Fwile 34:11 - Kazambale lé Sebe Sauunu 1979

¹¹ We lé maa i bélidɔ a nya kyɔ, bé kɛlɛ ma. Amoré munu koo, Kanaan munu koo, Éti munu koo, Férézi munu koo, Éévi munu koo, Jébusi munu koo, maa dan wo bin lɛ ka ’lɛ.

Fwile 34:11 ပူးပေါင်းရင်းမြစ်များ

Minwiinzannu lé Wezuofe Sɛbɛ 1:14

Jébusinu koo, Amorénu koo, Giigazinu koo,

Néémi 13:23

’Bɛ bléyi duo va, an Juifinu ye, ’té Azdɔd lomu koo, Amɔn lomu koo, Moab lomu koo, ’té wo wo si wo nanu nya.

Fwile 23:28

Maa dan gyebenu nwunvɔ lɛ ka ’lɛ, yé Éévinu koo, Kanaannu koo, Étinu koo, yee gyebenu é dan wo bin lɛ i ma baa.

Fwile 3:17

yé é léé, ’é dan ka fwi lɛ Éjipiti tɛrɛ la, fɛna lé ka ke nyané blena, ana, yé ’é go ka nya Kanaannu koo, Étinu koo, Amorénu koo, Férézinu koo, Éevinu koo, Jébusinu koo, wolé tɛrɛ la, tɛrɛ nyɔnɔzan ta.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Fwile 33:2

Maa dan lanje do pa lɛ zia ka ’lɛ, yé Kanaan munu koo, Amoré munu koo, Éti munu koo, Férézi munu koo, Éévi munu koo, Jébusi munu koo, maa dan wo bin lɛ.

Fwile 8:27

We lé Moizi a laa, Gakelebale a kɛlɛ; dirimabounu si Faraɔn koo, é wuozannu koo, élé munu koo, wo ma baa. A do kpen ’ka vo lɛ lo.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LE JAN A GYE (Évangile selon Jean) 14:21

Mi lé anlé bélidɔwenu ke a lee, ’té éé wo kɛla, yee ɛ lɛ lé an sɔ, yé mi lé an sɔ a lɛ, é dan sɔ lɛ an Ti lɛ, yé é dan sɔ lɛ an lɛ, yé maa dan anbozen nagɔɔn lɛ a lɛ.

Bélidɔwesɛbɛ Fiézan 12:28

We faa lé maa a fena ka lɛ, ’ka tɔné dɔ wo lɛ yé ’ka wo tawe kɛlɛ, ka gi nanale lɛɛfaama we gi, ka valé kalé nénu nya ka zuo; naa, we lé ke é zima valé é drɔle Gakelebale, kalé Bale yuɛ gi, dé ka ’bɛ kɛlɛ, ka gi é dan nana lɛ.

Bélidɔwesɛbɛ Fiézan 12:32

We lé maa a fena ka lɛ, ’ka wo lɛdɔma, ’ka wo ta tawo; té ka wo taa do kpen pa lo, té ka a do kpen si wo va lo.

Bélidɔwesɛbɛ Fiézan 28:1

Dé ka Gakelebale, kalé Bale dére lɛdɔma, bélidɔwe ’konu faa lé maa wo fe ka lɛ kyɔ, dé ka wo ta tawo, Gakelebale, kalé Bale é dan ka mini lɛ tɛrɛ la bɛnnu faa ta.

Bélidɔwesɛbɛ Fiézan 33:27

Bale lé a glɛ ’ka lo, é a mi vɔzizan nya, Yé woo yɔɔan a bɛ lé é ’ka nyaan lo, a wuo. É i nyanézan bin i ’lɛ, Yé é léé: ’Bé kulu ga.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 5:32

We lé Gakelebale, kalé Bale a fe ka lɛ, ’ka a kɛlɛ é zima; dé ka bɛyila léé, dé ka bɛbola léé, té ka nɔla ana lo.

Bélidɔwesɛbɛ Fiézan 6:25

Dé ko bélidɔwe ’konu lɛdɔma é zima, Gakelebale kolé Bale yuɛ va, é a fe ko lɛ fɛan zo, a zo, é dan ko ye lɛ mi tegelenu nya.

Bélidɔwesɛbɛ Fiézan 6:3

Amalé, Izraɛl munu, ’ka tɔné dɔ wo lɛ, yé ’ka wo ta tawo é zima, ka gi nanale valé ka fanle we ma, Gakelebale, ka tranu lé Bale a fe fɛan zo, a zo, ’té é a fe é wo léé, é dan tɛrɛ nyɔnɔzan nɔ lɛ ka lɛ bɛ.

Bélidɔwesɛbɛ Fiézan 7:19

Gidanwenu blɛn lé wo kɛlɛ ka yuɛ va koo, gyɛzorowenu valé weblɛnblɛnnu koo, Gakelebale bɛ plɛplɛ lé ke é soile koo, we ’konu faa lé ka wo ye ka sile Éjipiti tɛrɛ la bléyi va, wo sele ’é dɔ ka gi ma; ’bɛ zo lé Gakelebale kalé Bale é dan a kɛlɛ lɛ, munu faa lé ka a kanana wo lee, wo lɛ.

Jozué 23:5

Gakelebale, kalé Bale, é dan wo nyunu lɛ ka ’lɛ yé é dan wo bin lɛ ka ’lɛ; yé ka dan wolé tɛrɛ si lɛ kazé nya, Gakelebale, kalé Bale a fe ka lɛ fɛan zo, a zo.