Fwile 6:13 - Kazambale lé Sebe Sauunu 1979

¹³ Gakelebale we fe Moizi valé Arɔn lɛ yé é wo bélidɔ Izraɛl lé nénu valé Éjipiti mununwiinzan blɛn Faraɔn lé we ma, Izraɛl lé nénu sile Éjipiti tɛrɛ la we gi.

Fwile 6:13 ပူးပေါင်းရင်းမြစ်များ

Lɛrɛvɔ Sɛbɛ 91:11

Naa, é dan fe lɛ élé lanjenu lɛ léé, ’Wo yuɛ pa ilé tawozi faa ta;

Fwile 6:12

Moizi lé Gakelebale lɛ léé: I a yé loo? Izraɛl lé nénu ’ka tɔné dɔ lɛ an lɛ lo; maa lé maa ’ka wefezan nya lo ’naan, Faraɔn é dan é tɔné dɔ lɛ an lɛ kaa?

Fwile 6:14

Izraɛlnu lé guniwuonu lé ke ’ko: Izraɛl lé né vininzan Rubɛn benu lé ke Énɔk koo, Palu koo, Esrɔn koo, Kaami koo, wo nya. Rubɛn gɔnɔlamunu lé ke bɛ.

Fwile 6:26

Arɔn valé Moizi ’ko lé Gakelebale wo bélidɔ a fele nya léé: ’Ka Izraɛl lé nénu si Éjipiti tɛrɛ la wolé sunyanu palu yɛrama.

Mi Nɔnɔle 27:19

Bé dɔ Balebanzan Éléazaa valé munu faa ’lɛ, yé ’i bélidɔwe nɔ a lɛ wo faa yuɛ va.

Mi Nɔnɔle 27:23

É ’é bɛ pla a ta, yé é wenu pla a lɛ, fɛan zo lé Gakelebale a fe a lɛ Moizi lɔlu nya, a zo.

Matio 4:6

Dé i a Kazambale Be nya, ’i fɔrɔ, ’i zun, naa, é a é gyɛle Kazambale lé sɛbɛ gi léé: É dan ilé we fe lɛ lanjenu lɛ léé, ’Wo bɛ dɔ i wuo, Dé i sɔné é da san gɔlɛ ma.

Bélidɔwesɛbɛ Fiézan 31:14

Gakelebale lé Moizi lɛ léé: Bé gini, i gabléyi bɔ é pu. ’I Jozué laa, yé ’ka da a nya zén‐ékevasɔkɔn gi. Maa dan an dére fe lɛ a lɛ. Moizi valé Jozué go zén‐ékevasɔkɔn gi,

1 Timoté 1:18

Anlé né Timoté, maa we plaan i lɛ balelawe lé wa fe ilé we ma é kyɛn, a yɛrama; wo sele ’é dɔ i gi yé ’i guli zin dan ma.

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

1 Timoté 6:13

Kazambale lé éé flinle no fɛ faa lɛ, é valé Jézu Krist lé é blipale tɔbɔwe kɛlɛ Pɔns Pilat yara, ko a wo fiénu ’lɛ ’ko; maa lé i lɛ léé,

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

2 Timoté 2:4

Sunya ’ka vɔɔma tɛrɛlawenu gi lo, ’té dé é sɔ a lɛ léé, élé we é sɔ é nwiinzan lɛ.

2 Timoté 4:1

Kazambale valé Jézu Krist lé é dan mi galenu valé mi yuɛmalenu lé we ble lɛ bɛ, ko a wo ’lɛ; maa lé i lɛ Jézu dale valé a plale mi nwiin tɔ gi léé,