Fwile 33:11 - Kazambale lé Sebe Sauunu 1979

¹¹ Gakelebale éé we fé Moizi lɛ ’é yara, mi éé we fé é béé lɛ fɛan zo, a zo. ’Bɛ zuo Moizi éé dan sɔkɔn dɔna é ziin; naa, a wuozan, mi boroné Nɛn be Jozué, é ’ka sié sɔkɔn gi lo.

Fwile 33:11 ပူးပေါင်းရင်းမြစ်များ

Wepélisiananu 32:30

Jakɔb fɛkona tɔ pa Péniɛl, naa, é léé: Maa Kazambale yara ye, yé an béli.

2 Minwiinmunu lé Wezuofe Sɛbɛ 20:7

Oo, kolé Bale, biian i tɛrɛ ’ko la munu bin ilé munu Izraɛl ’lɛ loo? Biian i tɛrɛ ’ko nɔ Abraam lé, é sɔ i lɛ, a kulunu lɛ yifaama loo?

JOB (Job) 16:21

É a lé mi do ’é blami valé Bale méléna we ble ma, Bélé fɛan zo lé woo munu méléna we blé, a zo.

Fwile 17:9

Yé Moizi lé Jozué lɛ léé: ’I munu si a va, ’i go, ’i guli dan Amalɛk munu va; tɛlɛ maa dan dɔ lɛ gɔ nwiin Kazambale lé tawomayili nya an lee.

Fwile 24:13

Moizi nwa, ’té Jozué lé, ’bɛ alé nyanama paan, ’té ’bɛ a a va, yé Moizi Kazambale lé gɔ gié.

Fwile 32:17

Jozué munu dére ’ma, ’té woo siaan, yé é lé Moizi lɛ léé: Gulidan siaale a wena sɔkɔn dɔna.

Fwile 33:10

Lati pɔrɔlɔ lé, éé zunwo sɔkɔn ’léé, dé munu faa a ye, woo nwaan yé woo diaan ’wo bli la ’wobo lé sɔkɔn ’léé.

Fwile 33:9

Dé Moizi wɔra sɔkɔn gi, lati pɔrɔlɔ éé zunwo yé éé dɔa sɔkɔn ’léé, yé Gakelebale éé we fé Moizi lɛ.

Ézai 42:8

Maa a Gakelebale nya, an tɔ lé ke bɛ; Maa ’ka anlé fuasan no mi bɛ lɛ lo; Yé an ’ka an tɔbɔle no miyilinu lɛ lo.

Mi Nɔnɔle 11:28

Yé Nɛn be Jozué lé é ke Moizi wuozan nya é sia a kiéné la bléyi va, é we fe yé é léé: Anzan Moizi, bé yi ga wo lee.

Mi Nɔnɔle 12:7

An wuozan Moizi zé ’ka ’bɛ zo lo. É a yarapawelazan nya anlé we faa gi.

Mi Nɔnɔle 12:8

Ko valé yee éé we fé ko ke lɛ kpaklaa, ’té we yɔɔle ’ka a gi lo, yé maa, Gakelebale a fɛan zo, éé a yé. Mɛmalé ka ’ka kanaan we fele ma an wuozan Moizi ma loo?

WENÉNÉ LE JAN A GYE (Évangile selon Jean) 11:11

Dére ’konu fele zuo é lé wo lɛ léé: Kaa béé Lazaa a yigyɛna, naa, ’maa go a wuo lɛ.

WENÉNÉ LE JAN A GYE (Évangile selon Jean) 3:29

Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

Bélidɔwesɛbɛ Fiézan 31:14

Gakelebale lé Moizi lɛ léé: Bé gini, i gabléyi bɔ é pu. ’I Jozué laa, yé ’ka da a nya zén‐ékevasɔkɔn gi. Maa dan an dére fe lɛ a lɛ. Moizi valé Jozué go zén‐ékevasɔkɔn gi,

Bélidɔwesɛbɛ Fiézan 34:10

Balelayezan lé é ke Moizi zo, ’té yee valé Gakelebale é ke dɔɔ wo ke yara, ’bɛzozan bɛ ’ka bɔra lɛ Izraɛl lo.

Bélidɔwesɛbɛ Fiézan 5:4

Gakelebale we fe ka lɛ ka faa yuɛ va, ’té é a gɔ nwiin kyɛ méléna.

SEBE LÉ JAK A GYE (Épitre de Jacques) 2:23

A zo lé we lé wa gyɛ Kazambale lé sɛbɛ gi, a kɛlɛle lɛ éé sɔɔan. Wo léé: Abraam bli vo Kazambale lɛ, yé ’bɛ kɛlɛ a ma we tegele nya, yé wa laa Kazambale béé.