Fwile 9:14 - Kazambale lé Sebe Sauunu 1979

¹⁴ Naa, gɔnɔ do ’ko nya ’é dan ’élé dunuvɔmagyɛnu faa pa lɛ zia, bii koo, i wuozannu koo, ilé munu koo, ka ma, ilé a gi dɔɔle we gi léé, ’é bɔmazan ’ka tɛrɛ faa la lo.

Fwile 9:14 ပူးပေါင်းရင်းမြစ်များ

2 Samuɛl 7:22

Bale, Gakelebale, i a blɛɛn! Naa, we faa lé ko a ’mana ko tɔné gi, a yɛrama lé i bɔmazan ’ka lo, yé bale bɛ ’ka i va lo.

1 Minwiinzannu 8:38

dé mi do léé, dé ilé munu Izraɛl faa léé, dé wo bazoro yé wo zanté vɔ i lɛ, yé wo faa va mi do do ébo bli gi wenaané dɔɔ yé é bɛ soi kɔn ’ko vazia,

Minwiinzannu lé Wezuofe Sɛbɛ 17:20

Oo Gakelebale, i bɔmazan ’ka lo, bii do kpen lé ke Bale nya, a bɛ ’ka lo, we faa lé ko a ’ma ko tɔné gi, a yɛrama.

Lɛrɛvɔ Sɛbɛ 86:8

Mizan, i zoɛzan ’ka balenu va lo, Yé woan woo nyanama paan i panyanama zo, ’bɛzan ’ka lo.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 8:10

Wo wo zun dɔ, yé tɛrɛ gin dɔ.

Fwile 8:6

Faraɔn léé: Tɛlɛ. Moizi léé: É dan kɛlɛ lɛ i dére yɛrama, ilé a gi dɔɔle we gi léé, Gakelebale, kolé Bale bɔmazan ’ka lo.

Fwile 9:15

Dé é a lé ’é bɛ soi kɔɔn yé é bii valé ilé munu gyɛ, ’té ka ta saan tɛrɛ la.

Ézai 45:5

Maa a Gakelebale nya, a bɛ ’ka lo, Dé é ’ka maa nya lo, Bale bɛ ’ka lo. Maa plɛplɛ nɔ i lɛ, ’té i ’ka tan an dɔɔ lɛ lo.

Ézai 46:9

Wenu lé wo kɛlɛ é kyɛn bɛ, wo sele ’é dɔ ka gi ma; Naa, maa a Bale nya, ’bɛ bɛ ’ka lo, Maa a Bale nya, an bɔmazan ’ka lo.

Jérémi 10:6

Bii Gakelebale, i danmafɛ do kpen ’ka lo; I a blɛn yé i tɔ a é bɔle ilé plɛplɛ ma.

Jérémi 10:7

Bɛnnu nwiinzan, de ɛ ’ka kanaan i lee loo? Kanale i lee yara lé; Naa, bɛnnu lé wedɔɔmunu faa koo, bɛngɔnɔnu faa koo, I danmazan do kpen ’ka wo va lo.

Jérémi 19:8

Maa dan fla ’ko kɛlɛ lɛ é ’bin nya, yé é dan kɛlɛ lɛ wenanamafla nya. Munu faa lé woo giéan a sɔnɔ, wo gi é dan vuru lɛ, yé wo dan ’furu fɛn lɛ wenaanénu faa lé é bɔ a ma bɛ, a we ma.

Daniɛl 5:21

Wa bin blaminu méléna. A bli kɛlɛ bélé winu bli zo, yé é nyana bwi gi sokofalenu va. Wo lu nɔ a lɛ bélé diri zo yé é a ble, yé lagi lolu a kɛlɛ drɔɔdrɔɔ, fɔɔ yé é a gi dɔɔ léé, plale mi nwiin faa a é plale balenu faa nwiinzan Bale wuo, yé dé miomian sɔ a lɛ, éé ’bɛzan plaan munu nwiin.

Lévinu 26:18

Dé maa ’bɛ kɛlɛ yé ka ’ka ka tɔné dɔ lɛ an lɛ duowo lo, maa dan we lɛdɔ lɛ ka gi taawo gɔnɔ sɔrafié kalé wenyané ma.

Lévinu 26:21

Dé ka dɔ an ma yé ka ’ka ka tɔné dɔle an lɛ nyi si lɛ lo, maa dan ka bla lɛ gɔnɔ sɔrafié taawo kalé wenyanénu ma.

Lévinu 26:28

maa dan dɔ lɛ ka ma é ziin bliflile blɛn nya yé maa dan we lɛdɔ lɛ ka gi taawo gɔnɔ sɔrafié kalé wenyanénu ma.

Misé 6:13

Bɛwemalé maa dan ka bla lɛ kleblele nya, maa dan ’wii lɛ ka ta kalé wenyanénu lé we ma.

Bélidɔwesɛbɛ Fiézan 3:24

Mizan, Gakelebale, ilé blɛn valé i bɛ plɛplɛ, bé péli sia yé bé gɔɔn maa, i wuozan lɛ; dé é a lagi nyaoo, dé é a tɛrɛ la nyaoo, bale kyɛn ɛ ke ana yé é bɔalɛ é i panyanama valé i kɛlɛwe blɛnblɛn zuosonaa?

Bélidɔwesɛbɛ Fiézan 4:35

Ka a we ’konu faa nayezannu nya, kalé a gi dɔɔle we gi léé, Gakelebale a Bale nya, yé bale bɛ ’ka lo.

Wegɔɔnle 18:8

Bɛwemalé, yi do nya bawurumawe ’konu é dan bɔ lɛ a ma: ga koo, gyɛbole koo, lɔrɔ koo, woo lé, yé a kyɛ é dan ble lɛ. Mizambale lé, é alé we ble, é a plɛplɛ.

Wegɔɔnle 22:18

Dé é a miomian nya, yé é sɛbɛ ’ko lé balelaye dérenu ’ma, maa lé a lɛ léma: Dé mian é we bɛ pa a va, Kazambale é dan a gyɛ lɛ migyɛgyɛnu lé wo wolé we gyɛ sɛbɛ ’ko gi, wo nya.

1 Samuɛl 4:8

Wenaané kɛlɛ ko lɛ. De ɛ dan ko si lɛ bale plɛplɛ ’konu lee? Balenu lé wo Éjipiti munu gyɛ gyɛ gɔnɔ faa nya bwi gi, woo lé.