Fwile 33:13 - Kazambale lé Sebe Sauunu 1979

¹³ Sin, dé maa i yuɛi bɔ, ’i giébɛnu gɔɔn an lɛ; ’bɛna lé maa dan i dɔɔ lɛ, yé maa dan kɛlɛ lɛ mi zin nya i yuɛi. ’I gi bɔrɔ léé, bɛn ’ko a ilé munu nya.

Fwile 33:13 ပူးပေါင်းရင်းမြစ်များ

Lɛrɛvɔ Sɛbɛ 119:33

Gakelebale, ’i i déretawenu paa an gi, Anlé tawole a ta we gi fɔɔ yé an bɔ a ’wuoplana

Lɛrɛvɔ Sɛbɛ 25:4

Gakelebale, ’i an bɔn‐in kini i zuo tawobɛnu ma, ’Ilé zinu tawe paa an gi.

Lɛrɛvɔ Sɛbɛ 27:11

Gakelebale, ’i kɛlɛwenu paa an gi, ’I go an nya zi tegele ta An nyanézannu lé we ma.

Lɛrɛvɔ Sɛbɛ 86:11

Oo Gakelebale, ’ilé zinu tawe paa an gi; Maa dan tawo lɛ ilé yarapale we la yɛrama; ’I an kɛlɛ yuɛidozan nya yé an kana i tɔ ma.

Bélidɔwesɛbɛ Fiézan 9:29

Gakelebale, wa ilé munu nya, wa ilé tɔnɔfɛ lé, i wo si Éjipiti tɛrɛ la ilé plɛplɛ blɛn valé i bɛ soile nya, a nya.

Bélidɔwesɛbɛ Fiézan 9:26

An bazoro Gakelebale lɛ yé maa léé: Mizan Gakelebale, ilé munu, ilé tɔnɔfɛ lé i wo tabo ilé plɛplɛ blɛn nya, ’té i wo si Éjipiti tɛrɛ la i bɛ plɛplɛ nya bɛ, té ’i wo gyɛ lo.

Éfez munu 1:17

We lé maa a laan kazé nya, yee lé ke ’ko: Kaazan Jézu Krist zé Bale, Fuasan faa Ti, ’é wedɔɔbli nɔ ka lɛ ma, yé ’é pa ka ta ma, kalé yeebozen dɔɔle we gi ma;

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

Ézai 30:21

Dé ka nɔla ka bɛyilaziaoo, dé ka nɔla ka bɛbolaziaoo, dére do é dan we lɛ ka zuo, ’té ka a maan, a fele nya léé: Zi lé ke ’ko, ’ka tawo yee zi ’ko ɛ ta.

Joɛl 2:17

Balebanmunu lé Wo ke Gakelebale wuozannu nya, ’Wo wuvɔ ’kɔn lɛɛ valé balebanna worona, Yé ’wa fe léé: Gakelebale, ’i nyanai zén ilé munu ta. Té i yaragyɛwe bɔ ilé munu ma lo, Té bɛnnu é we nana wo ma lo. Mɛmalé wa fé bɛngɔnɔnu méléna léé: Wolé Bale a kyɛɛn?

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Rom munu 11:28

Dé é a Wenéné lé we nya, wa Kazambale nyanézannu nya kalé we ma; naa, dé é a munu vabole lé we nya, wo sɔ Kazambale lɛ wo tranu lé we ma.

Ézai 63:19

Ana mɔn, ko kɛlɛ bélé munu lé i ’ka plale wo nwiin lo, ’té wo ’ka wo laan i tɔ nya lo, wo zo. Oo, dé é a kɔɔn lé i la fee gyɛ yé i zun, gɔnu ma é dan nyɔɔn lɛ i ’lɛ,

Ézai 63:17

Oo Gakelebale, mɛmalé bé kɛlɛ léé, ko saan ilé zinu taa? Mɛmalé i ko bli kɛlɛ plɛplɛ yé ko ’ka kana lɛ i lee loo? ’I da é ziin, i wuozannu sɔle i lɛ we ma, bɛnnu lé ke ilé tɔnɔfɛ nya, wo sɔle i lɛ we ma.

Fwile 32:7

Gakelebale lé Moizi lɛ léé: ’I go, ’i zun; naa, ilé munu lé i wo fwi Éjipiti tɛrɛ la, wobo gyɛ sɛrɛ a gi.

Fwile 3:7

Gakelebale léé: Anlé munu lé ke Éjipiti, maa wolé nyanéblele ye, yé dunnu lé wa wona nyanépawotazannu lee, maa a ’ma, yé maa wolé we tɔntɔn gi dɔɔ.

Fwile 3:10

Sin, ’i go, maa dan i nwunvɔ lɛ Faraɔn va, yé i dan anlé munu Izraɛl lé nénu si lɛ Éjipiti tɛrɛ la.

Fwile 5:1

’Bɛ zuo Moizi valé Arɔn go Faraɔn va yé wo lé a lɛ léé: Gakelebale, Izraɛl lé Bale léma: ’I daan ’élé munu ma, ’wo go fɛti kɛlɛ nyéné la ’é tɔ bɔle we gi.

Fwile 32:12

Mɛmalé i dan zi nɔ lɛ Éjipitinu lɛ yé wa fe léé, we tɔntɔn bɔle wo ma koo, wo gyɛle gɔnu nwiin koo, wo sile tɛrɛ la tata koo, alé we ma lé wolé bale wo fwii? ’I daan ilé bliflile blɛn ma, yé ’i bli nɔla we tɔntɔn lé i a a va léé, bé kɛlɛ ilé munu lɛ, a ma.

Fwile 32:14

Yé Gakelebale bli nɔla we tɔntɔn lé é a a va léé, é a kɛlɛ élé munu lɛ, a ma.

Lɛrɛvɔ Sɛbɛ 51:13

Té i an si i ma baa lo, Té i i léli sauun si an gi lo.

Lɛrɛvɔ Sɛbɛ 103:7

É ’élé wekɛlɛbɛ gɔɔn Moizi lɛ, Yé é ’é kɛlɛwenu gɔɔn Izraɛlnu lɛ.

2 Samuɛl 15:25

Minwiinzan lé Sadɔk lɛ léé: ’Ka go Bale lé kɛsu nya fla. Dé Gakelebale zi kɛlɛ an lɛ, é dan da lɛ an nya é ziin yé an dan an yuɛ dɔ lɛ kɛsu valé é dɔrana ma é ziin.