Fwile 33:1 - Kazambale lé Sebe Sauunu 1979

¹ Gakelebale lé Moizi lɛ léé: ’I go, bii valé munu lé i si wo nya Éjipiti tɛrɛ la, ’ka si ’ko, yé tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo kulu lɛ, ’ka go ana zia.

Fwile 33:1 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 26:1

Lɔrɔ dɔ ana tɛrɛ la Izak bléyi va. Lɔrɔ vinin lé é dɔ Abraam bléyi va, ’bɛ kaan lo; yé Izak go Filisitinu nwiinzan Abimélɛk va, Géraa.

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 28:10

Jakɔb si Bɛɛ‐Sééba yé é go Karan.

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

Fwile 17:3

Munu ana bɛ, ’té ’yiminilɔrɔ ’na wo ma yé wo gun gyɛ Moizi ma. Wo léé: Mɛmalé i ko si Éjipiti tɛrɛ la, ko koo, kolé nénu koo, kolé trubɛnu koo, ko gyɛle ’yiminilɔrɔ nya we gii?

Fwile 32:1

Munu a ye aan wo léé, Moizi a mɔnna gɔ nwiin, wo zén ékeva Arɔn ma yé wo lé a lɛ léé: Kaa go. Bale do lé é dan tawo lɛ ko ’lɛ, bé kɛlɛ ko lɛ, naa, Moizi ’ko lé é ko fwi Éjipiti tɛrɛ la, gɔné ’ko, dé mɛ ɛ kɛlɛ a lɛɛ? un, ko ’ka ’bɛ gi dɔɔa lo.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Fwile 32:34

Amalé ’i go, fɛ lé maa ana fe i lɛ, ’i go munu nya ’bɛna. I yua, anlé lanje é dan tawo lɛ i ’lɛ, naa, anlé welɛgipa yi nya, maa dan we lɛdɔ lɛ wo gi wolé wenyané ma.

Fwile 32:7

Gakelebale lé Moizi lɛ léé: ’I go, ’i zun; naa, ilé munu lé i wo fwi Éjipiti tɛrɛ la, wobo gyɛ sɛrɛ a gi.

Lévinu 20:24

Maa a fe ka lɛ léé, wolé tɛrɛ é dan kɛlɛ lɛ kazé nya; maa dan a nɔ lɛ ka lɛ kazé nya; é a tɛrɛ nyɔnɔzan nya. Maa a Gakelebale, kalé Bale lé é ka valé bɛnnu kini ékema, a nya.

Mi Nɔnɔle 11:12

Maa ɛ munu ’ko bɔn sii? Maa ɛ wo yaa? Yé bé fé maa lɛ léé, an wo si an golɛ gi bélé lezan lé éé nyɔ dɔa élé né ’léé, a zo, yé i léé, an go wo nya fɔɔ tɛrɛ lé ibo ’nyɔɔn wo tranu lɛ léé, i dan a nɔ lɛ wo lɛ bɛ, a taa?

Kelewenu 7:36

Yee ɛ wo si Éjipiti tɛrɛ la we blɛnblɛnnu valé gyɛzorowenu kɛlɛle nya, Éjipiti tɛrɛ la koo, Wɛyi Sɔɔn va koo, bwi gi koo, wona, lɛɛ yɔ fié gi.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.