Fwile 7:3 - Kazambale lé Sebe Sauunu 1979

³ Yé maa dan Faraɔn bli kɛlɛ lɛ plɛplɛ yé maa dan anlé tɔmasenu valé anlé gyɛzorowenu gi gyɛ lɛ Éjipiti tɛrɛ la. Faraɔn ’ka dan tɔné dɔ lɛ ka lɛ lo.

Fwile 7:3 ပူးပေါင်းရင်းမြစ်များ

Néémi 9:10

I gyɛzorowenu valé we blɛnblɛnnu kɛlɛ Faraɔn koo, é wuozannu koo, élé tɛrɛlamunu faa koo, wo lɛ. Naa, nyanénu lé wa pa ko tranu ta, bé gi dɔɔ, yé ilé fuasan bɔra bélé fɛan zo lé bé bɔra kyɔ ko lɛ ’ko, a zo.

Lɛrɛvɔ Sɛbɛ 135:9

É tɔmasenu valé gyɛzorowenu kɛlɛ, bii, Éjipiti tɛrɛ la. É wo kɛlɛ Faraɔn valé é wuozannu faa lɛ.

Lɛrɛvɔ Sɛbɛ 78:12

É we blɛnblɛnnu kɛlɛ wo tranu yuɛ va, Éjipiti tɛrɛ la, Soan féinu ta.

Fwile 11:10

Moizi valé Arɔn gyɛzorowe ’konu faa kɛlɛ Faraɔn yuɛ va, yé Faraɔn ’ka daan lɛ Izraɛl lé nénu ma, léé, ’wo si élé tɛrɛ la lo.

Fwile 11:9

Gakelebale lé Moizi lɛ léé: Faraɔn ’ka dan é tɔné dɔ lɛ ka lɛ lo, anlé gyɛzorowenu gi gyɛle Éjipiti tɛrɛ la we gi.

Fwile 14:4

Maa dan Faraɔn bli kɛlɛ lɛ tɔntɔn, yé é dan go lɛ wo zuo; naa, maa dan anlé fuasan nagɔɔn lɛ Faraɔn valé élé sunyanu faa nya, yé Éjipiti munu é dan a gi dɔɔ lɛ léé, maa a Gakelebale nya. Yé Izraɛl lé nénu a kɛlɛ a zo.

Fwile 3:20

Maa dan an bɛ soi lɛ yé maa dan Éjipiti munu bla lɛ, we blɛnblɛnnu gɔnɔ faa lé maa dan a kɛlɛ lɛ wo méléna, wo nya. ’Bɛ zuo é dan daan lɛ ka ma yé ka go.

Fwile 4:21

Gakelebale lé Moizi lɛ léé: I a gona Éjipiti tɛrɛ la sin, amalé we blɛnblɛnnu lé maa wo bɛ pa i lee, ’i gi bɔrɔ wo ma; i dan wo kɛlɛ lɛ Faraɔn yuɛ va. Yé maa dan a bli kɛlɛ lɛ plɛplɛ, yé é ’ka dan daan lɛ munu ma wo go lo.

Fwile 4:29

Moizi valé Arɔn go, yé wo Izraɛl lé nénu lé mi segelenu faa zén ékeva.

Fwile 4:7

Gakelebale léé: ’I bɛ pla i golɛ gi é pai. É bɛ pla é golɛ gi é pai; ’bɛ zuo é a si é golɛ gi yé bé ye, a kɔlɛ kɛlɛ é pa gi yɔrɔyɔrɔ.

Fwile 7:13

Faraɔn bli kɛlɛ plɛplɛ yé é ’ka é tɔné dɔ lɛ Moizi valé Arɔn lɛ lo, Gakelebale a fe fɛan zo, a zo.

Fwile 9:16

Naa, é i vo ana, ilé ’élé plɛplɛ yele we gi yé wo ’é tɔ sɔɔla tɛrɛ faa la.

Wegɔnévɔlenu 21:1

Minwiinzan bli a bélé ’yiyoro zo Gakelebale lee; fɛana sɔ a lɛ, ana lé éé a yoroan.

Ézai 51:9

Gakelebaleoo, ’i nwa, ’i bɛ kun ilé zana ma, bé gyɛ. ’I nwa, bé kɛlɛ bélé é vinin zé zo, Bélé é li zé zo. Biian i Éjipitinu gyɛ loo? Biian i wi nyané blɛn fɔn loo?

Misé 7:15

Maa dan we blɛnblɛnnu kɛlɛ lɛ ka yuɛ va, bélé fɛan zo lé maa kɛlɛ yian nya lé maa ka si Éjipiti tɛrɛ la, a yi nya, a zo.

WENÉNÉ LE JAN A GYE (Évangile selon Jean) 4:48

Jézu lé a lɛ léé: Dé ka ’ka gyɛzorowenu valé we blɛnblɛnnu kɛlɛle ye lɛ lo, ka bli ’ka vo an lɛ monomono lo.

Kelewenu 2:22

’Kaa Izraɛl munu, ’ka dére ’konu ’ma ma. Kazambale Nazarɛtzan Jézu ma wenu fe ka yuɛ va, gyɛzorowenu koo, we blɛnblɛnnu koo, tɔmasenu koo, wo nya, ’té Bale a kɛlɛ Jézu nya ka méléna, ka a gi dɔɔ kaboan;

Kelewenu 7:36

Yee ɛ wo si Éjipiti tɛrɛ la we blɛnblɛnnu valé gyɛzorowenu kɛlɛle nya, Éjipiti tɛrɛ la koo, Wɛyi Sɔɔn va koo, bwi gi koo, wona, lɛɛ yɔ fié gi.

Rom munu 15:19

gyɛzorowenu valé weblɛnblɛnnu kɛlɛle koo, Léli Sauun lé plɛplɛ koo, wo nya lé Jézu Krist bɛn bɛnu kɛlɛ ’é lɛdɔmazannu nya. ’Bɛ zo lé an Krist lé Wenéné faa nwɛɛn di, é sia Jérusalɛm valé é sɔnɔ tɛrɛnu ma fɔɔ yé é bɔ Iliri tɛrɛ la.

Rom munu 9:18

Bɛwemalé, dé é sɔ Bale lɛ léé, ’é nyanai zén mian ta, ’bɛzan ta lé éé a zén‐é, yé dé é sɔ a lɛ léé, ’é mian tɔné gi kɛlɛ plɛplɛ, ’bɛzan lé é a tɔné gi kɛla plɛplɛ.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 7:19

Gidanwenu blɛn lé wo kɛlɛ ka yuɛ va koo, gyɛzorowenu valé weblɛnblɛnnu koo, Gakelebale bɛ plɛplɛ lé ke é soile koo, we ’konu faa lé ka wo ye ka sile Éjipiti tɛrɛ la bléyi va, wo sele ’é dɔ ka gi ma; ’bɛ zo lé Gakelebale kalé Bale é dan a kɛlɛ lɛ, munu faa lé ka a kanana wo lee, wo lɛ.