SEBE LÉ JAK A GYE (Épitre de Jacques) 1:16 - Kazambale lé Sebe Sauunu 1979

¹⁶ An bwenu lé ka sɔ an lɛ, té ka dabli kɛlɛ kabo lɛ lo.

SEBE LÉ JAK A GYE (Épitre de Jacques) 1:16 ပူးပေါင်းရင်းမြစ်များ

Matio 22:29

Jézu lé wo lɛ léé: Ka ’ka Kazambale lé sɛbɛnu dɔɔa lo, yé ka ’ka Kazambale lé plɛplɛ dɔɔa lo, amalé ka saan.

Maak 12:24

Jézu a zi pa wo lɛ léé: Ka ’ka Kazambale lé sɛbɛnu dɔɔa lo, yé ka ’ka Kazambale lé plɛplɛ dɔɔa lo, ’té ka ’ka saan loo?

Maak 12:27

Dé Kazambale a fe léé, ’é a mi do lé Bale nya, ’té azan a é yuɛma. Dé é gaoo, é a é yuɛma duowo. Ka saan é baba.

Kelewenu 1:15

’Bɛ bléyi va, bwenu lé wo ke é zénle ékeva, dé wa mi yɔ suiɛdo? yé Piɛri nwa wo méléna yé é léé:

1 Korent munu 6:9

Ka ’ka a gi dɔɔa léé, mi plenu ’ka dan tɔnɔ ble lɛ Kazambale lé fuatɛrɛ la lo loo? Té ka saan we ’ko gi lo. Pɛnpɛnnégyɛzannu koo, miyilibɔzannu koo, le bɛ valé gɔné bɛ ginizannu koo, wizowe kɛlɛmunu koo, wevɔnle kɛlɛmunu koo,

Galasi munu 6:7

Té ka kabo saan we ’ko gi lo; wo ’ka bɔa dabli kɛlɛle lɛ Kazambale lɛ lo. Mi éé fɛan vɔa, yee duo lé é dan a gyɛ lɛ é ziin.

Filip munu 2:12

An blibɔmamunu, ka an lɛdɔama yifaama fɛan zo é vinin bɛ, sin, é a lé ka nyanama pa ka bɔle ka sile we gi ’wuoplana we ma, kanale valé manyɔɔnle nya. Té ka a kɛlɛ an yuɛ va saawo lo; naa, sin, bléyian va lé maa ’ka ka va lo, kalé a kɛlɛle gi ’é gyɛ ma.

Filip munu 4:1

Bɛwemalé, an sɔlɛbwenu, ka lé ka lɔrɔ ke an gyɛna, ka lé ka an gi nanaan, ka lé ka ke anlé tɔkoro nya, an blibɔmazannu, ’ka dɔ gligli Mizan gi.

Kolɔs munu 2:4

Maa a we ’ko fena léé, té mi do kpen é ka saan dabli dérenu nya lo we ma.

Kolɔs munu 2:8

’Ka yuɛ pa kabozen va, té migi?-?vuruzan do é ka saan élé gikinidérenu lé woo sié gɔnɔlawe valé tɛrɛlawe va, ’té é ’ka sié Krist lé we paale va lo bɛ, wo nya lo.

2 Timoté 2:18

Wo yara si webozen ta, yé wo léé, mi galenu nwa é kwakwa, yé wo mi kenu lé blipale gi sɛrɛ.

Ébrunu 13:1

’Ka yara pa bwenu lɔrɔpale ta.

SEBE LÉ JAK A GYE (Épitre de Jacques) 1:19

An bwenu lé ka sɔ an lɛ, ’ka we ’ko dɔɔ ma; é a lé mi faa ’wo tɔné dɔ we lɛ é kele; té wo we zi pa é kele lo, té wo bli é fli é kele lo.

SEBE LÉ JAK A GYE (Épitre de Jacques) 1:2

An bwenu, wa ka gi danna bɛ faa ma fɛan zo bɛ, ka gi ’é nana a we ma ma.

SEBE LÉ JAK A GYE (Épitre de Jacques) 2:1

An bwenu, ka bli a é pale Kaazan lé é ke Fuasanzan Jézu Krist nya, a lɛ fɛan zo bɛ, té ka munu nagini wo kɔlɛ ma lo.

SEBE LÉ JAK A GYE (Épitre de Jacques) 2:14

An bwenu, mi lé é ke a fena léé, ’é bli a é pale, yé a kɛlɛwenu ’ka lo, ’bɛ tɔnɔ lé ke mɛ fɛ nyaa? ’Bɛ zo blipale éé bɔa a sile lɛ we gii?

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

SEBE LÉ JAK A GYE (Épitre de Jacques) 3:1

An bwenu, té ka va mi kiɛre ’é kɛlɛ wepaamigizannu nya lo, naa, ka a gi dɔɔ léé, wo dan kolé we ble lɛ yara plɛplɛ nya.

SEBE LÉ JAK A GYE (Épitre de Jacques) 3:10

Mi ’léé duona lé mi drɔɔ vole valé balepale mi ma éé bɔraan. An bwenu, é ’ka lé é kɛlɛ ’bɛ zo lo.

SEBE LÉ JAK A GYE (Épitre de Jacques) 4:11

Bwenu, té ka wenaané fe ka ke ma lo. Dé mian wenaané fe é bwe ma, dé mian é bwe ma we ble, ’té é a wenaané fena bélidɔwe ma, ’té é a bélidɔwe ma we blena. Yé dé i a bélidɔwe ma we blena, ’té i ’ka a ta tawozan nya lo, ’té i a a ma we blezan nya.

SEBE LÉ JAK A GYE (Épitre de Jacques) 5:12

An bwenu, we faa va we blɛn lé é ke ’ko: té ka fɛ ’nyɔɔn lo. Dé é a la nyaoo, dé é a tɛrɛ nyaoo, dé é a fɛofɛan nyaoo, té ka a do kpen ’nyɔɔn lo. Naa, kalé iin ’é kɛlɛ iin nya ma, yé kalé gba ’é kɛlɛ gba nya ma, dé we é da dɔ ka nwiin.

SEBE LÉ JAK A GYE (Épitre de Jacques) 5:19

An bwenu, dé ka va mi do si webozen zuo, yé mi do da a nya é ziin,