Fwile 4:23 - Kazambale lé Sebe Sauunu 1979

²³ É lé i lɛ léé, ’i daan ’é be ma yé ’é é bɔ; dé i ’ka daan a ma lo, ’é dan i be, ilé né vininzan gyɛ lɛ.

Fwile 4:23 ပူးပေါင်းရင်းမြစ်များ

Lɛrɛvɔ Sɛbɛ 105:36

É wolé né vininzannu faa gyɛ wolé tɛrɛ la, Wolé pɛniɛ la né vininzannu faa lé.

Lɛrɛvɔ Sɛbɛ 135:8

Yee ɛ né vininzannu gyɛ Éjipiti tɛrɛ la, É a pélisia munu ta fɔɔ yé é bɔ a nya winu va.

Lɛrɛvɔ Sɛbɛ 136:10

Bale lé é Éjipitimunu lé né vininzannu gyɛ, Naa, a nyanai éé zén‐é yifaama.

Lɛrɛvɔ Sɛbɛ 78:51

É Éjipiti tɛrɛ la né vininzannu faa gyɛ, Wolé pɛniɛ la né vininzannu lé, wa Sam lé sɔkɔnnu wuo.

Fwile 10:3

Moizi valé Arɔn go Faraɔn va yé wo lé a lɛ léé: Gakelebale, Ébrunu lé Bale léma: I dan ibo kɛlɛ lɛ kiéné ’é ’lɛ mɛ yi laa? ’I daan ’élé munu ma, ’wo go ’é bɔ.

Fwile 10:4

Dé i ’ka a nyi si lɛ léé, i daan ’élé munu ma lo, bé ye, tɛlɛ é dan da lɛ gangannu nya ilé tɛrɛ faa la.

Fwile 11:5

yé né vininnu faa é dan ga lɛ Éjipiti tɛrɛ la, é sia Faraɔn lé ke é nyanale élé fuablin ta, ’bɛlé né vinin ma yé é bɔ wuolomu lé wo ke é nyanale ’woli zi, ’bɛnu lé né vinin ma, fɔɔ yé é bɔ winu lé né vininnu faa ma.

Fwile 12:29

Tu la, né vininnu faa lé ke Éjipiti tɛrɛ la, Gakelebale wo gyɛ, é sia Faraɔn lé ke é nyanale élé webleblin ta, ’bɛlé né vinin ma fɔɔ yé é bɔ bokɔngizan lé né vinin ma, ’bɛ valé winu lé né vininnu ma.

Fwile 13:15

yé Faraɔn ’ka aan wo daanna ko ma lo, amalé Gakelebale né vininnu faa gyɛ Éjipiti tɛrɛ la, é sia munu lé né vininnu ma fɔɔ yé é bɔ winu lé né vininnu ma. Né vininnu faa lé ke gɔné nya, wean ma lé ko wo no Gakelebale lɛ saraka nya yé ko ko benu lé né vininnu faa taboo, a gi lé ke bɛ.

Fwile 18:8

We faa lé Gakelebale a kɛlɛ Faraɔn valé Éjipiti munu lɛ Izraɛl pli zi koo, nyanénu lé wa ble zia koo, Gakelebale wo si we gi fɛan zo koo, Moizi a zuo faa fe é na ti lɛ.

Fwile 3:18

Wo dan tɔné dɔ lɛ i dére lɛ; yé i dan go lɛ Éjipiti mununwiinzan blɛn va, bii valé Izraɛl mi segelenu nya, yé ka dan a fe lɛ a lɛ léé: Gakelebale, Ébru munu lé Bale bɔra ko va. ’I zi nɔ ko lɛ léé, ’ko yi yaa tawo nyéné la sarakanu bole Gakelebale, kolé Bale lɛ we gi.

Fwile 5:1

’Bɛ zuo Moizi valé Arɔn go Faraɔn va yé wo lé a lɛ léé: Gakelebale, Izraɛl lé Bale léma: ’I daan ’élé munu ma, ’wo go fɛti kɛlɛ nyéné la ’é tɔ bɔle we gi.

Fwile 6:11

’I go, bé fe Éjipiti mununwiinzan blɛn Faraɔn lɛ léé, ’é daan Izraɛl lé nénu ma, ’wo si alé tɛrɛ la.

Fwile 7:16

yé bé fe Faraɔn lɛ léma: Gakelebale, Ébrunu lé Bale maa nwunvɔ i va, a fele i lɛ we gi léé, ’i daan élé munu ma, yé wo ’é bɔ nyéné lé fɛna. Yé fɔɔ bléyi ’ko va i ’ka tɔné dɔ lɛ lo.

Fwile 8:1

Gakelebale lé é ziin Moizi lɛ léé: Bé fe Arɔn lɛ léé, ’é bɛ valé tawomayili soi yuunu koo, ’yibalenu koo, ’yigurunu koo, wo ta, yé ’é da yolunu nya Éjipiti tɛrɛ la.

Fwile 8:16

’Bɛ zuo Gakelebale lé Moizi lɛ léé: ’I nwa bladi tutu yé ’i go Faraɔn va; é dan bɔra lɛ gole yuu bai we gi. I dan a fe lɛ a lɛ léé: Gakelebale léma: ’I daan élé munu ma, ’wo ’é bɔ.

Fwile 8:17

Dé i ’ka daan lɛ élé munu ma lo, é dan dirimabounu pa lɛ zia, bii koo, i wuozannu koo, ilé munu valé ilé kɔnnu koo, ka ma; dirimabounu é dan fan lɛ Éjipiti munu lé kɔnnu nya, yé wo dan tɛrɛ la sɔɔla lɛ.

Fwile 8:20

Gakelebale a kɛlɛ a zo. Dirimabounu kiɛre kiɛre da Faraɔn valé é wuozannu lé kɔnnu gi, yé dirimabounu Éjipiti tɛrɛ faa sɛrɛ.

Fwile 9:1

Gakelebale lé Moizi lɛ léé: ’I go Faraɔn va, bé fe a lɛ léma: Gakelebale, Ébrunu lé Bale léma: ’I daan élé munu ma, ’wo go ’é bɔ.

Fwile 9:13

Gakelebale lé Moizi lɛ léé: ’I nwa bladi tutu, yé ’i go Faraɔn va. Bé fe a lɛ léma: Gakelebale, Ébrunu lé Bale léma: ’I daan ’élé munu ma, ’wo go ’é bɔ.

Fwile 9:2

Dé i ’ka daan lɛ wo ma, ’wo go lo, dé i a é kunle wo ma tan,

OZÉ (Osée) 11:1

Dé Izraɛl a kiéné bléyian va, ’té é sɔ an lɛ, Yé maa an be laa léé, ’é si Éjipiti.