Fwile 6:8 - Kazambale lé Sebe Sauunu 1979

⁸ Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Fwile 6:8 ပူးပေါင်းရင်းမြစ်များ

Wepélisiananu 14:22

Abram lé Sɔdɔm mununwiinzan lɛ léé: Maa bɛ nwa lagi zia, Gakelebale vazia, yee ɛ ke Lagibale nya, yee ɛ ke la valé tɛrɛzan nya;

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Wepélisiananu 35:12

Tɛrɛ lé maa a nɔ Abraam valé Izak lɛ, maa dan a nɔ lɛ i lɛ, yé maa dan tɛrɛ ’ko nɔ lɛ i kulunu lɛ, i zuo.

Néémi 9:15

Dé lɔrɔ a wo gyɛna, i lagi loru buru nɔ wo lɛ, dé ’yiminilɔrɔ a wo gyɛna, i ’yi si wo lɛ gɔlɛ gi yé wa mini. Yé tɛrɛ lé ibo ’nyɔɔn léé, i dan a nɔ lɛ wo lɛ wozé nya, bé fe wo lɛ léé, ’wo go ana, ’wa si.

Fwile 13:5

Kanaan munu koo, Éti munu koo, Amoré munu koo, Éévi munu koo, Jébusinu koo, wolé tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, dé ka wɔra yee tɛrɛ nyɔnɔzan ’ko ta, ka dan Gakelebale bɔ lɛ a bɔbɛ ’ko nya moné ’ko duo nya.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Fwile 6:2

Kazambale we fe Moizi lɛ é ziin yé é lé a lɛ léé: Maa a Gakelebale nya.

Fwile 6:4

Maa gi pa do wo va léé, Kanaan tɛrɛ, wolé dɔwotɛrɛ lé wo ke bɛn nya a ta bɛ, maa dan a nɔ lɛ wo lɛ.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Ézékiɛl 20:15

Maa anbo ’nyɔɔn an bɛ nwale nya bwi gi léé, maa ’ka dan go lɛ wo nya tɛrɛ lé maa si a va wozé nya bɛ, a ta lo; tɛrɛ nyɔnɔzan lé é ke é zima é mini tɛrɛnu faa ta, yee lé.

Ézékiɛl 20:23

Maa anbo ’nyɔɔn wo lɛ an bɛ nwale nya bwi gi léé, maa dan wo nwɛɛn lɛ bɛngɔnɔnu méléna, yé maa dan wo sɔɔla lɛ bɛntɛrɛ do donu ta.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 20:42

Tɛrɛ lé maa anbo ’nyɔɔn léé, maa dan a nɔ lɛ ka tranu lɛ, Izraɛl tɛrɛ, dé maa go ka nya yee tɛrɛ ’ko ta, ka dan a gi dɔɔ lɛ léé, maa ɛ ke Gakelebale nya.

Ézékiɛl 36:7

Amalé Mizan Gakelebale léma: An bɛlaa nwa ’ko; bɛntɛrɛnu lé wo ke ka zi, wobo lé yaragyɛwe é dan bɔ lɛ wo ma.

Ézékiɛl 47:14

Ka faa do do zé é dan kɛlɛ lɛ, naa, maa anbo ’nyɔɔn an bɛ nwale nya léé, maa dan a nɔ lɛ ka tranu lɛ. Amalé wo dan yee tɛrɛ ’ko guli lɛ ka ma.

Mi Nɔnɔle 10:29

Moizi lé é na ti Madian mi Réuɛl be Obab lɛ léé: Tɛrɛ lé Gakelebale a nɔle we fe ko lɛ, ana lé ko dan go lɛ bɛ. ’I da, kaa go, yé ko dan wezin kɛlɛ lɛ i lɛ, naa, Gakelebale a fe léé, é dan wezin kɛlɛ lɛ Izraɛl lɛ.

Mi Nɔnɔle 11:12

Maa ɛ munu ’ko bɔn sii? Maa ɛ wo yaa? Yé bé fé maa lɛ léé, an wo si an golɛ gi bélé lezan lé éé nyɔ dɔa élé né ’léé, a zo, yé i léé, an go wo nya fɔɔ tɛrɛ lé ibo ’nyɔɔn wo tranu lɛ léé, i dan a nɔ lɛ wo lɛ bɛ, a taa?

Mi Nɔnɔle 14:30

ka ’ka dan wɔra lɛ tɛrɛ lé ’ébo ’nyɔɔn léé, ka dan nyana lɛ a ta bɛ, a ta pelo; ’té dé é ’ka Jéfuné be Kalɛb valé Nɛn be Jozué nya lo.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Bélidɔwesɛbɛ Fiézan 32:40

Naa, maa an bɛ nwa la vazia, Yé maa léé: Maa a é yuɛma lɛɛfaama, ’bɛ glɛ ’ka lo.

Bélidɔwesɛbɛ Fiézan 4:31

naa, Gakelebale, kalé Bale a nyanai zén mi ta Bale nya, yé é ’ka dan sɔn vɔ lɛ ka ma lo, yé é ’ka dan ka kulu ga lɛ lo; gipawe lé é a kɛlɛ ka tranu va, ’té ébo ’nyɔɔn a gi bɛ, a sele ’ka dan saan lɛ a gi lo.

Jozué 24:13

Tɛrɛ lé ka ’ka a ma nyanama pa lɛ lo, maa a nɔ ka lɛ; flanu lé ka ’ka wo pa lɛ lo, maa a nɔ ka lɛ yé ka nyana wo ta; dɔrɔféinu valé ɔliviyilinu lé ka ’ka wo suru lɛ lo, maa a nɔ ka lɛ yé ka a ma fɛ ble.

Wegɔɔnle 10:6

yé mi lé é ke é yuɛma lɛɛfaama ’té la valé é gifɛnu koo, tɛrɛ valé é tafɛnu koo, wɛyi valé é gifɛnu koo, ’té é wo kɛlɛ bɛ, é ’bɛzan ’nyɔɔn léé, yi bɛ dɔle ’ka é dɛrɛ lo;

1 Samuɛl 15:29

Mi lé é ke Izraɛl lé plɛplɛ nya, é ’ka vié woo lo yé a bli ’ka nɔlaan lo, é ’ka mi nya yé a bli éé nɔlaan lo, azama.