SEBE LÉ JAK A GYE (Épitre de Jacques) 1:12 - Kazambale lé Sebe Sauunu 1979

¹² Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

SEBE LÉ JAK A GYE (Épitre de Jacques) 1:12 ပူးပေါင်းရင်းမြစ်များ

Wepélisiananu 22:1

We ’konu zuo Kazambale Abraam gi dan yé é lé a lɛ léé: Abraam. Yé é léé: Maa lo.

Néémi 1:5

yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

JOB (Job) 2:10

Naa, Job a zi pa a lɛ léé: I we fé bélé le lé a ’wuo ’ka a ta lo, a zo. Mɛ léé? Ko wezin yé Kazambale va ’naan, yé ko ’ka wenaané yé é ziin a va loo? ’Bɛ faa gi, Job ’ka wenyané do fe lɛ lo.

JOB (Job) 5:17

Mi lé Kazambale we lɛdɔ a gi, azé a néné. Dé Plɛplɛfaazan a i drɔna, té bé ye boawe nya lo.

Lɛrɛvɔ Sɛbɛ 11:5

Gakelebale éé mi tegele gi daan. Mi nyané valé mi lé glawe sɔ a lɛ, wo za a a gi.

Lɛrɛvɔ Sɛbɛ 119:67

Bléyian va lé i ’ka tan an tua lɛ lo, maa ilé zi vo an yuɛ zuo, Naa, sin, maa i dére ta tawoo.

Lɛrɛvɔ Sɛbɛ 119:71

Ilé an tuale a é zima, I déretawenu draanle we ma.

Lɛrɛvɔ Sɛbɛ 119:75

Oo Gakelebale, maa a gi dɔɔ léé, ilé weblelenu a tegele. I yara pale we ta ma lé i an tua.

Lɛrɛvɔ Sɛbɛ 5:11

Baleoo, Bale, ’i wo bla bélé wegyɛzannu zo. Wo gibɔrɔle ’é go wo nya wo saanna. ’I wo nɔ wolé wenyanénu kiɛre lɛ. Naa, woo nwaan bii ma, bɛzama.

Lɛrɛvɔ Sɛbɛ 94:12

Oo Gakelebale, mian i we lɛdɔa a gi, Yé ilé bélidɔwe paa a gi, Léé, é vo drɔɔ we tɔntɔn bɔyi la, Fɔɔ yé wo guru blɛn bo mi nyanénu lee, azé a néné.

Fwile 20:6

yé munu lé an sɔ wo lɛ, ’té woo anlé bélidɔwenu kɛla, an nyanai éé zén‐é wo ta fɔɔ wo kulu wuru soru nya.

Wegɔnévɔlenu 17:3

Fɛselebɔ a gɔɔlifu zé nya, yé bɔɔnwoli ’léé a kyan zé nya, naa, mi lé éé mi blinu gi daan, Gakelebale lé.

Ézai 64:4

Munu lé woo wetegele kɛla ginanale nya, ’té woo tawoo ilé zinu ta, ’té i sele a wo gi, i tawoo wo ’lɛ. Naa, ko wenyané kɛlɛ, amalé i bli fli. Ko dan vo lɛ kle blena kolé wenyané ma fɔɔ yé ko si we gi.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

WENÉNÉ LÉ LUK A GYE (Évangile selon Luc) 6:22

Dé wo ka za paoo, dé wo ka bin?-?oo, dé wo ka sɔnɔoo, dé wo sɔn vɔ ka tɔ ma fɛ naané zo‐oo, maa blami Be lé we ma, ka a bɛan gi bɛ, ’bɛ a é zima kazé nya.

Rom munu 5:4

yé yara pale we la éé guli ’wuo voo mi lɛ é gi danle gi, yé guli ’wuo vole ko lɛ ’ko, éé dan bli kɛlɛle fɛ lɛ nya,

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

1 Korent munu 2:9

’Ko zo lé é a é gyɛle Bale lé sɛbɛ gi: Fɛnu lé mi ’ka tan a ye lɛ é yuɛ nya lo, Wenu lé mi ’ka tan a ’ma lɛ é tɔné gi lo, É valé wenu lé mi ’ka tan boenwo é bɔn‐in bɔrɔ lɛ a ma lo, Woo lé Kazambale wo ma’lɛrɛ, munu lé Kazambale sɔ wo lɛ, wozé nya.

