Fwile 6:6 - Kazambale lé Sebe Sauunu 1979

⁶ Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Fwile 6:6 ပူးပေါင်းရင်းမြစ်များ

1 Minwiinzannu 8:42

naa, wa gi dɔɔ léé, i tɔ a blɛn, yé i bɛ a plɛplɛ yé i bɛ a é soile . . . dé é da bazoro lɛ kɔn ’ko gi,

2 Minwiinzannu 17:36

Naa, Gakelebale lé é ka si Éjipiti tɛrɛ la plɛplɛ blɛn valé é bɛ soile nya, ’ka kana a lee; ’ka dia ka bli la yee ɛ ’lɛ; ’ka saraka bo yee ɛ lɛ.

Minwiinzannu lé Wezuofe Sɛbɛ 17:21

Bɛn bɛ a tɛrɛ la bélé ilé munu Izraɛl zoo? I da wo tabo lɛ, wo kɛlɛle ilé munu nya we gi, yé i tɔ nɔ ibo lɛ yé i gyɛzorowe valé we blɛnblɛnnu kɛlɛ bɛnnu binle nya ilé munu lé i wo tabo Éjipiti munu lee, wo ’lɛ. Bɛn bɛ a ’bɛ zoo?

Néémi 1:10

Wa ilé munu nya, wa i wuozannu nya, yé i wo tabo ilé plɛplɛ valé i bɛ plɛplɛ nya.

Lɛrɛvɔ Sɛbɛ 77:16

I bɛ nya lé i ilé munu si munu lee, I Jakɔb valé Jozɛfu benu si munu lee. Ka ye do.

Lɛrɛvɔ Sɛbɛ 81:11

Maa a Gakelebale nya, kalé Bale lé é ka si Éjipiti tɛrɛ la, a nya. ’Ka ’léé fuo, yé maa dan a fan lɛ.

Lɛrɛvɔ Sɛbɛ 81:6

Bléyian va lé é nwa Éjipiti tɛrɛ ma, É yee valé Jozɛfu dɔlawe fe, Dére do lé maa ’ka a dɔɔa lo, maa a ’ma.

Lɛrɛvɔ Sɛbɛ 81:7

An kɔné si ka bɛapa ta, Yé ka bɛ daan kyɛɛ kɔné sile ma.

Fwile 1:11

Yé wo nyanagɔɔnzannu dɔ wo zuo, glanyanama tɔntɔn nɔle wo lɛ we ma. ’Bɛ zo lé wo Pitom valé Ramzɛs pa, Faraɔn lé fɛtadɔ?-?flanu nya.

Fwile 12:41

Lɛɛ wuru fié yɔ do wɔlɛ vu lɛ sɔɔ aan wo, a lɛsɔɔyi nya ’té lé, Gakelebale munu si Éjipiti tɛrɛ la bélé sunyanu palunu zo;

Fwile 12:51

Yé yi ’ko duo nya lé Gakelebale Izraɛl lé nénu si Éjipiti tɛrɛ la, wolé sunya palunu yɛrama.

Fwile 13:14

Yé dé i be a laa i lee yi do nya léé, ’bɛ gi lé nɔɔ? i dan a fe lɛ a lɛ léé: Gakelebale ko fwi Éjipiti tɛrɛ la, é ko si luu gi é bɛ plɛplɛ nya;

Fwile 13:16

We ’ko é dan kɛlɛ lɛ bélé tɔmase zo i bɛ ta, bélé pɔɔ zo i yarapɛla; Gakelebale ko si Éjipiti é bɛ plɛplɛ nya, ’bɛzama.

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 15:13

Ilé nyanai zénle nya lé i go munu ’ko nya, A nya lé i wo si we gi; Ilé plɛplɛ nya lé I nyanana sauun lé zi gɔɔn wo é lɛ.

Fwile 16:6

Moizi valé Arɔn lé Izraɛl lé nénu faa lɛ léé: Nyanadi ’ko, ka dan a gi dɔɔ lɛ léé, Gakelebale ɛ ka si Éjipiti tɛrɛ la.

Fwile 18:1

We faa lé Kazambale a kɛlɛ Moizi valé alé munu Izraɛl pli zi, Madian lé balebanzan, Jétro, Moizi na ti a ’ma; é a ’ma léé, Gakelebale Izraɛl munu si Éjipiti tɛrɛ la.

Fwile 2:11

Moizi kɛlɛ segele bléyian va, é go é bwenu va yé é wolé nyanama tɔntɔn ye. É Éjipiti mi do ye é bwe Ébru mi do blana.

Fwile 3:17

yé é léé, ’é dan ka fwi lɛ Éjipiti tɛrɛ la, fɛna lé ka ke nyané blena, ana, yé ’é go ka nya Kanaannu koo, Étinu koo, Amorénu koo, Férézinu koo, Éevinu koo, Jébusinu koo, wolé tɛrɛ la, tɛrɛ nyɔnɔzan ta.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Fwile 32:11

Moizi we fe Gakelebale, élé Bale lɛ dunuvɔma dére nya léé: Oo, Gakelebale, ilé munu lé i wo fwi Éjipiti tɛrɛ la i bɛ plɛplɛ valé ilé plɛplɛ blɛn nya, mɛmalé i bli éé flian wo maa?

Fwile 6:2

Kazambale we fe Moizi lɛ é ziin yé é lé a lɛ léé: Maa a Gakelebale nya.

