Fwile 6:26 - Kazambale lé Sebe Sauunu 1979

²⁶ Arɔn valé Moizi ’ko lé Gakelebale wo bélidɔ a fele nya léé: ’Ka Izraɛl lé nénu si Éjipiti tɛrɛ la wolé sunyanu palu yɛrama.

Fwile 6:26 ပူးပေါင်းရင်းမြစ်များ

Wepélisiananu 2:1

’Bɛ zo lé la valé é gifɛnu koo, tɛrɛ valé é tafɛnu koo, wo kɛlɛle lɛ sɔɔ.

Minwiinzannu lé Wezuofe Sɛbɛ 6:3

Amaram benu: Arɔn valé Moizi; Mari é ziin. Arɔn benu: Nadab, Abiu, Éléazaa, Itamaa.

Lɛrɛvɔ Sɛbɛ 77:20

I ilé zi pla wɛyi ta, I ilé zi pla ’yi blɛnnu ta, Yé wo ’ka i ganepanu ye lɛ lo.

Lɛrɛvɔ Sɛbɛ 99:6

Balebanzannu va, Moizi valé Arɔn koo, Bale tɔ laazannu va Samuɛl koo, Wo Gakelebale laa yé é we.

Fwile 12:17

Buru lé lévɛn ’ka a va lo, ka dan ’bɛlé fɛti kɛlɛ lɛ, naa, yi ’ko nya lé maa dan ka si lɛ Éjipiti tɛrɛ la bélé sunyanu palunu zo; ka kulu é kulunu é dan fɛti kɛlɛ lɛ yi ’ko la bélidɔwe lé a glɛ ’ka lo, a nya.

Fwile 12:41

Lɛɛ wuru fié yɔ do wɔlɛ vu lɛ sɔɔ aan wo, a lɛsɔɔyi nya ’té lé, Gakelebale munu si Éjipiti tɛrɛ la bélé sunyanu palunu zo;

Fwile 12:51

Yé yi ’ko duo nya lé Gakelebale Izraɛl lé nénu si Éjipiti tɛrɛ la, wolé sunya palunu yɛrama.

Fwile 13:18

Naa, Kazambale go wo nya bwi gi zia, Wɛyi Sɔɔn vazia. Izraɛl lé nénu si Éjipiti tɛrɛ la gulidanfɛnu nya wo lee.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 32:1

Munu a ye aan wo léé, Moizi a mɔnna gɔ nwiin, wo zén ékeva Arɔn ma yé wo lé a lɛ léé: Kaa go. Bale do lé é dan tawo lɛ ko ’lɛ, bé kɛlɛ ko lɛ, naa, Moizi ’ko lé é ko fwi Éjipiti tɛrɛ la, gɔné ’ko, dé mɛ ɛ kɛlɛ a lɛɛ? un, ko ’ka ’bɛ gi dɔɔa lo.

Fwile 32:11

Moizi we fe Gakelebale, élé Bale lɛ dunuvɔma dére nya léé: Oo, Gakelebale, ilé munu lé i wo fwi Éjipiti tɛrɛ la i bɛ plɛplɛ valé ilé plɛplɛ blɛn nya, mɛmalé i bli éé flian wo maa?

Fwile 32:7

Gakelebale lé Moizi lɛ léé: ’I go, ’i zun; naa, ilé munu lé i wo fwi Éjipiti tɛrɛ la, wobo gyɛ sɛrɛ a gi.

Fwile 6:13

Gakelebale we fe Moizi valé Arɔn lɛ yé é wo bélidɔ Izraɛl lé nénu valé Éjipiti mununwiinzan blɛn Faraɔn lé we ma, Izraɛl lé nénu sile Éjipiti tɛrɛ la we gi.

Fwile 6:20

Amaram é ti buru Jokébɛd si é na nya; é Arɔn valé Moizi yaa a lɛ. Amaram lé tɛrɛlalɛɛ a yɔ suiɛdo wɔlɛ vu ta sɔrafié.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Fwile 7:4

Maa dan an bɛ nwa lɛ Éjipiti ma, yé maa dan anlé sunyanu palunu, anlé munu, Izraɛl lé nénu si lɛ Éjipiti tɛrɛ la we blɛn blele nya.

Misé 6:4

Naa, maa ka si Éjipiti tɛrɛ la, maa ka si luubale gi, yé Moizi koo, Arɔn koo, Mari koo, an wo kɛlɛ ka ’lɛzannu nya.

Mi Nɔnɔle 33:1

Izraɛlnu lé wo si Éjipiti tɛrɛ la wolé sunyanu ’léé yɛrama, ’té Moizi valé Arɔn a wo ’lɛzannu nya, wo nyanananu lé ke ’ko.

Jozué 24:5

Maa Moizi valé Arɔn pa zia yé maa Éjipiti gyɛ we blɛnblɛnnu lé maa a kɛlɛ wo méléna, wo nya, ’bɛ zuo maa ka si ’bɛna.

1 Samuɛl 12:6

Yé Samuɛl lé munu lɛ léé: Gakelebale ɛ Moizi valé Arɔn dɔ gligli yé é ko tinu si Éjipiti tɛrɛ la.

1 Samuɛl 12:8

Jakɔb dale Éjipiti tɛrɛ la zuo, ka tinu siaa Gakelebale lɛ, yé Gakelebale Moizi valé Arɔn pa zia yé wo ka tinu si Éjipiti tɛrɛ la yé wo wo nyana fɛkona.