Fwile 7:17 - Kazambale lé Sebe Sauunu 1979

¹⁷ Gakelebale léma: We ’ko ma lé i dan a gi dɔɔ lɛ léé, ’é a Gakelebale nya. Maa dan fɛ duun lɛ yuu lɛ tawomayili lé ke an lee, a nya; yé é dan kinin lɛ nyɛ nya.

Fwile 7:17 ပူးပေါင်းရင်းမြစ်များ

1 Minwiinzannu 20:28

Bale lé mi bié, yé é lé Izraɛl nwiinzan blɛn lɛ léé: Gakelebale léma: Sirimunu a fe léé, Gakelebale a gɔnu ma bale nya yé é ’ka gɔ méléna bale nya lo, bɛwemalé maa dan mi gbau ’ko pa lɛ i lee, yé ka dan a gi dɔɔ lɛ léé, maa a Gakelebale nya.

2 Minwiinzannu 19:19

Sin, Gakelebale, kolé Bale! ’I ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya, oo Gakelebale!

Lɛrɛvɔ Sɛbɛ 105:29

Bale wolé ’yinu kinin nyɛ nya, Yé é wolé pɔnu gyɛ.

Lɛrɛvɔ Sɛbɛ 78:44

É wolé yuunu nɔla nyɛ nya, Yé wo ’ka bɔ lɛ a minile lɛ lo.

Lɛrɛvɔ Sɛbɛ 83:18

Yara ’é wo gyɛ yé di ’é kini wo gi yifaama ma, ’I wo gyɛ yara nya yé ’wo zamaga wo ma.

Lɛrɛvɔ Sɛbɛ 9:16

Migyɛguru lé bɛnnu a bo, wobozen éé diaan a gi, Séli lé wa vɔ é yɔɔle, woboen a sian a gi ’wo gane nya.

Fwile 1:22

Yé Faraɔn élé munu faa bélidɔ léé: Dé wo né yaa gɔné nya, ’ka a vuli yuu va, yé ’ka nélomu faa vo é yuɛma.

Fwile 10:2

we lé maa kɛlɛ Éjipiti munu lɛ, é valé tɔmasenu lé maa a kɛlɛ wo méléna, yé ka wo zuo fe ka benu valé ka nénénu lɛ, ’bɛ lé we ma é ziin. Yé ka dan a gi dɔɔ lɛ léé, maa a Gakelebale nya.

Fwile 4:9

Dé wo ’ka bli vo lɛ tɔmase fié ’konu lɛ lo, dé wo ’ka tɔné dɔ lɛ i dére lɛ lo, i dan ’yi koli lɛ yuu va yé i dan a zana lɛ tɛrɛ va, yé ’yi lé bé si yuu va é dan kinin lɛ nyɛ nya tɛrɛ va.

Fwile 5:2

Faraɔn a zi pa léé: De ɛ ke Gakelebale nya yé maa a dére lɛdɔma yé maa daan Izraɛl maa? Maa ’ka Gakelebale dɔɔa lo yé maa ’ka dan daan lɛ Izraɛl ma pelo.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Fwile 7:20

We lé Gakelebale a fe Moizi valé Arɔn lɛ, wa kɛlɛ. Arɔn tawomayili nwa yé é fɛ duun yuu lɛ Faraɔn valé é wuomunu yuɛ va; yé yuu faa kinin nyɛ nya.

Fwile 7:5

Éjipiti munu é dan a gi dɔɔ lɛ léé, maa a Gakelebale nya, ’té dé maa an bɛ soi Éjipiti tɛrɛ la yé maa Izraɛl lé nénu si wo va.

Ézékiɛl 25:17

Maa dan we lɛgi pa lɛ wo ma blɛɛn an wɛwɛ dɔle nya wo ma; dé an wɛwɛ dɔ wo ma bléyian va, yé wo dan a gi dɔɔ lɛ léé, maa ɛ ke Gakelebale nya.

Ézékiɛl 29:9

Éjipiti tɛrɛ la é dan vo lɛ tétété, yé é dan kɛlɛ lɛ bwi nya yé wo dan a gi dɔɔ lɛ léé, maa ɛ ke Gakelebale nya. Naa, Éjipiti léé, yuu a ’ézé nya, ’yee ɛ kɛlɛ,

Ézékiɛl 30:19

Maa dan dia lɛ Éjipiti munu ta yé wo dan a gi dɔɔ lɛ léé, maa ɛ ke Gakelebale nya.

