Fwile 34:6 - Kazambale lé Sebe Sauunu 1979

⁶ Yé Gakelebale gié a ’lɛ yé Gakelebale siaa léé: Gakelebale, Gakelebale, é a mimawe vo Bale valé nyanaizénmila Bale nya; éé we lɛbɛn‐é faa yé a bli é fli, yé zin valé yarapalale a a lee kiɛre.

Fwile 34:6 ပူးပေါင်းရင်းမြစ်များ

Wepélisiananu 24:27

’té é a fé léé: ’Wo Gakelebale drɔɔ vo ma; anzan Abraam lé Bale lé; é ’ka daan é nyanai zénle ma anzan ta lo, ’té é alé we kɛla yarapalale nya. Maabozen, Gakelebale da maa nya anzan bwenu lé kɔn’léé.

2 Samuɛl 24:14

David a zi pa Gad lɛ léé: Anlé nyané a blɛn! Gakelebale ’é kolé we ble ma, naa, a nyanai éé zén‐é é baba; té munu é kolé we ble lo.

1 Minwiinzannu 19:11

Gakelebale léé: ’I bɔra, ’i dɔ gɔ ma Gakelebale ’lɛ. Yé bé ye, Gakelebale gié. Fu gié plɛplɛ é baba yé é gɔ fee gyɛ yé é gɔlɛnu ’wii Gakelebale ’lɛ; Gakelebale ’ka fu gi lo. Fu giéle zuo, tɛrɛ ma nyɔɔn; Gakelebale ’ka tɛrɛ ma nyɔɔnle gi lo.

1 Minwiinzannu 8:30

Dé i leezan valé ilé munu Izraɛl bazoro fɛkona, ’i tua yé ’i wolé zantévɔdére ’ma ma. ’Bé ’ma i nyanana lanu gi loru, ’bé ’ma yé ’i wo ma we vo ma.

2 Minwiinmunu lé Wezuofe Sɛbɛ 30:9

Dé ka nɔla Gakelebale va é ziin, munu lé wo go ka bwenu valé ka benu nya luu gi, ’bɛnu é dan wo nyanai zén lɛ wo ta, yé wo dan da lɛ wo pa gi tɛrɛ ’ko la; naa, Gakelebale kalé Bale a mi ma we dɔɔzan nya yé a nyanai éé zén‐é. É ’ka dan é yara si lɛ ka ta lo, ’té dé ka da a va ka pa gi.

Néémi 9:17

Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

Lɛrɛvɔ Sɛbɛ 108:4

Gakelebale, maa dan i tɔ zin fe lɛ migɔnɔnu méléna. Maa dan i tɔ vɔ lɛ lɛrɛ nya bɛnnu méléna.

Lɛrɛvɔ Sɛbɛ 111:4

A kɛlɛwe blɛnblɛn sele a munu gi, Gakelebale nyanai éé zén‐é yé é mi mawe dɔɔ.

Lɛrɛvɔ Sɛbɛ 111:8

Wo ta ’ka vɔɔan monomono lo, É wo kɛlɛ yarapalale valé we tegele nya.

Lɛrɛvɔ Sɛbɛ 112:4

San éé nwɛɛn‐an gunutinu va, munu lé wolé we ke é drɔle, wozé nya, É valé nyanaizénzannu koo, mi mawe dɔɔzannu koo, mi tegelenu koo, wozé nya.

Lɛrɛvɔ Sɛbɛ 116:5

Gakelebale a nyanaizénzan nya; é a tegele, Kozé Bale nyanai éé zén‐é blɛn;

Lɛrɛvɔ Sɛbɛ 138:2

Maa diaan an bli la ilé kɔn sauun gi, Yé maa i tɔ ma gya, ilé zin valé ilé yarapalale we ma, Naa, ilé blivolɛdére lɛsɔɔle we ma lé i tɔ kɛlɛ blɛn.

Lɛrɛvɔ Sɛbɛ 145:8

Gakelebale nyanai éé zén‐é, yé é mi mawe dɔɔ, A bli ’ka flian é kele lo, yé é a é fanle zin nya.

Lɛrɛvɔ Sɛbɛ 146:6

Yee ɛ la valé tɛrɛ kɛlɛ, Wɛyi valé é vafɛnu faa koo, yee ɛ wo kɛlɛ. Éé yara paan we la yifaama.

Lɛrɛvɔ Sɛbɛ 31:19

Kwakwa ’é vɔ viéwolɔlunu ta ma, Yuɛma plɛplɛ lɔlunu lé woo we fé mi tegele ma, Boblɛn naané valé serele bole nya, kwakwa ’é vɔ wo ta ma.

Lɛrɛvɔ Sɛbɛ 57:10

Mizan, maa dan i tɔ zin fe lɛ migɔnɔnu méléna. Maa dan lɛrɛ vɔ lɛ i lɛ bɛnnu méléna.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Lɛrɛvɔ Sɛbɛ 91:4

É dan i ta bua lɛ é kyɛɛ nya Yé i dan yɔɔna ye lɛ a bɛanu wuo; Alé yara pale we ta a i takuunfɛ valé i golɛtayɔɔfɛ nya.

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Fwile 22:27

naa, atasɔ do kpen lé, sɔ lé éé a zén‐é é kɔlɛ ta, yee lé; é dan yi gyɛ lɛ mɛ nya é taa? Dé é siaa an lɛ, maa dan a ’ma lɛ, maa a nyanaizénzan nya, azama.

