21 Zén‐ékevasɔkɔn lé Lévinu a dɔ Moizi lé bélidɔwe yɛrama, ’té Balebanzan Arɔn be Itamaa ɛ ke nyanama nwiinzan nya bɛ, wo gɔɔli sɛrɛ fɛan zo a kɛlɛle ma, yee lé ke ’ko.
Minwiinzan blɛn Balebanmunu ’lɛzan Jéojada laa yé é lé a lɛ léma: Ban lé Bale wuozan Moizi a dɔ Izraɛlnu faa nwiin léé, ’é kɛlɛ zén‐ékevasɔkɔn mafɛ nya ’naan, mɛmalé i ’ka Lévinu ma kyɛ dɔa léé, wa si Juda tɛrɛ la valé Jérusalɛm yé wo da a nya loo?
Sɔkɔn lé, wenayefɛ ke a gi, ’bé bɛ pa Lévinu lee, yee valé sɔkɔn gi nyanamapafɛnu koo, alé fɛnu faa koo, ’i wo bɛ pa wo lee. Wo ɛ go sɔkɔn valé a gi nyanamapafɛnu faa nya, yé wo ɛ a nyanama paan, yé ’wo ’wolé kɔn dɔ sɔkɔn zi do do.
Naa, Lévinu ’wo nyana sɔkɔn lé, wenayefɛ ke a gi, a zi, léé, té anlé bliflile é nwa Izraɛl lé nénu lé ke é zénle ékeva, wo ma lo; yé Lévinu ’wo yuɛ pa sɔkɔn lé, wenayefɛ ke a gi, a ta.
I bwenu lé wo ke Lévi bɛnnu nya, i ti bɛnnu nya, ’i wo bié i va, léé, wo pa i va yé wo ilé nyanama pa, bléyian va lé bii valé i benu ke wenayefɛ pagi sɔkɔn ’lɛ.
Naa, ko a gi dɔɔ léé, sɔkɔn lé ko ke é nyanale a gi tɛrɛ la ’ko, dé é sɛrɛ, kolé kɔn do ana la gi. Mi ’ka kɔn ’ko dɔ lɛ lo, Kazambale ɛ dɔ ko lɛ, yé a guru ’ka dan zana lɛ a gi monomono lo.
Naa, Krist da Balebɔzi dɛrɛ nya; yé yee ɛ ke ’bɛlé Balebanmunu ’lɛzan nya; sɔkɔn lé ke blɛn, é zima é mini a koɛzan ta, é go ’bɛ gi. Mi ’ka ’bɛ sɔkɔn dɔ lɛ lo, ’bɛ gi léé, é ’ka tɛrɛ ’ko lé wa kɛlɛ, a tafɛ do nya lo.
Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.
Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.