Fwile 6:3 - Kazambale lé Sebe Sauunu 1979

³ An bɔra Abraam koo, Izak koo, Jakɔb koo, wo va, Plɛplɛfaazan Bale nya; naa, wo ’ka an dɔɔ lɛ anlé Gakelebale tɔ nya lo.

Fwile 6:3 ပူးပေါင်းရင်းမြစ်များ

Wepélisiananu 13:18

Abram élé sɔkɔnnu si, yé é da nyana lɛ Mamré lé sɛnéyilinu méléna, ’té é ke Ébrɔn sɔnɔ bɛ. É Gakelebale banna do kɛlɛ ’bɛna.

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 22:14

Abraam fɛkona tɔ pa Jéova‐Jiré. Bɛwemalé sin wa fé léé: ’Bɛ we a Bale lee, ’bɛ gi léé, fɛ lé i mawe ke a gi, Bale é dan a nɔ lɛ.

Wepélisiananu 28:3

Plɛplɛ faazan Bale ’é i drɔɔ vo yé ’é i fan ma, yé ’é i kɛlɛ di ma, i kɛlɛle bɛn kiɛre nya we ma.

Wepélisiananu 35:11

Kazambale lé a lɛ léé: Maa a Plɛplɛfaazan Bale nya. ’I fan yé ’i kɛlɛ di ma. I dan bɛn do valé bɛn kiɛre yaa lɛ, yé i dan minwiinmunu yaa lɛ.

Wepélisiananu 48:3

Jakɔb lé Jozɛfu lɛ léé: Plɛplɛfaazan Bale bɔra an yuɛ va Luz, Kanaan tɛrɛ la, yé é an drɔɔ vo.

Lɛrɛvɔ Sɛbɛ 68:4

Naa, mi tegelenu gi éé nanaan, woo kɛla a ’wuovolɛzannu nya Bale ’lɛ, Wo gi éé nanaan fɔɔ nɛnɛbole nya.

Lɛrɛvɔ Sɛbɛ 83:18

Yara ’é wo gyɛ yé di ’é kini wo gi yifaama ma, ’I wo gyɛ yara nya yé ’wo zamaga wo ma.

Fwile 15:3

Gakelebale a gulidanzan lé éé nyana woo, a nya; A tɔ lé Gakelebale.

Fwile 23:21

’I yuɛ pa ibozen va a yara, yé ’i tɔné dɔ a dére lɛ, té i dɔ a ma plɛplɛ lo, naa, é ’ka dan ka ma we vo lɛ lo, an tɔ a a gi, ’bɛzama.

Fwile 3:14

Kazambale lé Moizi lɛ léé: Mi lé maa ke a nya, maa a ’bɛ nya. Yé é we taa fe léé: ’Ko zo lé i dan we fe lɛ Izraɛl lé nénu lɛ, léé: Mi lé wa laan Maa a, yee ɛ an nwunvɔ ka va.

Ézai 42:8

Maa a Gakelebale nya, an tɔ lé ke bɛ; Maa ’ka anlé fuasan no mi bɛ lɛ lo; Yé an ’ka an tɔbɔle no miyilinu lɛ lo.

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Jérémi 16:21

Alé we ma lé bé ye, bléyi ’ko va, maa dan we gɔɔn lɛ wo lɛ; iin, maa dan anlé plɛplɛ valé anlé gla gɔɔn lɛ wo lɛ, yé wo dan a dɔɔ lɛ léé, an tɔ lé Gakelebale.

Jérémi 33:2

Gakelebale lé é we ’konu kɛla, é léma: Gakelebale lé éé wenu bɔrɔan é ’wuo gi, ’té éé wo kɛla, yee lé a tɔ ke Gakelebale bɛ, é léma:

Ézékiɛl 20:5

Bé fe wo lɛ léma: Mizan, Gakelebale léma: Yian nya lé maa Izraɛl si a va, ’bɛ yi nya lé maa anbo ’nyɔɔn an bɛ nwale nya Jakɔb kulunu lɛ, yé maa anbo nagɔɔn wo lɛ Éjipiti tɛrɛ la; yé maa anbo ’nyɔɔn an bɛ nwale nya wo lɛ, yé maa léé, maa lé ke Gakelebale, kalé Bale nya.

Ézékiɛl 37:13

Anlé munuoo, anlé munu, dé ka vunnu lɛ so yé maa ka bɔra ka vunnu gi, ka dan a gi dɔɔ lɛ léé, maa ɛ ke Gakelebale nya.

Ézékiɛl 37:6

Maa dan miin sɛsɛnénu nɔ lɛ ka lɛ, yé maa dan nɛ zén lɛ ka ma. Maa dan mi kɔlɛ zén lɛ ka ta; maa dan léli pa lɛ ka gi yé ka kɛlɛ é yuɛma. Yé ka dan a gi dɔɔ lɛ léé, maa ɛ ke Gakelebale nya.

WENÉNÉ LE JAN A GYE (Évangile selon Jean) 8:58

Jézu lé wo lɛ léé: Maa fe ka lɛ kyɔ webozen nya, bléyian va lé Abraam ’ka lo, ’té maa ana.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

RUT (Ruth) 1:20

É lé wo lɛ léé: Té ka an laa Naomi lo; ’ka an laa Mara. Plɛplɛfaazan an ’léé kɛlɛ é nyanale, azama.