɛ nyaa? Yé ka a gi nyanégyɛzannu gya yara nyaa? Ka léé, maa fe nɔɔ? Maa ka tɔ zin fee? Gba. We ’ko gi, maa ’ka ka tɔ zin fena lo.

SEBE LÉ JAK A GYE (Épitre de Jacques) 2:3

yé mi lé é sɔ zima zén é ta bɛ, dé ka ’bɛ nagini yé ka lé ’bɛ lɛ léé: Bii, ’i nyana fuanu nyanana ’ko, yé ka lé nyanégyɛzan lɛ léé: Bii, i dɔ loru bɛ; dé ’bɛ kaan lo, ’i nyana tɛrɛ va an punma ’ko,

SEBE LÉ JAK A GYE (Épitre de Jacques) 5:4

Ka ye, nyanamapamunu lé wo kalé féifɛnu gyɛ, yé ’té ka ’ka wo gooli pa lɛ bɛ lo, wo ban a siaana, yé féifɛgyɛmunu lé siaalenu bɔ Sunyanuzan tɔné gi.

SEBE LÉ JAK A GYE (Épitre de Jacques) 5:6

Ka ga dɔ mi tegele nwiin, yé ka a gyɛ, yé é ’ka nyana vɔ lɛ lo.