SEBE LÉ JAK A GYE (Épitre de Jacques) 1:26 - Kazambale lé Sebe Sauunu 1979

²⁶ Dé é dɔ mi do gi léé, ’é a bazorozi do ta, dé kɔ ’ka é vɔle a nɛnɛ wuo lo, ’té é a ’ébozen saanna, ’té mi ’ko lé bazorozi a zi pla nya.

SEBE LÉ JAK A GYE (Épitre de Jacques) 1:26 ပူးပေါင်းရင်းမြစ်များ

JOB (Job) 15:13

Kazambale ma lé i bli éé flian ’Té ’bɛ zo wefele éé bɔraan i ’léé?

JOB (Job) 30:11

Bale anlé sa si an lee yé é an tua, Amalé wo frɛn ’ka lo.

Lɛrɛvɔ Sɛbɛ 141:3

Gakelebale, ’i an ’léé tabin, ’I yuɛ pa an lɔlu va ma.

Lɛrɛvɔ Sɛbɛ 32:9

Té ka kɛlɛ bélé wisoo valé sokofale lé, wo ’ka we dɔɔa lo, wo zo lo; Woo wo dɔa yé woo wo kunwo foliɛwɔlɛ lé é ke é vɔle wo ’léé, a nya, Té wo bié mi ma lo we gi.

Lɛrɛvɔ Sɛbɛ 34:13

É sɔ de ɛ lɛ léé, élé tɛrɛla é kɛlɛ nénéé? É sɔ de ɛ lɛ léé, é gi é nana yi kiɛre nyaa?

Wegɔnévɔlenu 10:19

Mi lé éé we fé kiɛre, é ’ka vuruan wenyané kɛlɛle ma lo, naa, mi lé éé lɔlu kunwo, a ’wuo a a ta.

Wegɔnévɔlenu 10:31

Mi tegele ’léé éé wedɔɔle bɔraan, naa, wo dan nɛnɛ sɛrɛle so lɛ mi ’léé.

Wegɔnévɔlenu 14:12

Zi ke ana, é dɔ mi gi lé é a é drɔle, naa, é voéla é a gazi nya.

Wegɔnévɔlenu 15:2

Wedɔɔzan dére ma lé wedɔɔle sɔ munu lɛ, yé ’tugyɛzannu lɔlu éé ’tugyɛwe nwɛɛn‐an.

Wegɔnévɔlenu 16:10

Bélidɔwenu a minwiinzan ’léé; dé é a weblena, é ’ka lé weple é bɔra a ’léé lo.

Wegɔnévɔlenu 16:25

Zi ke ana, é dɔ mi gi léé, é a é drɔle, naa, é voéla é a gazi nya.

Wegɔnévɔlenu 19:1

Nyanégyɛzan lé éé tawoo é dɔbɛ wéiin gi, azé fila vɔ é mini ’léé nyané vɔzan lé é ke ’tugyɛzan nya, a ta.

Wegɔnévɔlenu 21:26

A bli éé bɔa fɛnu ma bladi nyanadi, naa, mi tegele éé fɛ no yé é ’ka a tadɔa lo.

Ézai 1:13

Té ka an ban boafɛ nya é dɛrɛ lo; lasikɔrɔpo koo, moné dɛrɛ fɛtinu koo, flinyinu valé zénle ékevanu koo, wo faa an bli la naanaa. Wenyané lé ka kɛla kalé fɛti blɛnnu bléyi va, maa ’ka dɔa ’bɛ nyi wuo lo.

Ézai 44:20

É a bélé kyɛyee lé é a ble; a saanbli a saan; é ’ka bɔa ébo sile lɛ we gi lo, yé é ’ka bɔa a fele lɛ léé, viéfɛan ke an lee ’ko loo? lo.

Malasi 3:14

Ka fé léé: Kazambale bɔle tɔnɔ ’ka lo; ko tawo bli kyɛ dɔle nya lai sunyanu lé Gakelebale lé we ma, yé ko tawo alé weplalenu yɛrama, yé mɛ fɛ lé ko ye ’bɛ maa?

Matio 15:9

Woo an bɔa é pla, Yé woo gɔnɔlawenu paa munu gi bélé Bale lé bélidɔwenu ɛ ke ’bɛ nya.

Maak 7:7

Woo an bɔa é pla, ’Té woo gɔnɔlawenu paan munu gi bélé Bale lé bélidɔwe ɛ ke ’bɛ nya.

