SEBE LÉ JAK A GYE (Épitre de Jacques) 1:19 - Kazambale lé Sebe Sauunu 1979

¹⁹ An bwenu lé ka sɔ an lɛ, ’ka we ’ko dɔɔ ma; é a lé mi faa ’wo tɔné dɔ we lɛ é kele; té wo we zi pa é kele lo, té wo bli é fli é kele lo.

SEBE LÉ JAK A GYE (Épitre de Jacques) 1:19 ပူးပေါင်းရင်းမြစ်များ

Néémi 8:18

Woo Bale lé bélidɔwe sɛbɛ ta fé yi faa do do ma, é sia a yi vininzan ma fɔɔ yé é bɔ a yi nyaala nya. Wo yee fɛti kɛlɛ yi sɔrafié; a yi sɔraazan nya wo zénle ékeva plɛplɛ kɛlɛ. Bale wo béli dɔ fɛan zo, a zo.

Néémi 9:17

Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

Néémi 9:3

Wo dɔ wo dɔna, yé wo Gakelebale, wolé Bale lé sɛbɛ ta fe lɛrɛwɔlɛ suiɛdo gi, yé wo vo é diale Gakelebale wolé Bale ’lɛ lɛrɛwɔlɛ suiɛdo gi, ’té woo ’wolé wenyanénu fé.

JOB (Job) 32:16

Maa wo tabɛn léé, wo ’wolé wefele nyaa, Yé wo tadɔ, yé wo ’ka wezipadére dɔɔa é dɛrɛ lo.

Wegɔnévɔlenu 10:19

Mi lé éé we fé kiɛre, é ’ka vuruan wenyané kɛlɛle ma lo, naa, mi lé éé lɔlu kunwo, a ’wuo a a ta.

Wegɔnévɔlenu 13:3

Mi lé éé yuɛ paan ’é ’léé va, éé ébozen tabin‐é; lɔluzan éé vlan buruwo ébo sanna.

Wegɔnévɔlenu 14:17

Mi lé a bli éé flian é kele éé tavowe kɛla, yé mi lé éé miblifliwe kɛla, munu a za paan.

Wegɔnévɔlenu 14:29

Mi lé a bli ’ka flian é kele lo, a gi kini é baba, naa, mi lé éé daan ébo ma léé, a bli é fli, é élé tavole nagɔɔn‐an.

Wegɔnévɔlenu 15:18

Mi lé a wɛwɛ ke, éé mi vɔa ékema, naa, mi lé a bli ’ka flian é kele lo, éé wesiamunu kuun‐an.

Wegɔnévɔlenu 15:2

Wedɔɔzan dére ma lé wedɔɔle sɔ munu lɛ, yé ’tugyɛzannu lɔlu éé ’tugyɛwe nwɛɛn‐an.

Wegɔnévɔlenu 16:32

Mi lé a bli ’ka flian é kele lo, a fila vɔ é mini nyanazan ta, yé mi lé é ébo kunwo é mini mi lé éé flanu sié gla nya, a ta.

Wegɔnévɔlenu 17:14

Drɛwole pélisiale a bélé ’yi gɔɔn lɛ sole zo; dé drɛwole gi a gyɛna, ’i si ana faa ’lɛ, yé a gi é gyɛ.

Wegɔnévɔlenu 17:27

Mi lé éé lɔlu kunwo, a ’wuo a a ta, yé mi lé a bli ke drɔɔ é a gikinizan nya.

Wegɔnévɔlenu 18:13

Mi lé éé we zi paan ’té é ’ka tan we ’ma lɛ lo, éé ’tugyɛwe fé yé yara a gya.

Wegɔnévɔlenu 18:21

Ga valé vole é yuɛma lé plɛplɛ a mi nɛnɛ lee; miomian wefele éé sɔa a lɛ, é dan a ma tɔnɔ ble lɛ.

Wegɔnévɔlenu 19:11

Wedɔɔzan bli ’ka flian é kele lo, yé a tɔbɔle lé ke a gi sanle a ’namawenu ma nya.

Wegɔnévɔlenu 19:19

Mi lé a bli éé flian é baba é dan a ma ban ye lɛ; naa, dé i bɔ a va, i dan da lɛ bɔ lɛ a va é ziin.

Wegɔnévɔlenu 21:23

Mi lé éé yuɛ paan é ’léé valé é nɛnɛ va, é ébozen sié nyanéblele lee.

Wegɔnévɔlenu 25:28

Mi lé é ’ka ébo kunwo lo, é a bélé fla lé a zi gɔrɔ ’ka lo, yé wa guru zana a gi, a zo.

Wegɔnévɔlenu 29:20

Dé i mi do yé, ’té éé tanyilawe fé, mi bli éé kɛla ’tugyɛzan lɛ é minié yee ta.

Mi Nɔnɔle 22:27

Sokofale tina Gakelebale lé lanje ye, yé é yia Balaam wuo. Balaam bli fli a ma, yé é sokofale tina bla yili nya.

Matio 5:22

Naa, maa lé ka lɛ léé, miomian é bli fli é bwe ma, a yara lé weblezannu é we lɛdɔ a gi; yé mi lé é a fe é bwe lɛ léé: Tavozan, a yara lé webolikinimunu wo we lɛdɔ a gi; yé mi lé é é bwe laa, ’wuosɛrɛzan, a yara lé Bale é we lɛdɔ a gi kyɛ plɛplɛ lé wa laama jéɛna, a va.

Maak 12:37

David bozen Krist laa ’ézan, ’naan, é kɛlɛ kaa yé Krist kɛlɛ David be nyaa? Yé mi kiɛre ’wo tɔné dɔ a lɛ gi nanale nya.

