SEBE LÉ JAK A GYE (Épitre de Jacques) 1:21 - Kazambale lé Sebe Sauunu 1979

²¹ Bɛwemalé, ’ka daan we tiridɔle faa valé miblifliwe faa kɛlɛle ma, yé Kazambale dére lé wa vɔ ka bli gi, ’té éé bɔa ka sile lɛ we gi bɛ, ’ka ’bɛ si bli drɔɔ nya.

SEBE LÉ JAK A GYE (Épitre de Jacques) 1:21 ပူးပေါင်းရင်းမြစ်များ

Lɛrɛvɔ Sɛbɛ 25:9

Éé goo bokiénézannu nya wetegele lé zia, Éé élé zi tawe paan bokiénézannu gi.

Ézai 2:20

’Bɛ yi nya, gɔɔlifu miyilinu valé kyan miyilinu lé munu a kɛlɛ ’wo banyo nya, wo dan wo vuli lɛ koblinu valé bannu lɛ;

Ézai 29:19

Wenaanébɔmazannu gi nanale lɛ é dan si lɛ Gakelebale lé we ma, yé Izraɛl lé Mi Sauun é dan kɛlɛ lɛ nyanégyɛzannu lé ginanamazan nya.

Ézai 30:22

Gɔɔlifu valé kyan lé ka sele kalé miyilinu ma, ka dan wo ye lɛ fɛ naané nya; ka dan wo vuli lɛ bélé bli zo, yé ka dan a fe lɛ wo lɛ léé: ’Ka si ko yuɛi mi.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Ézékiɛl 18:31

Bélidɔwe sɔnné sɛrɛlenu faa lé wo ke kalé wenyanénu nya, ’ka sɔn vɔ wo ma. ’Ka ka bli kɛlɛ bli dɛrɛ nya, yé ’ka ’wuogibɔrɔlenu nɔla. Izraɛlnu, mɛmalé ka gaan?

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Sofoni 2:3

Ka faa lé ka ke bokiénézannu nya tɛrɛ ’ko la, ’ka Gakelebale nagini; ka lé, ka a déretawenu kɛla, ka lé! ’Ka we tegele nagini; ’ka kɛlɛ bokiénézannu nya! Dé ka dan so lɛ we lee Gakelebale lé blifliyi nyaa?

Matio 5:5

Mi drɔɔnu a bɛan ’bɛ gi bɛ, ’bɛ a é zima wozé nya, naa, tɛrɛ é dan kɛlɛ lɛ wozé nya.

WENÉNÉ LE JAN A GYE (Évangile selon Jean) 6:63

Léli ɛ mi vo é yuɛma; mi kɔlɛ lé we tɔnɔ ’ka lo. Dérenu lé maa wo fe ka lɛ bɛ, wa léliwe nya yé wo ɛ mi vo é yuɛma.

WENÉNÉ LE JAN A GYE (Évangile selon Jean) 6:68

Simɔn Piɛri lé a lɛ léé: ’I, Mizan, de ɛ va lé ko dan go lɛɛ? Vole é yuɛma lé a glɛ ’ka lo, a dérenu a i ’léé,

Kelewenu 10:33

Tɔɔn, yé maa munu nwunvɔ i lɛ yé i da; ’bɛ a é zima. Sin, ko faa a Bale ’lɛ; we faa lé Kazambale a fe i lɛ, ’bé fe ko lɛ, ko ’ma.

Kelewenu 13:26

An bwenu, ka lé ka ke Abraam kululazannu nya, ka lé ka kanaan Kazambale léé, wo misiéwegidére ’ko pa kaanu ɛ lɛ zia.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

Rom munu 11:17

Naa, dé wo yilibɛ kenu bɔi é ma, yé bii lé i ke bwi gi ɔliviyili nya, dé wo i dɔ wo pun ’léé, yé ɔliviyili ’yi lé éé sié a suni gi yé i kɛlɛ a ke yezan nya bɛ,

Rom munu 6:17

’Wo Kazambale bɔ vɔ léé, Bale lé we lé wa paa ka gi, ka alé bélidɔwe lɛdɔma ka bli faa nya, dɔlé té ka a wenyané lé luu nya é vinin.

