SEBE LÉ JAK A GYE (Épitre de Jacques) 2:13 - Kazambale lé Sebe Sauunu 1979

¹³ Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

SEBE LÉ JAK A GYE (Épitre de Jacques) 2:13 ပူးပေါင်းရင်းမြစ်များ

Wepélisiananu 42:21

Yé wo lé wo ke lɛ léé: Iin, weboen lé, we lé ko a kɛ lɛ ko zuané lɛ, é ko gyɛ. Ko aboen lé nyané blɛn blele ye; é léé, ’ko nyanai zén ’é ta, yé ko ’ka ko tɔné dɔ lɛ a lɛ lilo. Awemalé we tɔntɔn ’ko bɔ ko ma.

2 Minwiinmunu lé Wezuofe Sɛbɛ 28:11

Sin, ’ka tɔné dɔ an lɛ, yé ka bwenu lé ka wo kɛlɛ luunu nya bɛ, ’ka daan wo ma ’wo go wo pa gi. Naa, Gakelebale bli a flina ka ma.

Lɛrɛvɔ Sɛbɛ 18:25

É ziin, Gakelebale anzé kɛlɛ anlé wedrɔle yɛrama, An bɛnu gibɔle a yuɛ gi yɛrama.

Lɛrɛvɔ Sɛbɛ 85:10

Iin, munu lé woo kanaan a lee, alé mi silewegi a wo sɔnɔ, A tɔbɔle vole ana kolé tɛrɛ la we ma.

Wegɔnévɔlenu 21:13

Mi lé éé tɔné lɛ taan nyanégyɛzan siaale ma, yeebozen é dan siaa lɛ yé wo ’ka dan we lɛ a zi lo.

Wegɔnévɔlenu 22:16

Mi lé éé nyané paan nyanégyɛzan ta ébo lé fua taa yele we gi, é valé mi lé éé blɛ kɛla fuablezannu lɛ, lɔrɔ saa ɛ dan a gyɛ lɛ.

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Jérémi 9:24

Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Matio 5:7

Nyanaizénmunu a bɛan ’bɛ gi bɛ, ’bɛ a é zima wozé nya, naa, Bale é dan nyanai zén lɛ wo ta.

Matio 6:15

Naa, dé ka ’ka munu ma we voo lo, ka Ti ’ka ka ma we voo lo é ziin.

WENÉNÉ LÉ LUK A GYE (Évangile selon Luc) 16:25

Abraam lé a lɛ léé: Anlé né, i ’ilé fɛ zinnu ye ilé tɛrɛla bléyi va, yé Lazaa nyané ye ézé bléyi va, ’bɛ saan i gii? Sin wa ’bɛ tɔrɔ paana ’ko, yé bii a nyané blena.

WENÉNÉ LÉ LUK A GYE (Évangile selon Luc) 6:37

Té ka mi ma we ble lo, yé wo ’ka dan ka ma we ble lɛ lo; té ka we dɔ mi nwiin lo, yé wo ’ka dan we dɔ lɛ ka nwiin lo; ’ka mi ma we vo, yé wo dan ka ma we vo lɛ.

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

SEBE LÉ JAK A GYE (Épitre de Jacques) 5:4

Ka ye, nyanamapamunu lé wo kalé féifɛnu gyɛ, yé ’té ka ’ka wo gooli pa lɛ bɛ lo, wo ban a siaana, yé féifɛgyɛmunu lé siaalenu bɔ Sunyanuzan tɔné gi.

Weblezannu 1:7

Adoni‐Bézɛk léma: Minwiinzan yɔ yaa wɔlɛ vu lé wo bɛnwɔlɛ gɔnénu valé wo ganewɔlɛ gɔnénu ke é bɔile, fɛblelenu lé wo dian anlé tablé wuo, yee lé wa blé. We lé maa a kɛlɛ, yee lé Bale a kɛlɛ an lɛ. Yé wo go a nya Jérusalɛm, yé é ga ’bɛna.

Weblezannu 5:27

É zanai Jaɛl gane ma, é dia é yiɛ; É zanai a gane ma, é dia; Fɛana lé é zanai bɛ, ana lé é dia yé é ga.