Ézékiɛl 30:8

Bléyian va lé maa dan kyɛ vɔ lɛ Éjipiti va, yé a dɔplɛplɛfɛ faa é kini ékema, ’bɛ bléyi va wo dan a gi dɔɔ lɛ léé, maa ɛ ke Gakelebale nya.

Ézékiɛl 32:15

Dé maa Éjipiti tɛrɛ kɛlɛ fɛna tété nya bléyian va, yé dé wo tɛrɛ ’ko la fɛnu faa si ana, yé munu faa lé wo ke ana, dé maa wo gyɛ bléyian va, wo dan a gi dɔɔ lɛ léé, maa ɛ ke Gakelebale nya.

Ézékiɛl 32:6

Maa dan i nyɛ nwɛɛn lɛ tɛrɛ lé i ’yi bɔ gya ana, a ta, fɔɔ yé é bɔ gɔnu nwiin; yé gɔgurunu é dan fan lɛ i nya.

Ézékiɛl 38:23

A zo lé maa dan an blɛn valé kɛlɛle sauun nagɔɔn lɛ wo lɛ, yé wo dan a gi dɔɔ lɛ léé, maa lé ke Gakelebale nya.

Ézékiɛl 39:28

Yé wo dan a gi dɔɔ lɛ léé, Gakelebale wolé Bale lé é go wo nya luu gi bɛnnu va, yé é wo zén ékeva wo pa gi ’wolé tɛrɛ la, maa a a nya; maa ’ka dan wo vazan do kpen vo lɛ ’bɛnu va lo,

Daniɛl 4:17

Fɛyuɛmalenu lé woo fɛnu tabin‐é, wo we ’ko ’wuo dɔ; mi sauunnu munu béli dɔ we ’ko nya, léé, munu faa a gi dɔɔ léé, plale mi nwiin faa a é plale Loruzan wuo; dé miomian sɔ a lɛ, éé ’bɛzan plaan munu nwiin, yé éé munu faa va mi kiéné kɛla minwiinzan nya.

Daniɛl 4:32

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo yé bé ble, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Daniɛl 5:21

Wa bin blaminu méléna. A bli kɛlɛ bélé winu bli zo, yé é nyana bwi gi sokofalenu va. Wo lu nɔ a lɛ bélé diri zo yé é a ble, yé lagi lolu a kɛlɛ drɔɔdrɔɔ, fɔɔ yé é a gi dɔɔ léé, plale mi nwiin faa a é plale balenu faa nwiinzan Bale wuo, yé dé miomian sɔ a lɛ, éé ’bɛzan plaan munu nwiin.

Daniɛl 5:23

I nwa lanu Nwiinzan ma. Wo da alé kɔn gi kananu nya i lɛ, yé ka wo si dɔrɔminikananu nya, yé bii koo, ilé mi blɛnnu koo, i nanu valé i bwɛnu koo, ka dɔrɔ mini wo gi; balenu lé wo wo kɛlɛ gɔɔlifu koo, kyan koo, foliɛwɔlɛ koo, yili koo, gɔlɛ koo, wo nya, ’té wo ’ka yɛrɛ yé lo, yé wo ’ka we maan lo, yé ’té wo ’ka we do dɔɔa lo bɛ, wo lé i vo wo tɔ zin fena, yé Bale lé ilé flinle valé ilé tawobɛ faa ke a lee, i ’ka ’bɛ tɔ nwa lɛ lo.

Wegɔɔnle 11:6

A se a wo lɛ léé, wo la lɛ tan, té lɛɛ é da wolé balelawefe yinu ta lo we gi; yé dé é sɔ wo lɛ léé, ’wo ’yinu nɔla nyɛ nya bléyioo bléyian va, a se a wo lɛ; dé é sɔ wo lɛ léé, ’wo tɛrɛ gyɛ migyɛgyɛ gɔnɔ faa nya bléyioo bléyian va, a se a wo lɛ.

Wegɔɔnle 8:8

Lanje fiézan béli fɛn, yé fɛ do lé é ke bélé gɔ blɛn zo, ’té kyɛ a zi lɛ sɔɔ, wa vuli wɛyi va. Yé wɛyi fén yaazan kinin nyɛ nya,