WENÉNÉ LÉ LUK A GYE (Évangile selon Luc) 8:18

Bɛwemalé ’ka yuɛ pa kalé wemabɛ va; wo dan fɛ nɔ lɛ mi lé fɛ ke a lee, a lɛ, naa, mi lé azé ’ka lo, fɛ lé é dɔ a gi léé, é a ézé nya, wo dan ’bɛ si lɛ a lee é ziin.

1 Korent munu 15:15

’té ko viéwo Kazambale ma é ziin. Naa, ko we fe léé, Kazambale Krist nwa gale va. Dé gamunu ’ka nwaan lo, ’bɛ gi léé, Krist é ziin, é ’ka nwa lɛ gale va lo. Amalé dé ko fe léé, Kazambale a nwa gale va, ’té vié lé ko a wo Kazambale ma.

1 Korent munu 15:2

’té ka si we gi a nya bɛ, maa a sele dɔa ka gi. Wenéné lé maa a fe ka lɛ bɛ, ka a kɛlɛna a yɛramaa? Dé ’bɛ kaan lo, ’té kalé blipale a we pla nya.

1 Korent munu 3:18

Té mi do kpen é dabli kɛlɛ ébozen lɛ lo ma. Dé é dɔ ka va mi do gi léé, ’é kɛla tɛrɛ ’ko la wedɔɔzan nya, ’é kɛlɛ ’tugyɛzan nya ma, a kɛlɛle wedɔɔzan nya we gi.

Galasi munu 2:6

Munu lé wo ke zilɛzannu nya bɛ, dé wolé we a kaa? ’bɛ ’ka an yuɛ gi bɔa lo, Kazambale ’ka mi naginian é kɔlɛ ma lo; maa léé, zilɛzan ’konu, wozé Wenéné fele ’ka anzé taa pa lɛ lo.

Galasi munu 2:9

Jak koo, Piɛri koo, Jan koo, munu wo ye léglizi dɔ gligli zannu nya, bélé kɔnwɛyili zo. Zin lé Bale a kɛlɛ an lɛ a zo bɛ, wa ye aan wo, wo ’wo bɛ pa maa valé Banabas lee, nanale ko va tɔmase nya. Wa nyi si léé, ko go bɛn bɛnu va yé wo ’é go Juifinu va.

Galasi munu 3:4

’Té kalé nyanéblele kɛlɛ we pla nyaa? É a é pla weboen nyaa?

Galasi munu 6:3

Dé é dɔ mian gi léé, ’é a blɛn, dɔlé té é ’ka we do kpen nya lo, ’té é a ébozen saanna é wo.

Éfez munu 4:29

Té dére naané do kpen é bɔra ka ’léé lo, naa, dére zima lé éé mi dɔa gligli, ’té munu lé wa maan, ’té éé wo drɔɔ voo bɛ, ’ka yee ɛ fe é febléyi nya ma.

Éfez munu 5:4

Dére naanénu koo, boawenu koo, mi gisonawenu koo, we ’konu ’ka ka baagiwe nya lo; té wo wo ’ma ka ta lo ma. Naa, ’wo bɔvɔwenu ɛ ’ma ka ta ma.

Bélidɔwesɛbɛ Fiézan 11:16

’Ka yuɛ pa kabozen va é zima, dé Bale é da sɛrɛ ka gi yé ka nɔla yé ka bale bɛnu bɔ yé ka dia wo wuo.

Kolɔs munu 4:6

Ka dére ’é kɛlɛ é zin yifaama, wɛ ’é kɛlɛ a ma ma, é a lé ka we zi paan mi do do lɛ fɛan zo, kalé a dɔɔle we ma.

SEBE LÉ JAK A GYE (Épitre de Jacques) 1:19

An bwenu lé ka sɔ an lɛ, ’ka we ’ko dɔɔ ma; é a lé mi faa ’wo tɔné dɔ we lɛ é kele; té wo we zi pa é kele lo, té wo bli é fli é kele lo.

SEBE LÉ JAK A GYE (Épitre de Jacques) 1:22

Naa, we do ana, é a lé ka tawo Kazambale dére ta, té ka tɔné dɔ a lɛ é pla saawo lo, dé ’bɛ kaan lo, ’té ka a dabli kɛlɛna kabo lɛ.

SEBE LÉ JAK A GYE (Épitre de Jacques) 2:20

Bii tavozan, blipale lé a kɛlɛwenu ’ka lo, a tɔnɔ ’ka lo, i ’ka ’bɛ gi dɔɔa loo?

1 Piɛri 3:10

Dé é sɔ mian lɛ léé, élé tɛrɛla ’é kɛlɛ néné, Yé ’é gi nana yinu ye, ’É yuɛ pa ébo va wenyané fele ma, Yé ’é yuɛ pa é lɔlu va dabli dérenu fele ma.