SEBE LÉ JAK A GYE (Épitre de Jacques) 1:17 - Kazambale lé Sebe Sauunu 1979

¹⁷ Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.

SEBE LÉ JAK A GYE (Épitre de Jacques) 1:17 ပူးပေါင်းရင်းမြစ်များ

Wepélisiananu 41:16

Jozɛfu lé Faraɔn lɛ léé: Maa kaan lo. Kazambale ɛ dan a gi fe lɛ Faraɔn lɛ é zima.

Minwiinzannu lé Wezuofe Sɛbɛ 22:12

Gakelebale ’é wedɔɔle valé gikinile nɔ i lɛ ma, yé ’é i pla Izraɛl munu nwiin, yé i tawo Gakelebale ilé Bale lé bélidɔwe yɛrama ma.

Minwiinzannu lé Wezuofe Sɛbɛ 29:19

Ilé bélidɔwenu koo, ilé weplalenu koo, i sɔnnénu koo, ’i wo lɛdɔama bli vɔ an be Salomɔn gi, yé ’é we ’konu faa kɛlɛ, yé fuakɔn lé maa a dɔfɛnu ma’lɛrɛ, yé ’é a dɔ ma.

Lɛrɛvɔ Sɛbɛ 102:27

Wo dan gié lɛ, naa, bii éé voo ana; Wo faa é dan kɛlɛ lɛ é kwa bélé sɔ zo; I dan wo tavɔɔ lɛ bélé varɔ zo, yé wo ta é dan vɔɔ lɛ.

Lɛrɛvɔ Sɛbɛ 122:6

’Ka Jérusalɛm vole drɔɔ ma laa, Munuan i sɔ wo lɛ, ’wo nyana woboma duaa ma.

Lɛrɛvɔ Sɛbɛ 136:7

Bale lé é fɛnakinifɛ blɛnnu kɛlɛ, Naa, a nyanai éé zén‐é yifaama.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Lɛrɛvɔ Sɛbɛ 85:12

Yarapale we ta gɔn éé bɔraan tɛrɛ la, Yé we tegele lé é ke la gi loru, éé tɛrɛla ginian.

Wegɔnévɔlenu 2:6

Naa, Gakelebale ɛ wedɔɔle no mi lɛ; a ’léé lé wedɔɔdére valé gikinidére éé sié;

Ézai 28:26

Alé Bale a kɛlɛbɛ paa a gi, é we ’konu gɔɔn a lɛ.

Ézai 45:7

Maa ɛ tu kinié yé maa ɛ gunu dɔraan; Maa ɛ mi vɔa a ma yé maa ɛ mi gya nyané nya; Maa Gakelebale, maa ɛ we ’konu faa kɛla.

Ézai 46:10

We lé é dan bɔ lɛ, maa a lɛ kini tɛrɛ pélisia bléyi ’lɛ, Yé we lé a lɛ ’ka tan sɔɔ lɛ lo, maa a fe faa ’lɛ. Wenu lé maa fe léé, an gi dan a ma, é dan vo lɛ ana, Yé maa dan anlé blibɔmawe faa lɛ sɔɔ lɛ.

Ézai 60:19

Yiri ’ka dan bi lɛ i ta é yiéyi é dɛrɛ lo; Moné ’ka dan i va kini lɛ é dɛrɛ lo. Naa, Gakelebale é dan kɛlɛ lɛ ilé san nya yifaama, Ilé Bale é dan kɛlɛ lɛ i tɔbɔmazan nya.

Malasi 3:6

Naa, maa a Gakelebale nya, an ’ka nɔlaan lo, bɛwemalé, ’kaa Jakɔb lé nénu, maa ’ka ka kulu ga lɛ lo.

Mi Nɔnɔle 11:17

Maa dan zun lɛ ’bɛna yé maa dan we fe lɛ i lɛ, yé bli lé é ke i gi, maa dan ’bɛ zoɛ bli vɔ lɛ wo gi, léé, wo bɔ i va munu ’ko kɔné sile nya, té i kɔné ’ko si i do lo we ma.

Mi Nɔnɔle 11:25

Gakelebale zun lati gi, yé é we fe Moizi lɛ, yé bli lé é ke Moizi gi, é ’bɛ zoɛ bli vɔ mi segele yɔ yaa wɔlɛ vu ’ko gi. Léli zén wo ta bléyian va, wo kun balelawe fele ma, naa, wo ’ka yara pa lɛ a fele ta lo.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Matio 7:11

Naa, ka‐an, ka ke é naané, dé ka fɛ zin nɔle gi dɔɔ kalé nénu lɛ, ka Ti lé é ke la gi, é ’ka dan fɛ zinnu nɔ lɛ munu lé wa laan a lee, wo lɛ loo?