1 Korent munu 8:3

Naa, dé Kazambale sɔ mian lɛ, Kazambale ’bɛzan dɔɔ.

1 Korent munu 9:25

Naa, zakɛlɛzannu faa éé sɔn vɔa fɛ kenu ma. Wa kɛla a ma ban lé éé nyaan, a yele we gi. Naa, kaa a kɛla ban lé é ’ka nyaan lo, a yele we gi.

Bélidɔwesɛbɛ Fiézan 13:3

té ka tɔné dɔ balelayezan ’ko valé nyɛgyɛzan ’ko dére lɛ lo; naa, Gakelebale, kalé Bale a ka gi danna, dé ka Gakelebale, kalé Bale lɔrɔ paan ka bli faa valé kaboen faa nyaa? a gi dɔɔle we gi.

Bélidɔwesɛbɛ Fiézan 7:9

Amalé, ka gi dɔɔ léé, Gakelebale, kalé Bale ɛ ke Bale nya; yarapawela Bale ’ko, munu lé é sɔ wo lɛ, ’té wo alé bélidɔwenu kɛla, éé dɔa élé gipawe ta, yé a nyanai éé zén‐é wo ta fɔɔ yé é bɔ wo kulu wuru soruzan ma.

Bélidɔwesɛbɛ Fiézan 8:2

Zi faa lé Gakelebale, kalé Bale go ka nya a ta bwi gi, ka lɛɛ yɔ fié lo, a sele ’é dɔ ka gi ma; é a kɛlɛ ka tuale valé ka gidanle we gi, ka bli dɔɔle we ma, dé ka dan ’é sɔnnénu pa lɛɛ? dé ka ’ka dan wo pa lɛ loo? yé é a gi dɔɔ.

2 Timoté 2:15

’I kwa kuli ibo ma dɔle Kazambale ’lɛ we ma, mian wa gi dan, a nya, nyanamapazan lé yara ’ka a gya lo, ’té éé webozen dére fé tegeleee, a nya.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Ébrunu 10:32

Bléyian va lé ka bɔn‐in kini, wenu lé ka kɛlɛ ’bɛ bléyi va, a sele saan ka gii? Ka kle blɛɛn ble yé ka dɔ gligli duowo.

Ébrunu 11:17

Bléyian va lé Kazambale Abraam gi dan, blipale nya lé é é be wɔlɛ do kpen Izak nɔ saraka nya; Abraam lé, Bale blivolɛdére fe a lɛ léé,

Ébrunu 12:5

We lé Bale a pla ka lɛ, ka gi san ’bɛ maa? É we pla ka lɛ bélé é benu zo, yé é léé: An be, dé Mizambale we lɛdɔ i gi, té bé ye boawe nya lo, Yé dé é we pla i lɛ, té i fuu é si i ta lo ma.

Ébrunu 6:15

’Bɛ zo lé, dé Abraam a lɛbɛn yarapalale nya faa, yé fɛ lé Kazambale a fe blivolɛdére nya, yé é a ye.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

SEBE LÉ JAK A GYE (Épitre de Jacques) 5:11

Ka ye, munu lé, wo nyané ble bli tiéé nya, ko fé léé, wozé a néné é baba. Ka Job lé bli tiéé we zuo fele ’ma; yé Mizambale alé we kɛlɛ fɛan zo é voéla, ka ’bɛ ye, naa, Mizambale éé mi mawe dɔɔan é baba yé a nyanai éé zén‐é mi ta di.

1 Piɛri 3:14

Dé é kɛlɛ léé, ka kle ble we tegele ma, ’té kazé a é zima. Té ka kana wo kana?-?mawe lee lo; té ka gi kyɛ é dɔ lo;

1 Piɛri 4:13

Naa, ka gi ’é nana léé, nyanénu lé Krist a ble, kazé a wo va, yé ka gi ’é nana fɔɔ yé é gié a glɛ la, Krist lé fua nagɔɔn yi nya.

1 Piɛri 4:14

Dé wo ka sɔnɔ Krist tɔ ma, kazé a néné, naa, fuasan Léli, Kazambale Léli, é a ka ta.

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

1 Piɛri 5:4

Yé dé Mipazan segele da yian ma, tɔkoro lé ke fua tɔbɔle nya, ’té é ’ka sɛra lo, ka dan a ye lɛ kazé nya.

1 Jan 4:19

Kaa sɔ Kazambale lɛ é vinin, amalé sɔlɛle a kaa gi.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.