Fwile 32:5 - Kazambale lé Sebe Sauunu 1979

⁵ Arɔn ’bɛ ye aan wo, é balebanna kɛlɛ kyandiriné lɛ yé é siaa léé: Tɛlɛ, ko dan fɛti kɛlɛ lɛ Gakelebale tɔbɔle we ma.

Fwile 32:5 ပူးပေါင်းရင်းမြစ်များ

1 Minwiinzannu 21:9

We lé é a gyɛ sɛbɛ ’konu gi, yee lé ke ’ko: ’Ka lɔrɔ sɔnle zana dɔɔ munu lɛ; ’ka Nabɔt nyana munu ’lɛ,

2 Minwiinzannu 10:20

É léé: ’Ka Baal tɔ bɔ fɛti zana dɔɔ. Yé wa zana dɔɔ.

2 Minwiinzannu 16:11

Balebanzan Uri balebanna do kɛlɛ bélé a kɛlɛbɛ lé é si Damas, ’té minwiinzan Akaz a pa zia bɛ, a zo ’kyɛ, yé Balebanzan Uri a kɛlɛle nyaa faa yé minwiinzan Akaz si Damas.

2 Minwiinmunu lé Wezuofe Sɛbɛ 30:5

amalé wo dére kɛlɛ do léé, ’wo we ’ko zana dɔɔ Izraɛl tɛrɛ faa la, é sia Bɛɛ‐Sééba fɔɔ Dan, léé, munu ’é da Taboyi lé fɛti kɛlɛ Jérusalɛm, Gakelebale Izraɛl lé Bale tɔ bɔle we ma. Naa, wo ’ka a kɛlɛna turu fɛan zo lé wa gyɛ sɛbɛ ta, a zo lo.

Fwile 10:9

Moizi léé: Ko dan go lɛ kolé nénu koo, kolé mi segelenu koo, ko benu valé ko lunu koo, kolé ’blanu valé kolé dirinu koo, wo nya; kolé Gakelebale tɔbɔ fɛti lé.

Fwile 12:14

Yi ’ko sele é dan dɔ lɛ ka gi, yé ka dan Gakelebale tɔbɔ fɛti kɛlɛ lɛ yi ’ko nya; ka kulu é kulunu é dan fɛti ’ko kɛlɛ lɛ bélé bélidɔwe lé a glɛ ’ka lo, a zo.

Fwile 17:15

Moizi balebanna dɔ yé é tɔ pa a ma, Gakelebale a anlé drapo nya.

Fwile 32:4

É wo si wo lee yé é wo zén folibofɛ gi yé é sele yé é wo kɛlɛ diriné nya. Yé wo léé: Izraɛl, ilé bale lé é i fwi Éjipiti tɛrɛ la, yee lo.

Fwile 32:6

’Bɛ é tu kini munu nwa bladi tutu yé wo diriné banwinu kyɛ ble yé wo bɔvɔ sarakanu bo. Munu nyana yé wo fɛ ble yé wo fɛ mini, ’bɛ zuo wo nwa yé wo vo zana gyɛna.

OZÉ (Osée) 8:11

Éfraim balebanna kɛlɛ kiɛre, wenyané kɛlɛle we ma, yé balebannanu ’ko wo kɛlɛ wenyané kɛlɛzannu nya.

OZÉ (Osée) 8:14

Izraɛlnu gi san ’wo Kɛlɛzan ma, yé wo fuakɔnnu dɔ. Juda élé fla plɛplɛ kɛlɛ di; naa, an dan wolé flanu kyɛ vɔ lɛ, yé wolé fuakɔnnu kyɛ é dan ble lɛ.

Lévinu 23:2

Bé fe Izraɛl lé nénu lɛ léma: Gakelebale lé fɛtinu lé ka dan wo zana dɔɔ lɛ, wo dan kɛlɛ lɛ zénle ékeva plɛplɛnu nya. Anlé fɛtinu lé ke ’ko.

Lévinu 23:21

A yi duo nya, ka dan fɛti zana dɔɔ lɛ yé ka dan zénle ékeva plɛplɛ do kɛlɛ lɛ; té ka nyanama pa lo, ’té dé é ’ka ka ma’lɛrɛle nya lo. É a bélidɔwe lé é ’ka nyaan lo, a nya, ka kulunu zé nya, ka gɔnɔ faa gi.

Lévinu 23:37

Gakelebale lé fɛtinu lé ke bɛ. Zénle ékeva plɛplɛnu lé ka dan wo zana dɔɔ lɛ, sarakanu lé wa kyɛ blé koo, balebanwi lé wa kyɛ blé koo, blɛnu koo, saraka bowi valé baleban’yi koo, wo nɔle Gakelebale lɛ we gi, woo lé ke bɛ; ’wo fɛ ’konu nɔ wo nɔyi nya.

Lévinu 23:4

Gakelebale lé fɛtinu, zénle ékeva plɛplɛnu lé ka dan wo zana dɔɔ lɛ wozé bléyi va, wo lé ke ’ko:

1 Korent munu 5:8

Bɛwemalé kaa fɛti kɛlɛ ma. Té kaa a kɛlɛ lévɛn kwa nya lo, té kaa a kɛlɛ miblifliwe valé we lɛrɛlɛrɛ lé wo ke bélé lévɛn zo, wo nya lo, naa, kaa a kɛlɛ burunu lé, lévɛn ’ka wo va lo, wo nya, yee lé ke we tegele valé webozen nya.

1 Samuɛl 14:35

Saul Gakelebale banna kɛlɛ; é a balebanna vininzan lé é a kɛlɛ Gakelebale lɛ, a nya.