Maak 2:2

yé mi kiɛre zén ékeva kɔn ’léé fɔɔ yé wo va mi kenu ’ka dɔna ye lɛ lo. Yé é Bale dére fe wo lɛ.

WENÉNÉ LÉ LUK A GYE (Évangile selon Luc) 15:1

Vagɔɔlisimunu faa valé wenyanékɛlɛmunu bié Jézu ma alé we ’male we gi.

WENÉNÉ LÉ LUK A GYE (Évangile selon Luc) 19:48

naa, a dére do kpen ’ka gié lɛ munu tɔné la lo, amalé wo ’ka zi ye lɛ, wa kun lo.

Kelewenu 1:15

’Bɛ bléyi va, bwenu lé wo ke é zénle ékeva, dé wa mi yɔ suiɛdo? yé Piɛri nwa wo méléna yé é léé:

Kelewenu 10:33

Tɔɔn, yé maa munu nwunvɔ i lɛ yé i da; ’bɛ a é zima. Sin, ko faa a Bale ’lɛ; we faa lé Kazambale a fe i lɛ, ’bé fe ko lɛ, ko ’ma.

Kelewenu 13:48

Bɛn bɛnu we ’ko ’ma aan wo, wo gi nana. Wo Mizan dére zin tɔ bɔ. Munu faa lé Bale a fe é kyɛn léé, wo dan vo lɛ é yuɛma lɛɛfaama a glɛ ’ka lo, wo bli vo we ’konu lɛ.

Kelewenu 17:11

Juifinu ’ko, ’bɛnu bli a é zima é mini Tɛsalɔnik munu zé ta. ’Bɛnu dére ’ko nyi si é kele yé ’bɛnu vo Bale lé sɛbɛ gi ginina yi do do ma, we lé wa fena ’wo lɛ, dé weboen léé? yé wa ye.

Kelewenu 2:42

Wo yara pa nwunvɔzannu lé we paale valé nanale ékeva koo, Taboyi lé buru blele valé bazorole koo, wo ta.

Éfez munu 4:26

Yé dé ka bli fli té ka wenyané kɛlɛ monomono lo. Té yiri é vɔ kalé bliflile ma lo,

Éfez munu 4:31

We nyanale koo, zapale koo, bliflile koo, zɔdɔle koo, mitɔsɛrɛwe koo, we lɛrɛlɛrɛ gɔnɔ faa koo, woo faa ’é si ka méléna ma.

Kolɔs munu 3:15

Yé Krist lé vole drɔɔ lé wo ka laa a gi, ka kɛlɛle kɔlɛ do kpen nya we gi bɛ, yee ’é kɛlɛ ka kuunzan nya ka bli gi ma. Yé ’ka kɛlɛ bɔvɔmunu nya ma.

Kolɔs munu 3:8

Naa, sin, ’ka sɔn vɔ we ’konu faa ma: bliflile koo, zapale koo, we lɛrɛlɛrɛ kɛlɛle koo, mi sɔnɔle koo, zɛɛn vɔ dérenu koo, ’ka sɔn vɔ wo ma.

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

SEBE LÉ JAK A GYE (Épitre de Jacques) 1:16

An bwenu lé ka sɔ an lɛ, té ka dabli kɛlɛ kabo lɛ lo.

SEBE LÉ JAK A GYE (Épitre de Jacques) 1:2

An bwenu, wa ka gi danna bɛ faa ma fɛan zo bɛ, ka gi ’é nana a we ma ma.

SEBE LÉ JAK A GYE (Épitre de Jacques) 1:26

Dé é dɔ mi do gi léé, ’é a bazorozi do ta, dé kɔ ’ka é vɔle a nɛnɛ wuo lo, ’té é a ’ébozen saanna, ’té mi ’ko lé bazorozi a zi pla nya.

SEBE LÉ JAK A GYE (Épitre de Jacques) 2:1

An bwenu, ka bli a é pale Kaazan lé é ke Fuasanzan Jézu Krist nya, a lɛ fɛan zo bɛ, té ka munu nagini wo kɔlɛ ma lo.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

SEBE LÉ JAK A GYE (Épitre de Jacques) 3:10

Mi ’léé duona lé mi drɔɔ vole valé balepale mi ma éé bɔraan. An bwenu, é ’ka lé é kɛlɛ ’bɛ zo lo.

SEBE LÉ JAK A GYE (Épitre de Jacques) 4:11

Bwenu, té ka wenaané fe ka ke ma lo. Dé mian wenaané fe é bwe ma, dé mian é bwe ma we ble, ’té é a wenaané fena bélidɔwe ma, ’té é a bélidɔwe ma we blena. Yé dé i a bélidɔwe ma we blena, ’té i ’ka a ta tawozan nya lo, ’té i a a ma we blezan nya.

SEBE LÉ JAK A GYE (Épitre de Jacques) 5:12

An bwenu, we faa va we blɛn lé é ke ’ko: té ka fɛ ’nyɔɔn lo. Dé é a la nyaoo, dé é a tɛrɛ nyaoo, dé é a fɛofɛan nyaoo, té ka a do kpen ’nyɔɔn lo. Naa, kalé iin ’é kɛlɛ iin nya ma, yé kalé gba ’é kɛlɛ gba nya ma, dé we é da dɔ ka nwiin.

SEBE LÉ JAK A GYE (Épitre de Jacques) 5:19

An bwenu, dé ka va mi do si webozen zuo, yé mi do da a nya é ziin,

1 Jan 2:21

É ’ka kɛlɛ lɛ léé, ka ’ka webozen dɔɔa lo, bɛwemalé an sɛbɛ gyɛ ka lɛ lo. Naa, ka webozen dɔɔ, ’bɛzama, yé vié do kpen ’ka sié webozen va lo.