Fwile 6:4 - Kazambale lé Sebe Sauunu 1979

⁴ Maa gi pa do wo va léé, Kanaan tɛrɛ, wolé dɔwotɛrɛ lé wo ke bɛn nya a ta bɛ, maa dan a nɔ lɛ wo lɛ.

Fwile 6:4 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 15:13

Yé Gakelebale lé Abram lɛ léé: ’I we ’ko dɔɔ ma, i kulunu é dan kɛlɛ lɛ bɛnnu nya, tɛrɛ lé é ’ka wozé nya lo, a ta. Wo dan kɛlɛ lɛ bɛnnu wuozannu nya, yé bɛnnu é dan yaa lɛ wo ta lɛɛ wuru fié gi.

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 17:13

Négɔné lé wa yaa ilé kɔn gi koo, mi lé bé lɔ gɔɔli nya koo, é a lé ka wo gane dɔ; yé anlé gipale tɔmase é dan kɛlɛ lɛ ka kɔlɛ ma, gipawe lé é ’ka nyaan lo, a nya.

Wepélisiananu 17:4

An gi lé maa dan a pa lɛ i va do, yee lé ke ’ko: i dan kɛlɛ lɛ bɛngɔnɔ kiɛre ti nya.

Wepélisiananu 23:4

Maa a bɛn nya yé an nyanaan ka va; ’ka mipana nɔ an lɛ ka va, yé maa anlé migale pa yé é si an yuɛ gi.

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Wepélisiananu 28:4

’Wo i drɔɔ vo Abraam drɔɔvobɛ gi, bii valé ilé nénu nya i va ma, tɛrɛ lé i nyanaan a ta bɛn nya ’ko, ’té é a nɔ Abraam lɛ bɛ, a kɛlɛle izé nya we ma.

Wepélisiananu 6:18

Naa, maa gi pa do i va. I dan wɔra lɛ ’yitagoro gi. Bii valé i benu koo, i na koo, i be nanu koo, ka faa lé.

2 Samuɛl 23:5

Gipawe lé a glɛ ’ka lo, ’té Bale a kɛlɛ an va bɛ, É a giwe fe wo ke zuo ke zuo yé é a sɔbɛlawe nya, Amalé anlé kɔn lé we ’ka dan kɛlɛ lɛ ’bɛ zo loo? É ’ka dan an bélile valé anlé blibɔmawenu gɔn bɔ lɛ loo?

Lɛrɛvɔ Sɛbɛ 105:11

A fele nya léé: An dan Kanaan tɛrɛ nɔ lɛ i lɛ, Izé tɔnɔ nya.

Lɛrɛvɔ Sɛbɛ 105:12

Bléyian va lé é we ’ko fe, ’té wo ’ka di lo, ’Té wo ’léé a kiéné, ’té wa bɛn nya ana tɛrɛ la,

Fwile 13:4

Ka fwi kyɔ ’sa solamoné nya.

Fwile 13:5

Kanaan munu koo, Éti munu koo, Amoré munu koo, Éévi munu koo, Jébusinu koo, wolé tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, dé ka wɔra yee tɛrɛ nyɔnɔzan ’ko ta, ka dan Gakelebale bɔ lɛ a bɔbɛ ’ko nya moné ’ko duo nya.

Fwile 6:8

Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Mi Nɔnɔle 10:29

Moizi lé é na ti Madian mi Réuɛl be Obab lɛ léé: Tɛrɛ lé Gakelebale a nɔle we fe ko lɛ, ana lé ko dan go lɛ bɛ. ’I da, kaa go, yé ko dan wezin kɛlɛ lɛ i lɛ, naa, Gakelebale a fe léé, é dan wezin kɛlɛ lɛ Izraɛl lɛ.

Kelewenu 7:5

Bale ’ka tɛrɛ kiéné nɔ lɛ a lɛ azé nya lo yé é ’ka é gane dɔrana boen ye lɛ lo, naa, Bale blivolɛdére fe a lɛ léé, é dan tɛrɛ nɔ lɛ a lɛ azé nya, ’bɛ valé a kulunu zé nya é voéla lii, dɔlé ’té alé né do kpen ’ka lo.