SEBE LÉ JAK A GYE (Épitre de Jacques) 1:11 - Kazambale lé Sebe Sauunu 1979

¹¹ Fɛan zo lé yiri éé nwaan é san plɛplɛ nya, yé lu éé zɔrɔan, yé a vwi éé diaan, yé a dɔbɛ zima é san bɛ, a zo duo lé fuablezan é dan zɔrɔ lɛ élé nyanamanu méléna.

SEBE LÉ JAK A GYE (Épitre de Jacques) 1:11 ပူးပေါင်းရင်းမြစ်များ

2 Samuɛl 22:46

Bɛnnu fuu éé sié wo ta; Dé wo ’ka ’wolé guliyɔɔkɔn gi lo, wo ma éé nyɔɔn‐an.

Lɛrɛvɔ Sɛbɛ 102:4

Naa, anlé yinu éé giéan bélé kyɛgoi zo, Yé an wɔlɛnu kyɛ éé blé bélé kyɛnyɛ zo.

Lɛrɛvɔ Sɛbɛ 103:15

Naa, blami yinu a bélé lu zo, Éé vwi bié bélé féi lunu zo,

Lɛrɛvɔ Sɛbɛ 37:2

Naa, wo ma éé yuruan é kele bélé lu zo, Yé woo zɔrɔan bélé lu drɔɔdrɔɔ zo.

Lɛrɛvɔ Sɛbɛ 39:6

Bé ye, i anlé yinu nɔ an lɛ, wa bélé an bɛlaa nya do zo, Yé anlé vole é yuɛma ’ka fɛ do kpen nya i yuɛ gi lo. Iin, mi faa lé wo ke é dɔle loru, wa fu fɛɛle do nya. Ka ye do.

Lɛrɛvɔ Sɛbɛ 90:6

Lu vwi éé bié bladi, yé éé zanaan, Dé wa bɔi nyanadi, ’té é ga.

Bale Lé We Gifezan 5:15

We tɔntɔn do lé ke bɛ é ziin. É go, fɛan zo lé é da, a zo. Yé nyanama lé é a pa gwɛ ma bɛ, a tɔnɔ lé ke mɛ fɛ nyaa?

Ézai 28:1

Éfraim munu, nwɛgyɛzannu lé tɔkoro nɔnɔmi, we tɔntɔn kɛlɛ i lɛ. Bɛn ’ko, a vwi lé ke a ’lɛrɛfɛ nya, ’té a ma éé yuruan bɛ, ’té é ke é plale nwɛtanzannu lé pɛnguru gi tɛrɛ nyɔnɔzan nwiin bɛ, we tɔntɔn kɛlɛ a lɛ.

Ézai 28:4

yé a vwi lé ke wo ’lɛrɛfɛ nya, ’té a ma éé yuruan bɛ, ’té é ke é plale pɛnguru gi tɛrɛ nyɔnɔzan nwiin bɛ, é dan kɛlɛ lɛ bélé bɔrɔyili poro lé é tana é bɔlunu ’lɛ, ’té dé é dia tɔɔn, ’té wa ble é kwakwa, a zo.

Ézai 49:10

Lɔrɔ ’ka dan wo gyɛ lɛ lo, yé ’yiminilɔrɔ ’ka dan wo gyɛ lɛ lo; Wo ’ka dan nyané ble lɛ tɛrɛ kyɛ dɔle valé yiri lee lo; Naa, mi lé a nyanai é zén wo ta, é dan kɛlɛ lɛ wolé zigɔɔnzan nya, Yé é dan go lɛ wo nya ’yibɔnanu na.

Matio 13:6

naa, a suni ’ka go lɛ baa lo, amalé dé yiri bi, é a kyɛ ble yé é ga.

Matio 20:12

Mi voélazannu ’ko, wo nyanama pa lɛrɛ do kpen nya yé ko, ko wɔlɛi nyaa ko ma nyanama pale nya yi do yiri la yé i ko faa lé gɔɔli kɛlɛ doo?

Matio 6:30

Bli paan tegele lo zannu. Dé Kazambale éé sɔ zén‐é féi lunu ta ’ko zo, ’té ’bɛnu ke ana kyɔ yé tɛlɛ wo ’bɛnu vulian ’furu gi, é ’ka dan kazé mini lɛ wozé ta loo?

Maak 4:6

Naa, a suni ’ka go lɛ baa lo, amalé dé yiri bi, é a kyɛ ble yé é ga.

1 Korent munu 7:31

Munu lé woo tɔnɔ yé tɛrɛ ’ko la, ’wo kɛlɛ bélé fɛan zo lé wo ’ka a yé lo, a zo ma. Tɛrɛ ’ko la we éé giéan, amalé maa we ’konu fe ka lɛ.

1 Piɛri 1:4

É ziin, é kaa yaa é dɛrɛ kaalé tɔnɔ blele we gi. Tɔnɔ ’ko ’ka sɛra lo, a tiri ’ka dɔa lo, a ma ’ka yuruan lo yé a ta a é dɔle la gi kazé nya.

1 Piɛri 5:4

Yé dé Mipazan segele da yian ma, tɔkoro lé ke fua tɔbɔle nya, ’té é ’ka sɛra lo, ka dan a ye lɛ kazé nya.