WENÉNÉ LÉ LUK A GYE (Évangile selon Luc) 11:13

Naa, ka‐an ka ke é naané, dé ka fɛ zin nɔle gi dɔɔ kalé nénu lɛ, ka Lagi Ti ’ka dan Léli Sauun nɔ lɛ munu lé wa laan a lee, wo lɛ loo?

WENÉNÉ LE JAN A GYE (Évangile selon Jean) 1:9

San ’ko a san bozen nya; é da tɛrɛ la, yé é munu faa va kini.

WENÉNÉ LE JAN A GYE (Évangile selon Jean) 3:27

Jan léé: Dé Bale ’ka fɛ nɔ lɛ mi lɛ lo, é ’ka bɔa fɛ yele lɛ lo.

WENÉNÉ LE JAN A GYE (Évangile selon Jean) 3:3

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ é dɛrɛ lo, é ’ka dan kɛlɛ lɛ munu lé Kazambale ke é plale wo nwiin, wovazan do nya lo.

WENÉNÉ LE JAN A GYE (Évangile selon Jean) 8:12

Jézu we fe wo lɛ é ziin, yé é léé: Maa lé é ke tɛrɛlamunu lé san nya. Mian éé dan an zuo, é ’ka dan tawo lɛ gunutinu va lo, naa, é dan mibélisan ye lɛ.

Kelewenu 11:18

Bale lé munu we ’ko ’ma aan wo, wo bli vo drɔɔ, yé wo Kazambale tɔ zin bɔ a fele nya léé: Kazambale bli nɔlale nɔ é ziin bɛn bɛnu lɛ, wo vole é yuɛma we gi.

Kelewenu 5:31

Kazambale a nwa é bɛyi nya Zilɛzan valé Mibélizan nya, léé, ’é zi nɔ Izraɛl munu lɛ léé, ’wo bli nɔla yé Bale ’é wo ma we vo wolé wenyanénu ma.

Rom munu 6:23

Yé wenyané ma ban lé ke ga nya, naa, Kazambale lé blɛ pla lé ke vole é yuɛma lé a glɛ ’ka lo, a nya, Kaazan Jézu Krist gi.

1 Korent munu 4:7

De ɛ i kɛlɛ é yɛrama mi pɔnénu vaa? Mɛ fɛ lé bé ye iboaan? Yé dé mi bɛ a nɔ i lɛ, mɛmalé ibo ze vɔa, bélé fɛan zo lé bé ye iboan, a zoo?

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,

Éfez munu 2:8

Bale lé zin ma lé é ka si we gi, ka blipale a lɛ we ma, yé we ’ko ’ka si lɛ ka va lo; Kazambale lé blɛ lé.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.

Filip munu 1:29

Naa, Bale blɛ kɛlɛ ka lɛ Krist pli zi, léé, ka bli ’é vo Krist lɛ, yé ’bɛ saa kaan lo; ’bɛ ta loru, é blɛ kɛlɛ ka lɛ léé, ka nyané ble Krist lé we ma.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

Ébrunu 13:8

Jézu Krist a é dɔbɛ duo gi yese, kyɔ, lɛɛfaama, a glɛ ’ka lo.

SEBE LÉ JAK A GYE (Épitre de Jacques) 1:5

Dé ka va mi do ’ka we dɔɔa lo, é a lé ’é a laa Kazambale lee yé é dan a nɔ lɛ a lɛ. Kazambale éé fɛ no mi faa lɛ é pla é bli drɔɔ nya.

SEBE LÉ JAK A GYE (Épitre de Jacques) 3:15

’Bɛ zo wedɔɔle ’ka sié lagi loru lo; naa, tɛrɛla zé lé; mi dɔbɛ kyɛn zé lé; yo zé lé.

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

1 Jan 1:5

We lé ko a ’ma a ta, yé ko ke a fena ka lɛ ’ko, yee lé é ke léé, Kazambale a san nya, yé gunuti do kpen ’ka a va lo.

1 Jan 4:10

Sɔlɛle ’ko, é ’ka kɛlɛ lɛ léé, Kazambale ɛ sɔ kaa lɛ, ’bɛ lé lo, naa, kaa ɛ sɔ Kazambale lɛ, yé é Be pa zia kaalé wenyané ’yibofɛ nya.

Wegɔɔnle 21:23

Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.

Wegɔɔnle 22:5

Béli ’ka dan tan lɛ é dɛrɛ lo; Mizambale é dan wo ta kini lɛ, amalé wo mawe ’ka kyɛbɔ valé yirisan gi lo. Yé wo dan pla lɛ munu nwiin lɛɛfaama.

1 Samuɛl 15:29

Mi lé é ke Izraɛl lé plɛplɛ nya, é ’ka vié woo lo yé a bli ’ka nɔlaan lo, é ’ka mi nya yé a bli éé nɔlaan lo, azama.