Fwile 6:7 - Kazambale lé Sebe Sauunu 1979

⁷ Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Fwile 6:7 ပူးပေါင်းရင်းမြစ်များ

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

1 Minwiinzannu 20:28

Bale lé mi bié, yé é lé Izraɛl nwiinzan blɛn lɛ léé: Gakelebale léma: Sirimunu a fe léé, Gakelebale a gɔnu ma bale nya yé é ’ka gɔ méléna bale nya lo, bɛwemalé maa dan mi gbau ’ko pa lɛ i lee, yé ka dan a gi dɔɔ lɛ léé, maa a Gakelebale nya.

1 Minwiinzannu 8:60

tɛrɛ la bɛnnu faa lé a gi dɔɔle we gi léé, Gakelebale ɛ ke Bale nya, a bɛ ’ka lo.

Néémi 1:10

Wa ilé munu nya, wa i wuozannu nya, yé i wo tabo ilé plɛplɛ valé i bɛ plɛplɛ nya.

Lɛrɛvɔ Sɛbɛ 100:3

Gakelebale ɛ ke Bale nya, ’ka we ’ko dɔɔ ma. Yee ɛ ko kɛlɛ, yé ko a azé nya; Ko a alé munu valé alé trubɛnu nya; éé ko tabin‐é.

Lɛrɛvɔ Sɛbɛ 81:6

Bléyian va lé é nwa Éjipiti tɛrɛ ma, É yee valé Jozɛfu dɔlawe fe, Dére do lé maa ’ka a dɔɔa lo, maa a ’ma.

Fwile 13:14

Yé dé i be a laa i lee yi do nya léé, ’bɛ gi lé nɔɔ? i dan a fe lɛ a lɛ léé: Gakelebale ko fwi Éjipiti tɛrɛ la, é ko si luu gi é bɛ plɛplɛ nya;

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 14:18

Dé maa anlé plɛplɛ nagɔɔn, Faraɔn koo, alé goronu koo, alé wisootazannu koo, wo nya, ’té Éjipiti munu é dan a gi dɔɔ lɛ léé, maa a Gakelebale nya.

Fwile 14:4

Maa dan Faraɔn bli kɛlɛ lɛ tɔntɔn, yé é dan go lɛ wo zuo; naa, maa dan anlé fuasan nagɔɔn lɛ Faraɔn valé élé sunyanu faa nya, yé Éjipiti munu é dan a gi dɔɔ lɛ léé, maa a Gakelebale nya. Yé Izraɛl lé nénu a kɛlɛ a zo.

Fwile 15:16

Kanale valé di kinile é dan bɔ lɛ wo ma fiaa; I bɛ lé plɛplɛ lé we ma lé Wo dan kinin lɛ bobogyɛzannu nya bélé gɔlɛ zo, Fɔɔ yé ilé munu é gié, oo, Gakelebale, Fɔɔ yé ilé munu lé i wo ye izé nya, Yé wo gié.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Fwile 16:12

Gun lé Izraɛl lé nénu a gyɛ, maa a ’ma. Bé fe wo lɛ léé, nyanadi yiri zɔrɔ nya wo dan wi ble lɛ, yé bladi wo dan kan lɛ buru nya, yé wo dan a gi dɔɔ lɛ léé, maa a Gakelebale nya, wolé Bale nya.

Fwile 16:6

Moizi valé Arɔn lé Izraɛl lé nénu faa lɛ léé: Nyanadi ’ko, ka dan a gi dɔɔ lɛ léé, Gakelebale ɛ ka si Éjipiti tɛrɛ la.

Fwile 2:11

Moizi kɛlɛ segele bléyian va, é go é bwenu va yé é wolé nyanama tɔntɔn ye. É Éjipiti mi do ye é bwe Ébru mi do blana.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Fwile 7:17

Gakelebale léma: We ’ko ma lé i dan a gi dɔɔ lɛ léé, ’é a Gakelebale nya. Maa dan fɛ duun lɛ yuu lɛ tawomayili lé ke an lee, a nya; yé é dan kinin lɛ nyɛ nya.

Ézai 41:20

Munu lé a naginile we gi, ’té woo bɔn‐in daan a ma, ’Té wa yé, yé wa gi dɔɔ léé, Gakelebale bɛ ɛ we ’konu kɛlɛ, We ’konu si Izraɛl lé Mi Sauun va.

