Fwile 4:5 - Kazambale lé Sebe Sauunu 1979

⁵ Gakelebale léé: We lé i dan a kɛlɛ lɛ, yee lé ke bɛ, wo dɔle a ta we gi léé, Gakelebale, wo tinu lé Bale, Abraam koo, Izak koo, Jakɔb koo, wolé Bale bɔra i va.

Fwile 4:5 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 18:1

Gakelebale bɔra Abraam va Mamré sɛnéyilinu méléna, ’té é a é nyanale élé sɔkɔn ’léé é yiéyi, yiri plɛplɛ nya.

Wepélisiananu 26:2

Gakelebale bɔra Izak va yé é léé: Té i zun Éjipiti tɛrɛ la lo; ’i nyana tɛrɛ lé maa dan a fe lɛ i lɛ, a ta.

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Wepélisiananu 48:15

É Jozɛfu drɔɔ vo yé é léé: Bale lé, an tinu Abraam valé Izak tawo a yuɛ va, ’té é ke Bale lé é an pa an yaabléyi va fɔɔ kyɔ, a nya,

Wepélisiananu 48:3

Jakɔb lé Jozɛfu lɛ léé: Plɛplɛfaazan Bale bɔra an yuɛ va Luz, Kanaan tɛrɛ la, yé é an drɔɔ vo.

1 Minwiinzannu 18:36

Saraka bo bléyi bɔ aan wo, balelayezan Éli bié yé é léé: Gakelebale, Abraam koo, Izak koo, Izraɛl koo, wozé Bale! É a lé wa gi dɔɔ kyɔ léé, bii ɛ ke Bale nya Izraɛl, yé maa a i wuozan nya, yé maa we ’konu faa kɛlɛ i dére ta ma.

2 Minwiinmunu lé Wezuofe Sɛbɛ 20:20

’Bɛ é tu kini, wo zi sia bladi tutu gole Tékoa bwi la we ma. Wo zi sia bléyian va, tɔɔn Jozafat dɔ wo ’lɛ yé é léé: Judanu valé Jérusalɛm munu, ’ka tɔné dɔ an lɛ. ’Ka pa Gakelebale, kalé Bale ta, yé ka dan dɔ lɛ gligli. ’Ka pa alé balelayezannu ta, yé kalé we va é dan gyɛ lɛ.

Fwile 19:9

Gakelebale lé Moizi lɛ léé: Maa dan da lɛ i va lati borozan gi, munu lé anlé wefele i lɛ ’male we gi yé wo bli é vo i lɛ yifaama. Moizi munu dére fe Gakelebale lɛ.

Fwile 3:15

Kazambale lé é ziin Moizi lɛ léé: I dan we fe lɛ ’ko zo Izraɛl lé nénu lɛ, léé: Gakelebale, wo tinu lé Bale, Abraam koo, Izak koo, Jakɔb koo, wolé Bale i nwunvɔ wo va. Yee Gakelebale ɛ ke an tɔ nya lɛɛfaama, ’bɛ ɛ ke an tɔ nya mi kulu é kulu gi.

Fwile 3:16

’I go, ’i Izraɛl mi segelenu zén ékeva yé bé fe wo lɛ léé: Gakelebale ka tinu lé Bale bɔra an va, Abraam koo, Izak koo, Jakɔb koo, wolé Bale lé. É léma: ’É ka ye, yé we lé wa kɛlɛna ka lɛ Éjipiti, ’é a ye,

Fwile 3:18

Wo dan tɔné dɔ lɛ i dére lɛ; yé i dan go lɛ Éjipiti mununwiinzan blɛn va, bii valé Izraɛl mi segelenu nya, yé ka dan a fe lɛ a lɛ léé: Gakelebale, Ébru munu lé Bale bɔra ko va. ’I zi nɔ ko lɛ léé, ’ko yi yaa tawo nyéné la sarakanu bole Gakelebale, kolé Bale lɛ we gi.

Fwile 3:4

Gakelebale a ye léé, é nɔla a naginile we gi, yé Kazambale a laa yiliné méléna, yé é léé: Moizi! Moizi! Yé é we léé: Maa lo.

Fwile 3:6

Yé é we taa fe léé: I ti koo, Abraam koo, Izak koo, Jakɔb koo, maa a wolé Bale nya. Moizi kana Kazambale naginile lee, amalé é yara yɔɔ.

Fwile 4:1

Moizi lé Bale lɛ léé: ’A, wo ’ka dan bli pa lɛ an lɛ lo, yé wo ’ka dan tɔné dɔ lɛ an dére lɛ lo. Naa, wo dan a fe lɛ léé, Gakelebale ’ka bɔra lɛ i va lo.

Fwile 4:31

Yé munu bli vo a lɛ. Wa ’ma léé, Gakelebale da Izraɛl lé nénu va, yé é wolé nyanéblele ye; yé wo ’wuo tua yé wo dia ’wo bli la.

Fwile 4:4

Gakelebale lé Moizi lɛ léé: ’I bɛ soi, bé kun é woli ma. É bɛ soi yé é a kun yé méné kinin tawomayili nya a lee é pai.

Ézai 7:9

Naa, Éfraim tɛrɛ la kuru ’léé a Samari nya, yé Rémalia be a Samari flanwiinzan nya. Dé ka ’ka dɔ lɛ a ta lo, ka ’ka dan vo lɛ ana lo.

Jérémi 31:3

Gakelebale a é sile an ma baa, naa, ébo nagɔɔn an lɛ; i sɔ an lɛ sɔlɛle lé a glɛ ’ka lo, a nya, bɛwemalé anlé zin ana tan kazé nya.

WENÉNÉ LE JAN A GYE (Évangile selon Jean) 11:15

Yé kalé we ma, an gi nana léé, maa ’ka ’bɛna mi lo, ka bli vole an lɛ we ma. Naa, kaa go a va.

WENÉNÉ LE JAN A GYE (Évangile selon Jean) 11:42

Dé é a maa nya, maa a gi dɔɔ léé, i an dére nyi sié yifaama, naa, maa a fe, munu lé wo zén an zi ’ko, wolé we ma, yé ’wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 20:27

Yé é lé Tɔmas lɛ léé: ’I bɛnwɔlɛ bié ze yé ’i an bɛlaanu nagini a nya. ’I bɛ bié é ziin yé bé wɔra an sɛe gi. I bli ’é vo we lɛ, té i kɛlɛ wezavɔzan nya lo.

WENÉNÉ LE JAN A GYE (Évangile selon Jean) 20:31

Naa, maa we ’konu gyɛ sɛbɛ gi ka bli vole a lɛ we ma léé, Jézu ɛ ke Krist nya, Kazambale Be nya, yé dé ka bli vo a lɛ yé ka béli a tɔ ma.

WENÉNÉ LE JAN A GYE (Évangile selon Jean) 5:36

We lé ’bɛ an ma we fé, ’bɛ blɛn mini Jan lé an ma we fele ta; nyanamanu lé an Ti a nɔ an lɛ léé, maa wo pa, nyanama ’ko bozennu lé maa ke a pana, woo ɛ an ma we fé léé, an Ti ɛ an pa zia.

Kelewenu 7:2

Étiɛne léma: An bwenu valé an tinu, ’ka tɔné dɔ an lɛ ma. Fuabale bɔra kaa tra Abraam va, ’té é a é nyanale Mézopotami tɛrɛ la, ’té é ’ka tan nyana lɛ Karan lo,

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.