Fwile 34:9 - Kazambale lé Sebe Sauunu 1979

⁹ É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Fwile 34:9 ပူးပေါင်းရင်းမြစ်များ

Lɛrɛvɔ Sɛbɛ 135:4

Naa, Gakelebale Jakɔb si a va É Izraɛl si a va a kɛlɛle ’ézé nya we gi.

Lɛrɛvɔ Sɛbɛ 25:11

Oo Gakelebale, i tɔ lé we ma ’I an mawe vo anlé weple ma, naa, é a blɛn.

Lɛrɛvɔ Sɛbɛ 28:9

’I ilé munu si we gi; munu lé wo ke ilé tɔnɔfɛ nya, ’i wo drɔɔ vo. ’I kɛlɛ wo tabinzan valé wo takuunzan nya yifaama ma.

Lɛrɛvɔ Sɛbɛ 33:12

Bɛn lé Gakelebale ke wolé Bale nya, wozé a néné. Migɔnɔ lé Bale wo si a va élé tɔnɔ nya, wozé a néné.

Lɛrɛvɔ Sɛbɛ 78:62

É élé munu bɛ pa gwɔunzannu lee, Yé a bli fli élé munu ma.

Lɛrɛvɔ Sɛbɛ 94:14

Naa, Gakelebale ’ka daan élé munu ma lo, É ’ka sɔn vɔa élé munu ma lo;

Fwile 19:5

Tɛrɛ faa a anzé nya, amalé sin, dé ka tɔné dɔ an dére lɛ, dé ka anlé gipawe tawe kɛlɛ, ka dan kɛlɛ lɛ anzé nya bɛnnu faa méléna;

Fwile 32:9

Gakelebale lé Moizi lɛ léé: Maa ye léé, munu ’ko, wa wemaplɛplɛzannu nya.

Fwile 33:12

Moizi lé Gakelebale lɛ léé: Maa léma: bii lé an lɛ léé, ’an go munu ’ko nya. Yé dé i dan mi kyɛn pa lɛ an vaa? i ’ka a fe lɛ an lɛ lo, dɔlé té bé fe léé, ’é an dɔɔ an tɔ nya, yé ’é an ye mi zin nya ’é yuɛi.

Fwile 34:7

Mi sɔ an lɛ fɔɔ a kulu wuru soruzan ma; weple koo, nwale mi ma koo, wenyané koo, dé mi a kɛlɛ, Gakelebale a ma we voo, naa, é ’ka wegyɛzan yé weanwiinlozan nya lo. Éé we lɛdɔa nénu gi wo tinu lé weple ma, yé éé we lɛdɔa wolé nénu é nénu gi, fɔɔ yé é bɔ wo kulu yaazan valé wo kulu ziɛnzan ma.

Ézai 48:4

Maa gi dɔɔ léé, ka bli a plɛplɛ, Yé ka tɔné gi a plɛplɛ bélé foliɛwɔlɛ zo, Yé ka yuɛ ma a plɛplɛ bélé gɔlɛ zo,

Jérémi 10:16

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl ɛ ke alé tɔnɔ nya; A tɔ lé lai sunyanu lé Gakelebale.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Zakari 2:12

Juda é dan kɛlɛ lɛ Gakelebale zé nya tɛrɛ sauun ta, yé é dan Jérusalɛm si lɛ a va ézé nya é ziin.

Mi Nɔnɔle 14:19

’I munu ’ko ma we vo wolé weple ma ma, ilé nyanai zénle blɛn yɛrama, bélé fɛan zo lé i wo ma we vo, a péli sia Éjipiti tɛrɛ la fɔɔ kyɔ, a zo.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Bélidɔwesɛbɛ Fiézan 32:9

Naa, Gakelebale zé lé ke élé munu nya; Jakɔb ɛ ke azé tɔnɔ nya.

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

Bélidɔwesɛbɛ Fiézan 9:18

Kalé wenyané ma lé an dia Gakelebale wuo bélé é vinin zo, yi yɔ fié, é yiéyi valé é béli; maa ’ka fɛ ble lɛ lo, yé maa ’ka ’yi mini lɛ lo; we lé ke naané Gakelebale yuɛ gi, ka kɛlɛ yé ka a bli fli.

Bélidɔwesɛbɛ Fiézan 9:26

An bazoro Gakelebale lɛ yé maa léé: Mizan Gakelebale, ilé munu, ilé tɔnɔfɛ lé i wo tabo ilé plɛplɛ blɛn nya, ’té i wo si Éjipiti tɛrɛ la i bɛ plɛplɛ nya bɛ, té ’i wo gyɛ lo.

Bélidɔwesɛbɛ Fiézan 9:29

Gakelebale, wa ilé munu nya, wa ilé tɔnɔfɛ lé, i wo si Éjipiti tɛrɛ la ilé plɛplɛ blɛn valé i bɛ soile nya, a nya.