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Ézai 49:26

Maa dan yaaitazannu bozen wi nɔ lɛ wo lɛ wo blefɛ nya; Wo dan wobo nyɛ mini lɛ yé é dan wo gyɛ lɛ bélé dɔrɔ dɛrɛ zo; Yé mi faa é dan a gi dɔɔ lɛ léé, maa lé ke i siéwegizan Gakelebale nya, Maa a i tabozan nya, Jakɔb lé mi plɛplɛ nya.

Ézai 51:15

Maa a Gakelebale, ilé Bale nya, Maa ɛ wɛyi nanoan yé wo vun éé wé. An tɔ lé lai sunyanu lé Gakelebale.

Ézai 60:16

I dan bɛnnu lé fɛ nyɔnɔzannu ble lɛ Yé minwiinzannu é dan i pa lɛ, Yé i dan a gi dɔɔ lɛ léé, maa a Gakelebale, i siéwegizan nya, I tabozan nya, Jakɔb lé Mi plɛplɛ nya.

Ézai 63:8

Mizan léé: Weboen lé, wa anlé munu nya, wa nénu lé wo yuɛi ’ka dan blan lɛ lo, wo nya. Yé é kɛlɛ wo siéwegizan nya.

Jérémi 30:22

Ka dan kɛlɛ lɛ anlé munu nya, Yé maa dan kɛlɛ lɛ kalé Bale nya.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Ézékiɛl 20:19

Maa lé ke Gakelebale, kalé Bale nya. ’Ka tawo anlé weplalenu yɛrama; ’ka an déretawenu kɛlɛ, yé ’ka wo ta tawo.

Lévinu 11:44

Naa, maa a Gakelebale, kalé Bale nya; maa a sauun, amalé ’ka kabo pa é yɛrama, yé ’ka kɛlɛ sauun; té ka kabo gi sɛrɛ wi kénénénu faa lé woo giéan tɛrɛ va bɛ, wo nya lo.

Lévinu 11:45

Naa, maa a Gakelebale lé é ka si Éjipiti tɛrɛ la, a nya, kɛlɛle kalé Bale nya we gi, ’bɛ valé ka kɛlɛle sauun we gi lé maa kɛlɛ; naa, maa a sauun.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Mi Nɔnɔle 15:41

Maa a Gakelebale, kalé Bale nya, maa ɛ ka si Éjipiti tɛrɛ la, an kɛlɛle kalé Bale nya we ma. Maa a Gakelebale, kalé Bale nya.

Matio 22:32

É léé: Abraam koo, Izak koo, Jakɔb koo, maa a wolé Bale nya. Dé Kazambale a fe léé, ’é a mi do lé Bale nya, ’té azan a é yuɛma. Dé é gaoo, é a é yuɛma duowo.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Bélidɔwesɛbɛ Fiézan 14:2

Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.

Bélidɔwesɛbɛ Fiézan 26:18

Kyɔ, ka a fe Gakelebale lɛ léé, ’wo dan kɛlɛ lɛ alé munu ta drɔɔ nya, é a fe ’wo lɛ é kyɛn fɛan zo, a zo, yé ’wo dan tawo lɛ alé bélidɔwenu faa ta, léé,

Bélidɔwesɛbɛ Fiézan 29:12

Ka da, ka gi pale do we ma, Gakelebale, kalé Bale va; gipawe lé Gakelebale a kɛlɛ ka va kyɔ, ’té woo wɔraan a gi bale ’nyɔɔnle nya, yee lé.

Bélidɔwesɛbɛ Fiézan 29:13

Dé ka wɔra a gi, ’té ka kɛlɛ kyɔ azé munu nya, ’té yeeboen kɛlɛ kalé Bale nya, é a fe ka lɛ fɛan zo, ’té ébo ’nyɔɔn ka tranu Abraam koo, Izak koo, Jakɔb koo, wo lɛ bɛ, a zo.

Bélidɔwesɛbɛ Fiézan 29:5

An tawo ka nya bwi gi lɛɛ yɔ fié gi; kalé sɔ ’ka fwi lɛ ka ta lo yé kalé sawala ’ka sɛrɛ lɛ ka gane ma lo;

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

Bélidɔwesɛbɛ Fiézan 7:6

Naa, ka a munu lé Gakelebale, kalé Bale wo pa é yɛrama ézé nya, wo nya; Gakelebale, kalé Bale ka si bɛnnu faa lé wo ke tɛrɛ la, wo va, ka kɛlɛle azé nya we gi.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

1 Piɛri 2:10

É vinin, té ka a é pla, naa sin, ka kɛlɛ Kazambale bɛn nya. É vinin Kazambale nyanai ’ka zén lɛ ka ta lo; naa, sin a nyanai zén ka ta.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.