Fwile 6:29

Gakelebale lé Moizi lɛ léé: Maa a Gakelebale nya. We faa lé maa fé i lɛ, bé fe Éjipiti mununwiinzan blɛn Faraɔn lɛ.

Fwile 6:8

Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Fwile 7:4

Maa dan an bɛ nwa lɛ Éjipiti ma, yé maa dan anlé sunyanu palunu, anlé munu, Izraɛl lé nénu si lɛ Éjipiti tɛrɛ la we blɛn blele nya.

Fwile 7:5

Éjipiti munu é dan a gi dɔɔ lɛ léé, maa a Gakelebale nya, ’té dé maa an bɛ soi Éjipiti tɛrɛ la yé maa Izraɛl lé nénu si wo va.

Ézai 9:12

Duowo, munu ’ka dan ’wo blazan va lo, yé wo ’ka lai sunyanu lé Gakelebale naginian lo.

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

Jérémi 21:5

’Bɛ zuo, maa ɛ dan guli dan lɛ ka va, an bɛ soile nya, an bɛ plɛplɛ nya, an bli flile nya, an wɛwɛ valé an bli tɔntɔn blɛn nya.

Jérémi 27:5

Maa ɛ tɛrɛ kɛlɛ. Tɛrɛlamunu koo, tɛrɛlawinu koo, an wo kɛlɛ anlé plɛplɛ blɛn valé an bɛ plɛplɛ nya, yé dé mian é sɔ an lɛ léé, maa tɛrɛ nɔ a lɛ, a lɛ lé maa a no.

Jérémi 32:21

Ilé munu Izraɛl si Éjipiti tɛrɛ la, gyɛzorowenu valé we blɛnblɛnnu kɛlɛle nya, i bɛ plɛplɛ soile nya, é valé kana blɛn zénle nya wo gi.

Ézékiɛl 20:33

Mizan Gakelebale léma: Maa a é yuɛma. Maa dan pla lɛ ka nwiin an bɛ plɛplɛ valé an bɛ soile nya, ’é valé an wɛwɛ dɔle nya ka ma.

Kelewenu 13:17

’Kaa Izraɛl munu ’ko, kaalé Bale kaa tranu si a va ézé nya. Bléyian va lé wo ke é nyanale Éjipiti tɛrɛ la, Bale wo bɛn kɛlɛ blɛn yé é wo fwi ’bɛna é bɛ plɛplɛ nya.

Bélidɔwesɛbɛ Fiézan 11:2

Wenu lé kalé nénu ’ka a ye lɛ lo yé wo ’ka a gi dɔɔa lo, a sele ’é dɔ ka gi ma. Gakelebale, kalé Bale lé welɛdɔle mi gi koo, é a blɛn fɛan zo koo, a bɛ plɛplɛ soile koo,

Bélidɔwesɛbɛ Fiézan 15:15

A sele ’é dɔ ka gi léé, ka a luu nya é vinin Éjipiti tɛrɛ la yé Gakalebale, kalé Bale ka tabo; bɛwemalé maa bélidɔwe ’ko nɔ ka lɛ kyɔ.

Bélidɔwesɛbɛ Fiézan 26:8

Yé Gakelebale ko si Éjipiti tɛrɛ la é bɛ plɛplɛ soile nya, ’té di kinié migiwe koo, tɔmasenu koo, gyɛzorowenu koo, ’té éé wo kɛla.

Bélidɔwesɛbɛ Fiézan 4:23

’Ka yuɛ pa kabo va, gipawe lé Gakelebale, kalé Bale a kɛlɛ ka va, té é saan ka gi lo; miyili valé fɛ foto lé Gakelebale, kalé Bale a kɛlɛle yi ga ka lee, té ka wo kɛlɛ lo.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 5:15

A sele ’é dɔ i gi léé, i a luu nya Éjipiti tɛrɛ la, yé ’yee Gakelebale, kalé Bale ka si ana é bɛ plɛplɛ soile nya; bɛwemalé Gakelebale, kalé Bale léé, ’i flinyi kɛlɛ.

Bélidɔwesɛbɛ Fiézan 6:12

Dé ka fɛ ble yé ka kan, ’ka yuɛ pa kabozen va; té ka gi é san Gakelebale lé é ka si luu gi Éjipiti tɛrɛ la, a ma lo.

Bélidɔwesɛbɛ Fiézan 7:19

Gidanwenu blɛn lé wo kɛlɛ ka yuɛ va koo, gyɛzorowenu valé weblɛnblɛnnu koo, Gakelebale bɛ plɛplɛ lé ke é soile koo, we ’konu faa lé ka wo ye ka sile Éjipiti tɛrɛ la bléyi va, wo sele ’é dɔ ka gi ma; ’bɛ zo lé Gakelebale kalé Bale é dan a kɛlɛ lɛ, munu faa lé ka a kanana wo lee, wo lɛ.

Bélidɔwesɛbɛ Fiézan 7:8

Naa, ka sɔ Gakelebale lɛ é wo, yé é sɔ a lɛ léé, ébo ’nyɔɔn ka tranu lɛ fɛan zo, ’é ’bɛ lɛ sɔɔ, bɛwemalé Gakelebale ka si luu gi, é ka si Éjipitimunu nwiinzan Faraɔn lee yé é ka si ana é bɛ plɛplɛ nya.

Bélidɔwesɛbɛ Fiézan 9:29

Gakelebale, wa ilé munu nya, wa ilé tɔnɔfɛ lé, i wo si Éjipiti tɛrɛ la ilé plɛplɛ blɛn valé i bɛ soile nya, a nya.