SEBE LÉ JAK A GYE (Épitre de Jacques) 1:22 - Kazambale lé Sebe Sauunu 1979

²² Naa, we do ana, é a lé ka tawo Kazambale dére ta, té ka tɔné dɔ a lɛ é pla saawo lo, dé ’bɛ kaan lo, ’té ka a dabli kɛlɛna kabo lɛ.

SEBE LÉ JAK A GYE (Épitre de Jacques) 1:22 ပူးပေါင်းရင်းမြစ်များ

Ézai 44:20

É a bélé kyɛyee lé é a ble; a saanbli a saan; é ’ka bɔa ébo sile lɛ we gi lo, yé é ’ka bɔa a fele lɛ léé, viéfɛan ke an lee ’ko loo? lo.

Jérémi 11:6

Gakelebale lé an lɛ léma: ’I dére ’konu zana dɔɔ Juda flanu valé Jérusalɛm zinu ta, léé: ’Ka tɔné dɔ gipadére ’konu lɛ, yé ’ka wo ta tawo.

Abudias 1:3

Bian i ke é nyanale gɔlɛkoronu gi, ’Té i ke é nyanale loru zia, ’Té i a fena i bli gi léé, De ɛ dan ’é zun lɛ tɛrɛ vaa? bii lé. Ilé boblɛn i saan.

Matio 12:50

Naa, an Ti lé é ke la gi, dé miomian éé alé blibɔmawe kɛla, ’té yee ɛ ke an zuané koo, an buru koo, an bu koo, wo nya.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LE JAN A GYE (Évangile selon Jean) 13:17

Dé ka we ’konu dɔɔ yé ka a wo kɛlɛna, ’té ’bɛ a é zima.

Rom munu 2:13

É ’ka kɛlɛ lɛ léé, munu lé woo bélidɔwe maan, wo ɛ ke mi tegelenu nya Kazambale yuɛ gi lo, naa, munu lé woo a ta tawoo, wo ɛ lé we é dan kɛlɛ lɛ tegele.

1 Korent munu 15:33

Té ka gi kɛlɛ kabo lɛ lo. Dé mi vɔ misɛrɛzan zuo, éé a kɛlɛwe sɛra.

1 Korent munu 3:18

Té mi do kpen é dabli kɛlɛ ébozen lɛ lo ma. Dé é dɔ ka va mi do gi léé, ’é kɛla tɛrɛ ’ko la wedɔɔzan nya, ’é kɛlɛ ’tugyɛzan nya ma, a kɛlɛle wedɔɔzan nya we gi.

1 Korent munu 6:9

Ka ’ka a gi dɔɔa léé, mi plenu ’ka dan tɔnɔ ble lɛ Kazambale lé fuatɛrɛ la lo loo? Té ka saan we ’ko gi lo. Pɛnpɛnnégyɛzannu koo, miyilibɔzannu koo, le bɛ valé gɔné bɛ ginizannu koo, wizowe kɛlɛmunu koo, wevɔnle kɛlɛmunu koo,

Galasi munu 6:3

Dé é dɔ mian gi léé, ’é a blɛn, dɔlé té é ’ka we do kpen nya lo, ’té é a ébozen saanna é wo.

Galasi munu 6:7

Té ka kabo saan we ’ko gi lo; wo ’ka bɔa dabli kɛlɛle lɛ Kazambale lɛ lo. Mi éé fɛan vɔa, yee duo lé é dan a gyɛ lɛ é ziin.

Filip munu 4:8

Bwenu, a nyaala lé é ke ’ko: we?-?bozennu faa koo, wenu lé wa lɛdɔama koo, we tegelenu faa koo, we wéiinnu faa koo, we sɔkenu faa koo, wenu faa lé wo tɔbɔ yara lé koo, we nénénu faa koo, wenu faa lé wo tɔ zin fe yara lé koo, wo ɛ kɛlɛ ka ’wuogibɔrɔmawenu nya ma.

Kolɔs munu 3:17

Yé dé ka a weowean kɛlɛna, dé é a wefele nyaoo, dé é a we kɛlɛle nyaoo, ’ka wo kɛlɛ Mizan Jézu tɔ nya, Tibale bɔvɔle nya alé we ma.

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.

SEBE LÉ JAK A GYE (Épitre de Jacques) 1:26

Dé é dɔ mi do gi léé, ’é a bazorozi do ta, dé kɔ ’ka é vɔle a nɛnɛ wuo lo, ’té é a ’ébozen saanna, ’té mi ’ko lé bazorozi a zi pla nya.

SEBE LÉ JAK A GYE (Épitre de Jacques) 4:11

Bwenu, té ka wenaané fe ka ke ma lo. Dé mian wenaané fe é bwe ma, dé mian é bwe ma we ble, ’té é a wenaané fena bélidɔwe ma, ’té é a bélidɔwe ma we blena. Yé dé i a bélidɔwe ma we blena, ’té i ’ka a ta tawozan nya lo, ’té i a a ma we blezan nya.

SEBE LÉ JAK A GYE (Épitre de Jacques) 4:17

Bɛwemalé, dé mian é wezin kɛlɛle dɔɔ yé é ’ka a kɛla lo, ’té é a wenyané kɛlɛna.

2 Piɛri 2:13

A zo lé wo dan ’wolé weple ma ban ye lɛ. Wobo nɔle we vɔnle kɛlɛle lɛ é yiéyi éé wo gi nanaan; mi sɛrɛle valé mi tiridɔlenu lé ke wo nya, wolé dabliwenu a wo ginanawe nya wolé fɛti kɛlɛbléyi nya ka va.

1 Jan 1:8

Dé kaa fe léé, kaalé wenyané ’ka lo, ’té kaa a dabli kɛlɛna kaabozen lɛ, ’té webozen ’ka kaa gi lo.

1 Jan 2:3

Dé ko Jézu lé bélidɔwenu kɛla, ’bɛna lé ko gi dɔɔ léé, ko Jézu dɔɔ.

1 Jan 3:7

Né kiénénu, té mi do é dabli kɛlɛ ka lɛ lo ma. Mian é ke we tegele kɛlɛna, ’bɛzan a tegele, bélé fɛan zo lé Jézu ke tegele, a zo.

3 Jan 1:11

An béé zin, té i wenyané zuosona lo, naa, ’i wezin ɛ zuosona ma. Mian éé wezin kɛla, é a Kazambale zé nya; mian éé wenaané kɛla, é ’ka Kazambale ye lɛ lo.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 22:7

Yé bé ye, an dale bɔ é pu. Mi lé éé tawoo dére ’konu valé sɛbɛ ’ko lé balelayewe ta, azé a néné.