1 Korent munu 15:2

’té ka si we gi a nya bɛ, maa a sele dɔa ka gi. Wenéné lé maa a fe ka lɛ bɛ, ka a kɛlɛna a yɛramaa? Dé ’bɛ kaan lo, ’té kalé blipale a we pla nya.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Éfez munu 1:13

Ka é ziin, webozen dére lé é ke ka siéwegi Wenéné nya, ka a ’ma aan wo, ka bli vo a lɛ yé ka wɔra Krist gi, yé é fɛ dɔ ka ma Léli Sauun lé, wa nɔle we fe, a nya;

Éfez munu 4:22

Wa paa ka gi léé, blami dɔbɛ lé é ke kalé tɛrɛla kyɛn zé nya, ’té é vɔn blibɔmawe saanlenu ma bɛ, ’é si ka lee,

Éfez munu 4:25

Bɛwemalé, ’ka sɔn vɔ viéwole ma, yé ka va mi do do faa ’é weboen fe é bɔluzan lɛ, naa, kaa faa a kɔlɛ do vafɛnu nya.

Éfez munu 5:4

Dére naanénu koo, boawenu koo, mi gisonawenu koo, we ’konu ’ka ka baagiwe nya lo; té wo wo ’ma ka ta lo ma. Naa, ’wo bɔvɔwenu ɛ ’ma ka ta ma.

1 Tɛsalɔnik munu 1:5

Naa, kolé Wenéné lé ko a fe ka lɛ bɛ, ko ’ka a fe lɛ dére saa nya lo. Ko a fe ka lɛ plɛplɛ koo, Léli Sauun koo, bɔngikiniwe bozen koo, wo nya. Fɛan zo lé ko ke ka méléna, ka ’bɛ gi dɔɔ.

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

Tite 2:11

Naa, Kazambale lé zin lé ke munu faa sile we gi punsina nya bɛ, Bale a nagɔɔn munu lɛ.

Ébrunu 12:1

Kaa zi gunu a é dɔrale ’bɛ zo wenayemunu kiɛre nya bélé lati zo, bɛwemalé kaa é ziin, fɛnu lé woo kaa bɛn dɔa, kaa wo faa pla ma, yé kaa sɔn vɔ wenyanékɛlɛbli ma, yé kaa vlan buru kaa yarapalale nya vlan za kɛlɛna lé, a lɛ ke é sole kaa ’lɛ bɛ, ana ma,

Ébrunu 2:3

Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,

Ébrunu 4:2

Fɛan zo lé wo Wenéné ’ko fe kaa lɛ, a zo duo lé wa fe wo lɛ é ziin, naa, dére lé wa fe wo lɛ, é ’ka bɔ lɛ blipale ma munu lé wa ’ma, wo bli gi lo, bɛwemalé a tɔnɔ do kpen ’ka kɛlɛ lɛ wozé nya lo.

SEBE LÉ JAK A GYE (Épitre de Jacques) 4:8

’Ka bié Kazambale sɔnɔ yé é dan bié lɛ ka sɔnɔ. ’Kaa wenyanékɛlɛmunu, ’ka bɛ ma foli. Ka lé ka vɔa we faa ’lɛ, ’ka ka bli kɛlɛ tegele.

SEBE LÉ JAK A GYE (Épitre de Jacques) 5:20

’ka we ’ko dɔɔ ma: mian é wenyanékɛlɛzan si zi lé é saan a ta, ana, yé é da a nya é ziin, é dan mi boen si lɛ ga lee, yé é dan wenyané kiɛre ta bua lɛ.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Piɛri 1:9

naa, kalé blipale mafɛ lé ke ka boen bélile nya.

1 Piɛri 2:1

Mi blifliwe faa koo, dabliwe faa koo, bodrɔle koo, bli bɔle mi bɛ lé fɛ ma koo, liwole faa koo, ’ka daan wo ma.

1 Piɛri 2:11

’Kaa lé ka sɔ an lɛ, ka a bɛnnu valé giézannu nya, amalé maa we plaan ka lɛ léé, mi dɔbɛ kyɛn lé blibɔmawenu lé woo guli daan mi boen va, ’ka daan wo ma.