Fwile 34:13 - Kazambale lé Sebe Sauunu 1979

¹³ Ka dan wolé balebannanu yara bua lɛ, ka dan wolé yofotonu ’wii lɛ yé ka dan wolé miyilinu yéli lɛ.

Fwile 34:13 ပူးပေါင်းရင်းမြစ်များ

1 Minwiinzannu 14:15

Gakelebale é dan Izraɛl bla lɛ, yé é dan kɛlɛ lɛ bélé gyan lé ’yinu a nyɔɔn‐an, a zo; tɛrɛ zima lé é a nɔ Izraɛl tranu lɛ, é dan a si lɛ Izraɛl lee, yé é dan wo nwɛɛn lɛ yuu zi, wo miyilinu kɛlɛ yé wo Gakelebale bli fli, azama.

2 Minwiinzannu 10:27

Wo Baal miyili yara bua yé wo Baal lé kɔn guru zana a gi yé wa kɛlɛ wobogikɔn nya, yé é vo ana fɔɔ kyɔ.

2 Minwiinzannu 18:4

É gɔ nwiin yobannanu sɛrɛ, yé é miyilinu yéli yé é yo ’wuo ’wii, yé zénéméné lé Moizi a kɛlɛ é ’bɛ yéli télétéléné, naa, Izraɛl lé nénu éé lasikɔrɔ kyɛ blé a lɛ yifaama; wa laama Néusitan.

2 Minwiinzannu 23:14

Jozias miyilinu yéli yé é yo’wuo ’wii, yé fɛana lé wo ke, é ana fan miwɔlɛnu nya.

2 Minwiinmunu lé Wezuofe Sɛbɛ 14:3

É lé Judanu lɛ léé, ’wo Gakelebale ’wo tranu lé Bale nagini, yé ’wo tawo alé bélidɔwenu ta yé ’wa sɔnnénu pa.

2 Minwiinmunu lé Wezuofe Sɛbɛ 15:16

Minwiinzan blɛn Aza naa Maaka miyili kɛlɛ Asataté zé nya, amalé é kɛlɛle mi nwiin le nya se si a lee. Aza alé miyili sɛrɛ, yé é a pun bo, yé é a kyɛ ble Sédrɔn yuu yorole plɛplɛ sɔnɔ.

2 Minwiinmunu lé Wezuofe Sɛbɛ 17:6

É bli ta dɔ plɛplɛ alé Bale lɛdɔmale gi, yé é gɔ nwiin yobannanu valé miyilinu si Juda tɛrɛ la é ziin.

2 Minwiinmunu lé Wezuofe Sɛbɛ 24:18

Yé wo sɔn vɔ Gakelebale, wo tranu lé Bale lé kɔn ma yé wo miyilinu valé yofotonu ban. Gakelebale bli fli Juda munu valé Jérusalɛm munu ma. We ’ko kɛlɛle ma lé we dɔ wo nwiin.

2 Minwiinmunu lé Wezuofe Sɛbɛ 31:1

’Bɛ faa lɛsɔɔle zuo, Izraɛlnu faa lé ke ana mi, wo si ana yé wo go Juda flanu ta. Yé wo yobɔnu ’wii yé wo miyilinu dia, yé gɔ nwiin yobanna valé miyili bannanu lé ke Juda valé Bɛnjamɛn tɛrɛnu ta koo, Éfraim valé Manasé tɛrɛnu faa ta koo, wona, wo wo guru zana a gi. ’Bɛ zuo, Izraɛlnu faa nɔla wo pa gi wolé flanu ta; wo faa do do go ’wo nyanana.

2 Minwiinmunu lé Wezuofe Sɛbɛ 33:19

Alé bazorole koo, fɛan zo lé Bale alé bazoro dére ’ma koo, alé wenyanénu koo, alé yuɛ gi blanlenu koo, fɛnu lé é gɔ nwiin yobannanu kɛlɛ wona yé é miyilinu valé yofotonu dɔ ana alé bo kɛlɛle kiéné ’lɛ, wonu koo, ’bɛ a é gyɛle Ozai lé sɛbɛ gi.

Fwile 23:24

Té i dia i bli la wolé balenu ’lɛ lo, té i wo bɔ lo; té i wolé tawobɛ zuo sona lo, naa, ’i wo guru zana a gi, yé ’i wolé miyilinu yéli.

Ézai 17:8

é ’ka é yuɛ vɔa yobannanu lé é a kɛlɛ éboan, wo ta lo. Asataté yonu valé yiribɔnu lé é wo kɛlɛ bɛ, é ’ka dan é bɔn‐in bɔrɔ lɛ wo ma é dɛrɛ lo.

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Jérémi 17:2

Woo bɔn‐in bɔrɔan wolé nénu ma fɛan zo, a zo duo lé woo bɔn‐in bɔrɔan wolé balebannanu ma, yé a zo duo lé woo bɔn‐in bɔrɔan wolé miyilinu lé wa laama Asataté, ’té woo wo dɔa yili drɔɔdrɔɔnu wuo, ’bɛ valé gɔpanénu nwiin bɛ, wo ma.

Misé 5:14

Bɛnnu lé wo ’ka ’wo tɔné dɔ lɛ an lɛ lo, maa dan anzé lɛgi pa lɛ wo ma, blifllile valé wɛwɛ dɔle nya.

Mi Nɔnɔle 33:52

’ka ’bɛna tɛrɛ la munu faa bin ka ’lɛ, yé ’ka wolé miyili gɔlɛnu ’wii, yé foliɛwɔlɛ lé wa foli miyilinu nya, ’ka wo sɛrɛ tata, yé ’ka wolé gɔnwiin yobannanu sɛrɛ tata.

Bélidɔwesɛbɛ Fiézan 16:21

Bale banna lé ka dan a kɛlɛ lɛ Gakelebale, kalé Bale zé nya, té ka miyili dɔ a sɔnɔ lo.

Bélidɔwesɛbɛ Fiézan 16:22

Té ka yowɔlɛnu kɛlɛ lo; Gakelebale, kalé Bale léabo ’bɛ ma.

Bélidɔwesɛbɛ Fiézan 7:5

We lé ka dan a kɛlɛ lɛ wo vazia, yee lé ke ’ko: ka dan wolé yobannanu zana lɛ a gi, ka dan wolé yowɔlɛnu sɛrɛ lɛ, ka dan wolé miyilinu yéli lɛ, yé ka dan wolé yonu kyɛ ble lɛ.

Weblezannu 2:2

yé ’kaa, té ka gi pa do tɛrɛ ’ko la munu va lo, ka dan wolé yobannu zana lɛ. Naa, ka ’ka an dére lɛdɔ lɛ a ma lo. Mɛmalé ka kɛlɛ ’bɛ zoo?

Weblezannu 6:25

Alé béli duo nya, Gakelebale lé Jédéɔn lɛ léé: ’I ti lé dirigɔné boroné si, é valé dirigɔné fiézan lé a lɛɛ ke sɔrafié, a nya. Yé Baal banna lé ke i ti zé nya bɛ, bé zana, yé miyili lé ke a ta loru bɛ, bé sɛrɛ.

Weblezannu 6:26

’Bɛ zuo, ’i Gakelebale, izé Bale banna kɛlɛ gɔlɛ ’ko ta loru. Yé miyili lé bé sɛrɛ bɛ, bé kyɛ sɔɔn, yé ’i dirigɔné fiézan si, yé bé nɔ wi lé wa kyɛ blé, a nya, a ta.