Fwile 37:17 - Kazambale lé Sebe Sauunu 1979

¹⁷ É fintran kɛlɛ, kyan tegele lé wa gyɛ, a nya; a gane koo, a pun koo, a bɔnu koo, a ma ginninnu koo, a vwinu koo, wo faa kɛlɛ é ke ’léé do.

Fwile 37:17 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:15

Kyanfintrannu valé ’wolé kyɛbɔ kiénénu, é ’bɛ kilo fe, yé é fintran do do valé élé kyɛbɔné do do lé kilo fe. É gɔɔlifu fintrannu zé kilo ’léé fe, yé é fintran do do valé élé kyɛbɔnénu do do kilo ’léé fe, wo dɔnama a fɛan zo, a yɛrama.

2 Minwiinmunu lé Wezuofe Sɛbɛ 13:11

Bladi valé nyanadi faa do do ma, winu lé wa kyɛ blé, ko a no Gakelebale lɛ; ko lasikɔrɔ ginzan kyɛ blé; ko Bale ’lɛburu plaan tablé tegele ta, yé ko kyan fintran valé alé kyɛbɔnu bié; naa, ko Gakelebale, kolé Bale lé bélidɔwenu kɛla. Yé kaa, ka sɔn vɔ a ma.

Fwile 31:8

tablé valé é ma nyanamapafɛnu koo, kyan tegele fintran valé é ma nyanamapafɛnu faa koo,

Fwile 37:16

Tablé ma nyanamapafɛnu lé wa plaan tablé ta, alé planu koo, alé gaannénu koo, alé bééné bɔnu koo, alé palaganeanénu koo, ’té woo saraka bo’yi zén‐é wo gi bɛ, é wo kɛlɛ; é wo kɛlɛ kyan tegele nya.

Fwile 37:18

A blan suiɛdo kɛlɛ a sannu ta, fintran blan yaa kɛlɛ a san do la, yé fintran blan yaa kɛlɛ a san koɛ la.

Lévinu 24:4

É dan kyanfintran nɛnɛnu ma’lɛrɛ lɛ a bile yifaama we ma Gakelebale ’lɛ.

Zakari 4:11

Maa we fe é ziin lanje lɛ yé maa léé: Ɔliviyili fié lé wo ke é dɔle fintran bɛyila valé a bɛbola bɛ, wozé gi lé nɔɔ?

Zakari 4:2

É lé an lɛ léé: I mɛ fɛ yéé? Yé maa a zi pa a lɛ léé: Maa nagini, yé maa kyan fintran do ye; a blan a sɔrafié, yé bɔ do a é dunle a nwiin, ’té tio sɔrafié a a ma yé ’bɛnu vɔ fintrannu ma;

Mi Nɔnɔle 8:4

Wo fintran kɛlɛ kyan gyɛle nya, fɔɔ yé é bɔ a ganenu valé a vwinu ma, wo wo faa foli kyan nya; Moizi fintran kɛlɛ fɛan zo lé Gakelebale a kɛlɛbɛ gɔɔn a lɛ, a zo.

Matio 5:15

yé wo ’ka kyɛbɔ bié yé wa wɔra bɔ wuo lo, naa, wa dɔraan kyɛbɔ dɔrana, ’té munu faa lé wo ke kɔn gi, ’té éé wo va kinié.

Filip munu 2:15

ka kɛlɛle wéiin valé sauun we ma, ’té woo ka yé Kazambale lé nénu lé, gun ’ka wo ma lo, wo nya, bléyi ’ko vamunu naané vɔnle méléna, ’té ka bié tɛrɛ la gunutinu va bélé sonakyɛ zo, ’té ka mibélidére fé munu lɛ.

Ébrunu 9:2

Wo sɔkɔn dɔ webozen nya. Wa gi vininzan laama fɛna sauun, yé fintran koo, tablé koo, Bale ’lɛburunu koo, wo ana ’bɛna.

Wegɔɔnle 1:12

Maa nɔla, dé de ɛ ke we fena an lɛɛ? a dɔɔle we gi. An nɔlale zuo an kyan fintran sɔrafié ye,