Fwile 34:10 - Kazambale lé Sebe Sauunu 1979

¹⁰ Gakelebale léé: ’Maa gi pa do ka va ma. We blɛnblɛnnu lé wo ’ka tan a kɛlɛ lɛ tɛrɛ do kpen ta lo, ’té wo ’ka tan a kɛlɛ lɛ bɛn do va lo, maa dan a kɛlɛ lɛ ilé munu yuɛ va; i zimunu faa é dan Gakelebale panyanama ye lɛ, yé wo dan a ye lɛ léé, bii ɛ nya lé maa dan we blɛnblɛnnu ’ko lɛ sɔɔ lɛ.

Fwile 34:10 ပူးပေါင်းရင်းမြစ်များ

2 Samuɛl 7:23

Izraɛl lé, Bale da wo tabo lɛ, wo kɛlɛle élé munu nya we gi, wo zo bɛn do a tɛrɛ laa? I tɔ kɛlɛle blɛn lé we ma lé i gyɛzorowenu valé we blɛnblɛnnu kɛlɛ ilé tɛrɛ valé kolé we ma; munu lé i wo si Éjipiti tɛrɛ la wo kɛlɛle ilé munu nya we ma, i bɛnnu valé wolé balenu bin wo ’lɛ.

Lɛrɛvɔ Sɛbɛ 106:22

Yé é gyɛzorowenu kɛlɛ Sam tɛrɛ la, Yé é we blɛnblɛnnu kɛlɛ Wɛyi Sɔɔn sɔnɔ, wo gi san a ma.

Lɛrɛvɔ Sɛbɛ 136:4

Bale do kpen lé éé we blɛɛnnu kɛla, Naa, a nyanai éé zén‐é yifaama.

Lɛrɛvɔ Sɛbɛ 145:6

Ilé plɛplɛ lé éé nyɛ zén‐é mi gi, wo dan a glewo lɛ, Yé fɛan zo lé i ke blɛn, maa dan a zuo fe lɛ.

Lɛrɛvɔ Sɛbɛ 147:20

É ’ka ’bɛ zo wenu kɛlɛ lɛ bɛnnu faa lɛ lo, Yé wo ’ka a déretawenu dɔɔ lɛ pelo. ’Ka Gakelebale tɔ zin fe.

Lɛrɛvɔ Sɛbɛ 65:5

Mian bé si a va yé bé dale i va nyi sié, Léé, é nyana ilé gɔrɔ gi, azé a néné. Ilé kɔn gi fɛ zinnu é dan ko kan lɛ, Ilé kɔn sauun é dan kozé bɔ lɛ.

Lɛrɛvɔ Sɛbɛ 66:3

’Ka fe Bale lɛ léé, i panyanamanu woo kana zén‐é mi gi. Ilé plɛplɛ blɛn zama i nyanézannu éé blaané dére fé i lɛ.

Lɛrɛvɔ Sɛbɛ 66:5

’Ka da, ’ka ’wuogibɔrɔ Bale panyanamanu ma. Dé é we kɛlɛ blaminu lɛ, éé kana zén‐é munu gi.

Lɛrɛvɔ Sɛbɛ 68:35

’Ka Bale kɛlɛ blɛn. Alé fuasan a Izraɛl ta, yé alé plɛplɛ a la gi.

Lɛrɛvɔ Sɛbɛ 72:18

’Wo Gakelebale, Izraɛl lé Bale drɔɔ vo ma. Yee do kpen ɛ we blɛnblɛn kɛla!

Lɛrɛvɔ Sɛbɛ 76:12

Ka Gakelebale, kalé Bale kun dérean nya, ’ka a lɛ sɔɔ. Munu faa lé wo ke a zi, ’wo da blɛ nya Bale lé, éé di kinié mi gi, a lɛ ma.

Lɛrɛvɔ Sɛbɛ 77:14

Oo Bale, ilé tawobɛ a sauun; Bale kyɛn ɛ ke blɛn bélé bii Bale zoo?

Lɛrɛvɔ Sɛbɛ 78:12

É we blɛnblɛnnu kɛlɛ wo tranu yuɛ va, Éjipiti tɛrɛ la, Soan féinu ta.

Fwile 34:27

Gakelebale lé Moizi lɛ léé: ’I dére ’konu gyɛ; naa, dére ’konu yɛrama lé maa dan an gi pa lɛ do bii valé Izraɛl va.

Fwile 34:28

Moizi vo ana bɛ Gakelebale va yi yɔ fié, bladi nyanadi. É ’ka fɛ blɛ lɛ lo, yé é ’ka ’yi mini lɛ lo. Gakelebale gipadérenu gyɛ gɔlɛfénnu ta. We vu lé.

Ézai 64:3

Wenu lé i wo kɛlɛ munu lé wo pa i ta, wo lɛ, dé é ’ka bii do kpen nya lo, ko ’ka tan a ’ma lɛ léé, bale bɛ ’bɛ kɛlɛ yé ko ’bɛ ye lo.

Jérémi 32:21

Ilé munu Izraɛl si Éjipiti tɛrɛ la, gyɛzorowenu valé we blɛnblɛnnu kɛlɛle nya, i bɛ plɛplɛ soile nya, é valé kana blɛn zénle nya wo gi.

Misé 7:15

Maa dan we blɛnblɛnnu kɛlɛ lɛ ka yuɛ va, bélé fɛan zo lé maa kɛlɛ yian nya lé maa ka si Éjipiti tɛrɛ la, a yi nya, a zo.

Bélidɔwesɛbɛ Fiézan 10:21

É a kalé fua nya, é a kalé Bale nya; yee ɛ we blɛnnu valé mitadanmawenu kɛlɛ ka méléna yé ka ana ye.

Bélidɔwesɛbɛ Fiézan 32:30

Dé wolé Gɔlɛ ’ka wo dan lɛ lo ’naan, Dé Gakelebale ’ka é bɛ si lɛ wo wuo lo ’naan, É kɛlɛ kaa yé mi do éé mi wuru soru zuo bin‐éé? É kɛlɛ kaa yé mi fié éé mi baa soru bin‐éé?

Bélidɔwesɛbɛ Fiézan 4:13

Élé gipawe zana dɔɔ ka lɛ, yé é léé, é a lé ka a lɛdɔma; bélidɔwe vu lé, é wo gyɛ gɔlɛfén fié ta, yee lé.

Bélidɔwesɛbɛ Fiézan 9:19

Gakelebale bli fli ka ma bɛ nyané zi fɛan zo bɛ, é sɔ a lɛ léé, ’é ka gyɛ, maa a ye aan wo, di kini an gi. Naa, Gakelebale tɔné dɔ an lɛ é ziin gɔnɔ do.

Jozué 6:20

Munu siaa plɛplɛ yé Balebanzannu béli fɛn. Munu béli vun ’ma aan wo, wo siaa plɛplɛ, yé flagɔrɔ zana yé munu faa do do wɔra fla tegele. Wo fla si,