SEBE LÉ JAK A GYE (Épitre de Jacques) 2:1 - Kazambale lé Sebe Sauunu 1979

¹ An bwenu, ka bli a é pale Kaazan lé é ke Fuasanzan Jézu Krist nya, a lɛ fɛan zo bɛ, té ka munu nagini wo kɔlɛ ma lo.

SEBE LÉ JAK A GYE (Épitre de Jacques) 2:1 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 19:7

Sin, kanale Bale lee ’é kɛlɛ ka gi ma. ’Ka yuɛ pa ka kɛlɛwenu va, naa, weple do kpen ’ka Gakelebale, kolé Bale gi lo; é ’ka mi naginian é kɔlɛ ma lo, yé é ’ka dɔa mi zuo é leefɛ ma lo.

Wegɔnévɔlenu 24:23

We lé wedɔɔmunu a fé é ziin, yee lo: dé i a weblena, é ’ka é zima léé, i we ble mi dɔbɛ ma lo.

Wegɔnévɔlenu 28:21

Mi vabole ’ka é zima lo, yé fɛblele yele lé we ma lé mi é ébo no wenyané kɛlɛle lɛ.

Lévinu 19:15

Dé ka a we blena, té ka weple kɛlɛ lo; té ka dɔ nyanégyɛzan zuo nyané lé a gyɛle we ma lo, té ka mi blɛn lé we kɛlɛ é blɛn ma lo, naa, ’ka bɔluzannu lé we ble we tegele yɛrama.

Matio 22:16

Farizimunu ’wozé munu valé Érɔd zuo munu nwunvɔ a va yé ’bɛnu lé a lɛ léé: Kozan, ko a gi dɔɔ léé, i wezen fé yé i Kazambale lé zi ta tawole paan munu gi webozen yɛrama; mi bɛnu lé we ’ka i yuɛ gi bɔa lo, yé i ’ka mi naginian é kɔlɛ ma lo.

Kelewenu 10:34

Yé Piɛri kun wefele ma yé é léé: Wezen lé, maa a ye léé, Kazambale ’ka mi naginian é kɔlɛ ma lo.

Kelewenu 20:21

yé an we fe Juifinu valé Grɛkinu lɛ léé, ’wo bli nɔla Kazambale vazia yé ’wo bli vo Kozan Jézu Krist lɛ.

Kelewenu 24:24

Yi kenu giéle zuo, Félis valé é na Juifi le Drusil da, yé é léé, ’wo da Pɔl nya. Yé é tɔné dɔ Pɔl lɛ léé, ’bɛ é blivole Krist lɛ lé we fe ’é lɛ.

Kelewenu 7:2

Étiɛne léma: An bwenu valé an tinu, ’ka tɔné dɔ an lɛ ma. Fuabale bɔra kaa tra Abraam va, ’té é a é nyanale Mézopotami tɛrɛ la, ’té é ’ka tan nyana lɛ Karan lo,

Rom munu 1:11

Naa, maa a a va léé, maa ka ye yé ka léliblɛ ke ye an va, ka dɔle gligli we gi;

1 Korent munu 2:8

Tɛrɛ la ’ko minwiinzannu ’ka wedɔɔle ’ko gi ’ma lɛ lo. Dé é vo léé, wa gi ’ma kɔɔn, ’té wo ’ka Fuasanzan gya yiliblan ta lo.

Bélidɔwesɛbɛ Fiézan 1:17

Dé wa we blena, té wo glɛ dɔ munu gi lo; ’wo tɔné dɔ mi kiéné lɛ bélé fɛan zo lé woo tɔné dɔa mi blɛn lɛ, a zo; té wo kana mi do kpen lee lo, naa, weblele a Bale zé nya. Dé we do wo kele, ’wo da a nya an va yé maa a gi ’ma.

Bélidɔwesɛbɛ Fiézan 16:19

Té ka we tegele bɛ gi plɛn lo; té ka dɔ mi zuo é leefɛ ma lo, té ka fɛ si munu lee weblele we gi lo, naa, éé wedɔɔmunu yuɛ ’wiié yé éé mi tegelenu dére sɛra.

Kolɔs munu 1:4

ko a ’ma léé, ka bli vo Jézu lɛ yé Kazambale lé munu faa va sɔlɛle a ka gi, azama.

1 Timoté 1:19

I bli ’é vo é pale yé té ilé wevasibli é we dɔ i nwiin lo. Mi kenu ’ka wo tɔné dɔ lɛ wolé wevasibli lɛ lo, yé wobo vuru Kazambale lé we gi.

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

Tite 1:1

Maa Pɔl lé an ke Kazambale wuozan valé Jézu Krist lé nwunvɔzan nya, maa ɛ ke sɛbɛ ’ko gyɛna bii Tite lɛ. Bale an kɛlɛ nwunvɔzan nya léé, munu lé Kazambale wo si a va, maa bɔ wo va yé wo bli é vo Bale lɛ tegele yé webozen lé é ke Kazambale lé zi yɛrama, yé wo dɔ gligli ’bɛ gi.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

SEBE LÉ JAK A GYE (Épitre de Jacques) 1:16

An bwenu lé ka sɔ an lɛ, té ka dabli kɛlɛ kabo lɛ lo.

SEBE LÉ JAK A GYE (Épitre de Jacques) 1:19

An bwenu lé ka sɔ an lɛ, ’ka we ’ko dɔɔ ma; é a lé mi faa ’wo tɔné dɔ we lɛ é kele; té wo we zi pa é kele lo, té wo bli é fli é kele lo.

SEBE LÉ JAK A GYE (Épitre de Jacques) 2:3

yé mi lé é sɔ zima zén é ta bɛ, dé ka ’bɛ nagini yé ka lé ’bɛ lɛ léé: Bii, ’i nyana fuanu nyanana ’ko, yé ka lé nyanégyɛzan lɛ léé: Bii, i dɔ loru bɛ; dé ’bɛ kaan lo, ’i nyana tɛrɛ va an punma ’ko,

SEBE LÉ JAK A GYE (Épitre de Jacques) 2:9

Naa, dé ka munu naginian wo kɔlɛ ma, ’té ka a wenyané kɛlɛna, ’té ka bélidɔwe sɛrɛ yé bélidɔwe ka gyɛ we nya.

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

SEBE LÉ JUD A GYE (Épitre de Jude) 1:16

Wa gungyɛzannu nya; wa mi tidiannu lé woo tawoo ’wobo lé sɔlɛwe yɛrama, wo nya; dére blɛnblɛnnu a wo ’léé; woo munu ze vɔa gi la, tɔnɔfɛ yele we ma.

Wegɔɔnle 14:12

Kazambale lé munu lé yara pale we la lé é ke ’ko: woo Kazambale lé bélidɔwenu kɛla, ’té wo bli a Jézu lɛ.