SEBE LÉ JAK A GYE (Épitre de Jacques) 1:25 - Kazambale lé Sebe Sauunu 1979

²⁵ Naa, bélidɔwe lé gun ’ka a ma lo, ’té éé mi voo éboma, mi lé éé a gi kulian pɛnpɛnpɛn yarapalale nya, ’té é ’ka é tɔné dɔa a lɛ é pla yé ’bɛ zuo yé éé saan a gi lo, ’té éé a tawe kɛla tegele, ’bɛzan gi é dan nana lɛ, é a lɛdɔma, ’bɛzama.

SEBE LÉ JAK A GYE (Épitre de Jacques) 1:25 ပူးပေါင်းရင်းမြစ်များ

Lɛrɛvɔ Sɛbɛ 106:3

Munuan woo tawoo bélidɔwe ta, ’Té woo we tegele kɛla bléyi faa va, wozé a néné.

Lɛrɛvɔ Sɛbɛ 119:32

’I anlé we ’male taa pa, ’Té an vlan buruwo ilé bélidɔwe sɔnnénu ta.

Lɛrɛvɔ Sɛbɛ 119:45

An dan tawo lɛ anbo ma, Naa, é a an gi léé, maa i déretawenu kɛlɛ.

Wegɔnévɔlenu 14:15

Nékénénémi éé bli voo we faa lé wa fé, a lɛ, naa, yuɛikinizan éé ganedɔrana ginian.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LE JAN A GYE (Évangile selon Jean) 13:17

Dé ka we ’konu dɔɔ yé ka a wo kɛlɛna, ’té ’bɛ a é zima.

WENÉNÉ LE JAN A GYE (Évangile selon Jean) 8:36

Dé maa Bale Be ka kɛlɛ minénu nya, ka dan vo lɛ kaboma webozen nya.

Kelewenu 13:43

Munu lé wo zén ékeva, wo bɔra aan wo, Juifinu kiɛre koo, munu lé wo ke Juifinu lé bazorona, wo koo, wo go Pɔl valé Banabas zuo yé ’bɛnu we fe wo lɛ yé ’bɛnu we pla wo lɛ léé, ’wo kun Kazambale lé zin ’ko ma plɛplɛ.

Kelewenu 2:42

Wo yara pa nwunvɔzannu lé we paale valé nanale ékeva koo, Taboyi lé buru blele valé bazorole koo, wo ta.

Kelewenu 26:22

Naa, Kazambale ɛ bɔ an va amalé maa ana fɔɔ kyɔ yi ’ko nya; yé maa a we fena tɔmunu valé mi planu lɛ, yé wenu lé balelayemunu valé Moizi wo fe léé, wo dan bɔ lɛ, maa yee ɛ fe ’té, maa ’ka we bɛ fe lɛ lo.

Rom munu 11:22

Bɛwemalé Kazambale lé zin koo, a wɛwɛ koo, ’ka bɔn‐in bɔrɔ wo ma; munu lé wo diéra, a wɛwɛ a wo ma; yé alé zin a i ta, ’té dé i dɔ gligli zin ’ko gi; dé ’bɛ kaan lo, bii é ziin, é dan sɔn vɔ lɛ i ma.

Rom munu 2:13

É ’ka kɛlɛ lɛ léé, munu lé woo bélidɔwe maan, wo ɛ ke mi tegelenu nya Kazambale yuɛ gi lo, naa, munu lé woo a ta tawoo, wo ɛ lé we é dan kɛlɛ lɛ tegele.

Rom munu 7:12

Bélidɔwe a plɛplɛ yé a sɔnnénu a plɛplɛ, wa tegele, wa é zima.

Rom munu 8:15

Yé ka ’ka luu bli ye lɛ yé ka kanaan é ziin lo, naa, mi né bozen bli lé ka a ye, a nya lé kaa siaan: Aba, ’bɛ gi léé, an ti.

Rom munu 8:2

Naa, Kazambale Léli lé bélidɔwe lé éé mi bélié Jézu Krist gi, é an si wenyané lé bélidɔwe valé ga wuo.

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

2 Korɛnt Munu 13:5

’Ka kabozen nagini, dé ka a blipale gii? ’Ka kabo gi dan. Ka ’ka a gi dɔɔa léé, Jézu Krist a ka gi loo? Taa, ka a munu lé wo sɔn vɔ wo ma, wo nyaa?

Galasi munu 2:4

naa, maa a kɛlɛ viébwenu lé wo da kyeen gi yé wo wɔra ko worona bɛ, wolé we ma. Ko vole koboma lé ko a ye Jézu Krist gi, wo da a mavɔɔle we gi, ko kɛlɛle luu nya é ziin we ma.

Galasi munu 5:1

Krist kaa si luu gi, kaa kɛlɛle miné nya we ma. Bɛwemalé ’ka dɔ gligli; té ka nyi si léé, ka wɔra wolé luubale gi é dɛrɛ lo.

Galasi munu 6:2

’Ka dɔ ka ke lé we tɔntɔn kɔnénu wuo, a zo lé ka dan Krist lé bélidɔwe lɛ sɔɔ lɛ.

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

1 Timoté 2:15

naa, lomu é dan si lɛ we gi né yaale ma duowo, ’té dé wo yara pa blipale koo, sɔlɛle koo, kɛlɛle sauun koo, wo ta yaragyɛle nya.

1 Timoté 4:16

’I yuɛ pa ibozen valé ilé we paale va; ’i yara pa we ’konu ta. Naa, dé i wo kɛlɛ i dan ibozen si lɛ we gi, yé wo lé woo i dére maan, i dan wo si lɛ we gi é ziin.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

SEBE LÉ JAK A GYE (Épitre de Jacques) 2:12

Wo dan kalé we ble lɛ mivoébo?-?ma bélidɔwe yɛrama, amalé ’ka we fe yé ’ka we kɛlɛ a yɛrama.

1 Piɛri 2:16

’Ka tawo minénu nya, naa, té ka we lɛrɛlɛrɛ kɛlɛ ka vole kaboma tɔ gi lo. ’Ka we kɛlɛ Kazambale wuomunu lé wekɛlɛbɛ nya.

1 Jan 2:24

We lé ka a ’ma a pélisia bléyi va, ’é vo ka gi ma. Yé we lé ka a ’ma a pélisia bléyi va, dé é vo ka gi, ’té ka dan vo lɛ Be valé Ti gi é ziin.

Wegɔɔnle 14:13

Yé maa dére do ’ma la gi yé é léé: ’Bé gyɛ léé: É sia bléyi ’ko va, munu lé wo ga Mizan gi, wozé a néné. Kazambale Léli léé: Iin, wa flinna wolé nyanama ma, naa, wo kɛlɛwenu éé goo wo zuo.

Wegɔɔnle 22:14

Munu lé woo ’wolé sɔnu zuruwo, mibéliyiliporo blele se valé wɔrale fla ’léé zia se yele we gi, wozé a é zima.

1 Samuɛl 12:14

Dé ka kana Gakelebale lee, dé ka a bɔ, dé ka a dére lɛdɔma, dé ka ’ka ka tɔné gi kɛlɛ lɛ plɛplɛ Gakelebale dére ma lo, ka dan yere lɛ Gakelebale, kalé Bale ma, ka valé ka nwiinzan nya.