Fwile 33:19

Gakelebale a zi vɔ léé: Maa dan anlé zin faa gié lɛ i ’lɛ, yé maa dan Gakelebale tɔ fe lɛ i lɛ; dé é sɔ an lɛ léé, maa zin kɛla mian lɛ, a lɛ lé maa zin kɛla, yé dé é sɔ an lɛ léé, an nyanai zén mian ta, a ta lé an nyanai éé zén‐é.

Wegɔnévɔlenu 3:3

Té wezin valé yarapale we ta é si i ma lo; ’i wo vɔ i bɔrɔ ma, ’i wo gyɛ i bli gi bélé sɛbɛ zo.

Bale Lé We Gifezan 8:11

Wo ’ka we lɛdɔa mi gi é kele élé wenyané ma lo, amalé blami bli bɔ wenaané saa kɛlɛle ma.

Ézai 12:4

Yé ka dan a fe lɛ ’bɛ yi la léé: ’Ka Gakelebale tɔ zin fe, ’ka a tɔ laa, Ka a kɛlɛwenu zana dɔɔ munu va, ’Ka a tɔ blɛn sele dɔ wo gi.

Ézai 65:16

Mi lé é sɔ a lɛ léé, ’é drɔɔ ’é vo tɛrɛ ’ko la, é dan sɔ lɛ a lɛ léé, Webozen Bale ɛ ’é drɔɔ vo; dé mian é dan bale ’nyɔɔn lɛ tɛrɛ ’ko la, é dan Webozen Bale ’nyɔɔn lɛ; naa, kle kyɛn lé ka ble bɛ, ka gi é dan san lɛ ’bɛ ma, ’té wo ta saan an yuɛ gi.

Jérémi 32:18

I nyanai éé zén‐é fɔɔ mi kulu wuru é wuru ta, yé weplenu lé né tinu a kɛlɛ, bé ma we lɛdɔa wolé nénu gi. Bii ɛ ke Bale blɛn lé é ke plɛplɛ, a nya, ’té a tɔ ke lai sunyanu lé Gakelebale bɛ, a nya.

Jérémi 9:24

Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Jérémi Lé Wuvɔ Sɛbɛ 3:23

Woo bɔraan bladi faa do do ma we dɛrɛ nya, I yara pale we la glɛ ’ka lo.

Joɛl 2:13

Té ka sɔnu fia lo, Naa, nyɛ ’é ’wii ka zuru va, Yé ka da Gakelebale, kalé Bale va é ziin, Naa, é a mi mawe dɔɔzan valé nyanaizénzan nya; A bli ’ka flian é kele lo, yé alé zin a blɛɛn, Yé we tɔntɔnnu lé éé a paan munu lɛ zia, éé bli nɔlaan wo kɛlɛle ma.

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Misé 7:20

I dan a gɔɔn lɛ Jakɔb lɛ léé, i a yarapawelazan nya, yé i dan a gɔɔn lɛ Abraam lɛ léé, i a é zin, fɛan zo lé bé fe ko tranu lɛ ibo ’nyɔɔnle nya é vinin, a zo.

Naum 1:3

Gakelebale bli ’ka flian é kele lo, yé alé plɛplɛ a blɛn; Éé we lɛdɔa mi gi kpɔ. Gakelebale éé tawoo fu plɛplɛ gi, éé tawoo barikoko gi, Latinu ɛ ke a gane ma vungoi nya.

Mi Nɔnɔle 12:8

Ko valé yee éé we fé ko ke lɛ kpaklaa, ’té we yɔɔle ’ka a gi lo, yé maa, Gakelebale a fɛan zo, éé a yé. Mɛmalé ka ’ka kanaan we fele ma an wuozan Moizi ma loo?

WENÉNÉ LE JAN A GYE (Évangile selon Jean) 1:17

Moizi ɛ da bélidɔwe nya, naa, Jézu Krist ɛ da zin valé webozen nya.

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

Bélidɔwesɛbɛ Fiézan 32:3

Naa, maa dan Gakelebale tɔ zana dɔɔ lɛ, ’Ka kolé Bale tɔ zin fe.

Bélidɔwesɛbɛ Fiézan 4:31

naa, Gakelebale, kalé Bale a nyanai zén mi ta Bale nya, yé é ’ka dan sɔn vɔ lɛ ka ma lo, yé é ’ka dan ka kulu ga lɛ lo; gipawe lé é a kɛlɛ ka tranu va, ’té ébo ’nyɔɔn a gi bɛ, a sele ’ka dan saan lɛ a gi lo.

Bélidɔwesɛbɛ Fiézan 5:10

yé munu lé Bale éé sɔa wo lɛ, ’té woo alé bélidɔwenu kɛla, a nyanai éé zén‐é wo ta fɔɔ yé é bɔ wo kulu wuru soruzan ma.

SEBE LÉ JAK A GYE (Épitre de Jacques) 5:11

Ka ye, munu lé, wo nyané ble bli tiéé nya, ko fé léé, wozé a néné é baba. Ka Job lé bli tiéé we zuo fele ’ma; yé Mizambale alé we kɛlɛ fɛan zo é voéla, ka ’bɛ ye, naa, Mizambale éé mi mawe dɔɔan é baba yé a nyanai éé zén‐é mi ta di.