Fwile 34:14 - Kazambale lé Sebe Sauunu 1979

¹⁴ Té i dia i bli la bale bɛ do kpen ’lɛ lo; naa, Gakelebale tɔ lé Maabozan, iin, é a maabo Bale nya.

Fwile 34:14 ပူးပေါင်းရင်းမြစ်များ

1 Minwiinzannu 14:15

Gakelebale é dan Izraɛl bla lɛ, yé é dan kɛlɛ lɛ bélé gyan lé ’yinu a nyɔɔn‐an, a zo; tɛrɛ zima lé é a nɔ Izraɛl tranu lɛ, é dan a si lɛ Izraɛl lee, yé é dan wo nwɛɛn lɛ yuu zi, wo miyilinu kɛlɛ yé wo Gakelebale bli fli, azama.

1 Minwiinzannu 19:10

É a zi pa léé: Maa Gakelebale, lai sunyanu lé Bale lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

Fwile 33:19

Gakelebale a zi vɔ léé: Maa dan anlé zin faa gié lɛ i ’lɛ, yé maa dan Gakelebale tɔ fe lɛ i lɛ; dé é sɔ an lɛ léé, maa zin kɛla mian lɛ, a lɛ lé maa zin kɛla, yé dé é sɔ an lɛ léé, an nyanai zén mian ta, a ta lé an nyanai éé zén‐é.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Ézékiɛl 23:25

An bli é dan fli lɛ i ma, yé wo wɛwɛ é dan dɔ lɛ i ma, yé wo dan i nyé fɔn lɛ yé wo i tɔné bɔi, yé dé ilé miomian vo, gwɔun é dan a gyɛ lɛ. Wo dan i lunu valé i benu si lɛ; dé ilé fɛofɛan vo wo dan a kyɛ ble lɛ.

Naum 1:2

Gakelebale a maawobale nya; é ézé lɛgi paan; Gakelebale é ézé lɛgi paan, a wɛwɛ a é baba. Gakelebale é ézé lɛgi paan ’é mazannu ma, Éé é nyanézannu va we paan é bli gi.

Matio 4:10

Jézu lé a lɛ léé: Satan, ’i si an ma. É a é gyɛle Kazambale lé sɛbɛ gi léé: ’I ’wuo tua Mizan izé Bale lɛ, yé ’i yee do kpen ɛ bɔ.

1 Korent munu 10:22

Kaa a a va léé, kaa Mizan lé maawole nwaa? Kaa plɛplɛ mini a lɛɛ?

Bélidɔwesɛbɛ Fiézan 29:20

Gakelebale ’ka a nyi sié léé, mi ’ko ma we é vo lo. Naa, Gakelebale bli é dan fli lɛ mi ’ko ma yé alé maawole é dan nwa lɛ a ma, yé balepadére faa lé wa gyɛ sɛbɛ ’ko gi, é dan vo lɛ mi ’ko ma, yé Gakelebale é dan a tɔ si lɛ tɛrɛ la.

Bélidɔwesɛbɛ Fiézan 32:16

Wo Bale lé maawole nwa bale bɛnu nya, Wa bli fli bozowenu nya;

Bélidɔwesɛbɛ Fiézan 32:21

Wo anlé maawole nwa fɛnu lé wo ’ka bale nya lo, wo nya, Yé wo an bli fli wolé miyili planu nya; Yé maa, maa dan wolé maawole nwa lɛ, munu lé wo ’ka mi nya lo, wo nya, Yé maa dan wo bli fli lɛ, bɛn lé é ke ’tugyɛbɛn nya, a nya.

Bélidɔwesɛbɛ Fiézan 4:24

Naa, Gakelebale, kalé Bale a kyɛ lé éé fɛ faa blé, a nya, é a maawo Bale nya.

Bélidɔwesɛbɛ Fiézan 5:24

yé wo léé: Bé ye, Gakelebale, ’wolé Bale élé fuasan valé ’é blɛn nagɔɔn ’wo lɛ kyɔ; ’wo a dére ’ma kyɛ méléna; kyɔ ’wa ye léé, Kazambale we fe munu lɛ yé wo vo é yuɛma.

Bélidɔwesɛbɛ Fiézan 5:7

Té i bale bɛnu pa ’é pa gi lo.

Bélidɔwesɛbɛ Fiézan 6:15

naa, Gakelebale, kalé Bale é a maawo Bale nya ka méléna. A bli é dan fli lɛ ka ma yé é dan ka si lɛ tɛrɛ la tata.

Jozué 24:19

Jozué lé munu lɛ léé: Gakelebale bɔplɛplɛ ’ka ka lee lo, naa, Bale sauun lé, maabo Bale lé, yé é ’ka dan ka ma we vo lɛ kalé weplenu valé kalé wenyanénu ma lo.

Weblezannu 6:10

Maa lé ka lɛ léé, maa a Gakelebale, kazé Bale nya; Amorénu lé ka ke é nyanale wolé tɛrɛ la bɛ, té ka kana wolé balenu lee lo. Naa, ka ’ka an dére ’ma lɛ lo.