Fwile 33:9 - Kazambale lé Sebe Sauunu 1979

⁹ Dé Moizi wɔra sɔkɔn gi, lati pɔrɔlɔ éé zunwo yé éé dɔa sɔkɔn ’léé, yé Gakelebale éé we fé Moizi lɛ.

Fwile 33:9 ပူးပေါင်းရင်းမြစ်များ

Wepélisiananu 17:22

Kazambale nyaa aan wo wefele nya Abraam lɛ, é si Abraam va yé é go loru.

Wepélisiananu 18:33

Gakelebale nyaa aan wo wefele nya Abraam lɛ, é go. Yé Abraam go élé kɔn ’léé.

Lɛrɛvɔ Sɛbɛ 99:7

É we fe wo lɛ lati pɔrɔlɔ gi, Yé bélidɔwe sɔnnénu valé bélidɔwe lé é a nɔ wo lɛ, wo a ta tawo.

Fwile 25:22

’Bɛna lé ko dan kee lɛ i nya; maa dan anlé bélidɔwenu faa nɔ lɛ i lɛ Izraɛl lé nénu zé nya, nyanai zé mi la nyanana ta loru, sérubɛnnu lé i wo dɔ wenayefɛ pagikɛsu ta, wo méléna.

Fwile 31:18

Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.

Fwile 33:10

Lati pɔrɔlɔ lé, éé zunwo sɔkɔn ’léé, dé munu faa a ye, woo nwaan yé woo diaan ’wo bli la ’wobo lé sɔkɔn ’léé.

Fwile 33:11

Gakelebale éé we fé Moizi lɛ ’é yara, mi éé we fé é béé lɛ fɛan zo, a zo. ’Bɛ zuo Moizi éé dan sɔkɔn dɔna é ziin; naa, a wuozan, mi boroné Nɛn be Jozué, é ’ka sié sɔkɔn gi lo.

Fwile 33:8

Dé Moizi a gona zén‐ékevasɔkɔn ’léé bléyian va, munu faa éé nwaan; mi faa do do éé dɔa ’ébo lé sɔkɔn ’léé, ’té wo yuɛ a Moizi zuo fɔɔ yé é wɔra sɔkɔn gi.

Fwile 34:3

Té mi do kpen é gɔ gié i va lo, té wo mi do kpen ye gɔ ma lo; dé é a ’blanu nyaoo, dé é a dirinu nyaoo, té wo lu ble gɔ ’ko sɔnɔ lo.

Fwile 34:5

Gakelebale zun lati méléna, yé é dɔ Moizi sɔnɔ yé Gakelebale ’é tɔ fe.

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Ézékiɛl 3:22

’Bɛna é ziin, Gakelebale bɛ a é nyunule an ta, yé é lé an lɛ léé: ’I nwa; ’i go gɔnu worona, ana lé an dan we fe lɛ i lɛ.

Mi Nɔnɔle 11:17

Maa dan zun lɛ ’bɛna yé maa dan we fe lɛ i lɛ, yé bli lé é ke i gi, maa dan ’bɛ zoɛ bli vɔ lɛ wo gi, léé, wo bɔ i va munu ’ko kɔné sile nya, té i kɔné ’ko si i do lo we ma.

Mi Nɔnɔle 7:89

Moizi wɔra zén‐ékevasɔkɔn gi bléyian va, wefele Gakelebale lɛ we ma, mi lé ke we fena nyanai zén mi ta nyanana lé ke gipawe pagikɛsu ta loru, é azan dére ’ma sérubɛn fié méléna. Yé é we fe Gakelebale lɛ.

Bélidɔwesɛbɛ Fiézan 31:14

Gakelebale lé Moizi lɛ léé: Bé gini, i gabléyi bɔ é pu. ’I Jozué laa, yé ’ka da a nya zén‐ékevasɔkɔn gi. Maa dan an dére fe lɛ a lɛ. Moizi valé Jozué go zén‐ékevasɔkɔn gi,

Bélidɔwesɛbɛ Fiézan 31:15

Gakelebale da lati pɔrɔlɔ gi zén‐ékevasɔkɔn gi; yé lati pɔrɔlɔ dɔ zén‐ékevasɔkɔn ’léé.