Fwile 7:4 - Kazambale lé Sebe Sauunu 1979

⁴ Maa dan an bɛ nwa lɛ Éjipiti ma, yé maa dan anlé sunyanu palunu, anlé munu, Izraɛl lé nénu si lɛ Éjipiti tɛrɛ la we blɛn blele nya.

Fwile 7:4 ပူးပေါင်းရင်းမြစ်များ

Fwile 10:1

Gakelebale lé Moizi lɛ léé: ’I go Faraɔn va, naa, maa a bli valé a wuozannu bli kɛlɛ plɛplɛ, anlé tɔmasenu kɛlɛle wo méléna we ma;

Fwile 11:9

Gakelebale lé Moizi lɛ léé: Faraɔn ’ka dan é tɔné dɔ lɛ ka lɛ lo, anlé gyɛzorowenu gi gyɛle Éjipiti tɛrɛ la we gi.

Fwile 12:51

Yé yi ’ko duo nya lé Gakelebale Izraɛl lé nénu si Éjipiti tɛrɛ la, wolé sunya palunu yɛrama.

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 13:9

É dan kɛlɛ lɛ i lɛ bélé tɔmase zo i bɛ ta, bélé weseledɔmigifɛ zo i yarapɛla, Gakelebale lé bélidɔwe kɛlɛle i ’léé we gi; naa, Gakelebale ka fwi Éjipiti tɛrɛ la é bɛ plɛplɛ nya.

Fwile 18:8

We faa lé Gakelebale a kɛlɛ Faraɔn valé Éjipiti munu lɛ Izraɛl pli zi koo, nyanénu lé wa ble zia koo, Gakelebale wo si we gi fɛan zo koo, Moizi a zuo faa fe é na ti lɛ.

Fwile 3:19

Maa gi dɔɔ léé, Éjipiti mununwiinzan ’ka dan daan lɛ ka ma yé ka go lo, ’té dé an bɛ plɛplɛ ’ka a ta lo.

Fwile 3:20

Maa dan an bɛ soi lɛ yé maa dan Éjipiti munu bla lɛ, we blɛnblɛnnu gɔnɔ faa lé maa dan a kɛlɛ lɛ wo méléna, wo nya. ’Bɛ zuo é dan daan lɛ ka ma yé ka go.

Fwile 6:1

Gakelebale lé Moizi lɛ léé: We lé maa dan a kɛlɛ lɛ Faraɔn lɛ, i dan a ye lɛ sin; an bɛ plɛplɛ ma lé é dan daan lɛ Izraɛl munu ma; an bɛ plɛplɛ ma lé é dan wo bin lɛ é boan élé tɛrɛ la.

Fwile 6:26

Arɔn valé Moizi ’ko lé Gakelebale wo bélidɔ a fele nya léé: ’Ka Izraɛl lé nénu si Éjipiti tɛrɛ la wolé sunyanu palu yɛrama.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Fwile 7:13

Faraɔn bli kɛlɛ plɛplɛ yé é ’ka é tɔné dɔ lɛ Moizi valé Arɔn lɛ lo, Gakelebale a fe fɛan zo, a zo.

Fwile 7:16

yé bé fe Faraɔn lɛ léma: Gakelebale, Ébrunu lé Bale maa nwunvɔ i va, a fele i lɛ we gi léé, ’i daan élé munu ma, yé wo ’é bɔ nyéné lé fɛna. Yé fɔɔ bléyi ’ko va i ’ka tɔné dɔ lɛ lo.

Fwile 8:15

Yé yokɛlɛzannu lé Farɔn lɛ léé: Bale bɛnwɔlɛ lé. Naa, Faraɔn é bli kɛlɛ plɛplɛ yé é ’ka tɔné dɔ lɛ wo lɛ lo, Gakelebale a fe fɛan zo, a zo.

Fwile 8:19

É dan glɛ dɔ lɛ élé munu valé ilé munu gi. Tɔmase ’ko é dan kɛlɛ lɛ tɛlɛ.

Fwile 9:12

Gakelebale Faraɔn bli kɛlɛ plɛplɛ yé Faraɔn ’ka é tɔné dɔ lɛ Moizi valé Arɔn lɛ lo, Gakelebale a fe Moizi lɛ fɛan zo, a zo.

Fwile 9:3

bé ye, Gakelebale bɛ é dan kɛlɛ lɛ trubɛnu lé ke féinu ta, wo ma, wisoonu koo, sokofalenu koo, nyɔgɔménu koo, dirinu koo, ’blanu koo, woo lé; wo kiɛre kiɛre é dan ga lɛ.

Wegɔnévɔlenu 19:29

Woo weblele ma’lɛra wenanamimazan zé nya, yé woo fɔlɛ blian ’tugyɛzannu lala zé nya.

Ézai 26:9

I lɔrɔ an boen gya béli tu la, An gi mi, an léli i ginian; Naa, dé i a we blena tɛrɛ la, Tɛrɛlamunu é dan we tegele dɔɔ lɛ.

Jérémi Lé Wuvɔ Sɛbɛ 3:3

Maa do ma lé éé bɛ nwaan yifaama; Maa lé éé an blaan yifaama.

Ézékiɛl 14:21

Amalé we lé Mizan Gakelebale a fe, yee lo: Dé maa anlé welɛdɔ migifɛ ziɛn pa Jérusalɛm lɛ zia, gwɔun koo, lɔrɔ koo, migyɛwinu koo, migyɛgyɛ koo, woo lé, dé maa wo pa zia blaminu valé winu kulu gale we ma,

Ézékiɛl 25:11

Maa dan Moab munu ta fuola lɛ wo nyanémunu lɛ, yé wo dan a gi dɔɔ lɛ léé, maa ɛ ke Gakelebale nya.

Ézékiɛl 30:14

Maa dan Patrɔs sɛrɛ lɛ tata; maa dan Soan kyɛ ble lɛ; maa dan dɔra lɛ No munu ta.

Ézékiɛl 30:19

Maa dan dia lɛ Éjipiti munu ta yé wo dan a gi dɔɔ lɛ léé, maa ɛ ke Gakelebale nya.

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 16:7

Yé maa balebanna dére ’ma, ’té éé a fé léé: Iin, Mizambale, Plɛplɛfaazan, ilé weblelenu a webozen nya yé wa tegele.

Wegɔɔnle 19:2

naa, alé weblelenu a webozen valé we tegele nya; gɔnégini le baba lé, é tɛrɛ sɛrɛ élé pɛnpɛnnégyɛle nya, é alé we ble, yé ’é wuomunu nyɛ lɛgi pa a ma.

Weblezannu 2:15

Fɛ faa lé wo go ana, Gakelebale bɛ a wo ma, wenyané kɛlɛle wo lɛ we ma, fɛan zo lé Gakelebale a fe, fɛan zo lé Gakelebale ébo ’nyɔɔn wo lɛ, a zo, ’té woo nyané blɛn blé.