Fwile 32:4 - Kazambale lé Sebe Sauunu 1979

⁴ É wo si wo lee yé é wo zén folibofɛ gi yé é sele yé é wo kɛlɛ diriné nya. Yé wo léé: Izraɛl, ilé bale lé é i fwi Éjipiti tɛrɛ la, yee lo.

Fwile 32:4 ပူးပေါင်းရင်းမြစ်များ

1 Minwiinzannu 12:28

Dé é ’é gi bɔrɔ faa minwiinzan kyandiriné kɛlɛ fié yé é lé munu lɛ léé: Izraɛl munu, ka gole Jérusalɛm bɔ é yi; kalé Bale lé é ka si Éjipiti tɛrɛ la, yee lo.

1 Minwiinzannu 12:32

É fɛti kɛlɛle pélisia moné sɔraazan yi vu ta soruzan nya, bélé fɛti lé wa kɛla Juda tɛrɛ la, a zo, yé wo diriné ban é banna ta. ’Bɛ zo lé é a kɛlɛ Bétɛl, wolé saraka bole diriné lé é a kɛlɛ, a lɛ we ma. Gɔ nwiin yobannanu lé é a kɛlɛ Bétɛl, é balebanzannu dɔ ’bɛna é ziin.

2 Minwiinzannu 10:20

É léé: ’Ka Baal tɔ bɔ fɛti zana dɔɔ. Yé wa zana dɔɔ.

2 Minwiinzannu 10:29

naa, Nébat be Jéroboam lé é Izraɛl kɛlɛ wenyanékɛlɛzannu nya, é ’ka nɔla lɛ ’bɛlé wenyanénu ma lo; kyandirinénu lé ke Bétɛl valé Dan, é ’ka daan lɛ wo ma lo.

2 Minwiinmunu lé Wezuofe Sɛbɛ 11:15

Jéroboam boligɔnénu fotonu valé dirinénu fotonu kɛlɛ, yé é munu dɔ wo banzannu nya gɔnu nwiin.

2 Minwiinmunu lé Wezuofe Sɛbɛ 13:8

Yé sin, é dɔ ka gi léé, David lé plale mi nwiin lé é si Gakelebale va, ka dan ’bɛ si lɛ David benu lee? Ka a mi gu blɛn nya, yé kyan dirinénu lé Jéroboam a kɛlɛ balenu nya, wa ka va.

Néémi 9:18

Dé wo diriné do sele boenwo yé wo léé, ’wolé Bale lé é ’wo si Éjipiti tɛrɛ la, yee looo lo, dé wo i sɔnɔ blɛn wooo, i ’ka sɔn vɔ lɛ wo ma duowo lo.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 20:23

Té ka gɔɔlifubalenu valé kyanbalenu kɛlɛ, wo pale an va we ma lo; té ka wo kɛlɛ monomono lo.

Fwile 20:4

Té i miyili nyaa lo; fɛnu lé wo ke lanu gi koo, wo lé wo ke tɛrɛ la koo, wo lé wo ke ’yinu va tɛrɛ sɔnɔ mi koo, té i wo va fɛ do kpen foto kɛlɛ lo.

Fwile 28:11

I dan Izraɛl benu tɔnu guru vɔ lɛ gɔlɛfee fié ta, woo guru vɔa gɔlɛnu valé bɛmazéné ta fɛan zo, a zo; i dan kyan vɔ lɛ wo zi.

Fwile 28:9

I dan ɔnisigɔlɛ fié si lɛ, yé i dan Izraɛl benu tɔ guru vɔ lɛ wo ta,

Fwile 32:1

Munu a ye aan wo léé, Moizi a mɔnna gɔ nwiin, wo zén ékeva Arɔn ma yé wo lé a lɛ léé: Kaa go. Bale do lé é dan tawo lɛ ko ’lɛ, bé kɛlɛ ko lɛ, naa, Moizi ’ko lé é ko fwi Éjipiti tɛrɛ la, gɔné ’ko, dé mɛ ɛ kɛlɛ a lɛɛ? un, ko ’ka ’bɛ gi dɔɔa lo.

Fwile 32:24

Maa lé wo lɛ léé: Munu lé kyan ke wo lee, ’wa si wo ma. Yé wa nɔ an lɛ, yé maa a vuli kyɛ va, yé diriné ’ko bɔra.

Fwile 32:3

Yé wo faa wo tɔnémakyannu si ’wo tɔné ma yé wo da a nya Arɔn lɛ.

Fwile 32:35

Diriné lé munu a fe Arɔn lɛ léé, ’é a kɛlɛ, yé Arɔn a kɛlɛ bɛ, yee diriné lé we ma lé Gakelebale munu gyɛ.

Fwile 32:5

Arɔn ’bɛ ye aan wo, é balebanna kɛlɛ kyandiriné lɛ yé é siaa léé: Tɛlɛ, ko dan fɛti kɛlɛ lɛ Gakelebale tɔbɔle we ma.

Fwile 32:7

Gakelebale lé Moizi lɛ léé: ’I go, ’i zun; naa, ilé munu lé i wo fwi Éjipiti tɛrɛ la, wobo gyɛ sɛrɛ a gi.

Fwile 32:8

Zi lé maa a gɔɔn wo lɛ, wa saan é kele; wo diriné selele kɛlɛ ’wobo lɛ, yé wo dia ’wo bli la a lɛ; wo sarakanu bo a lɛ, yé wo léé: Izraɛl, ilé bale lé é i fwi Éjipiti tɛrɛ la, yee lo.

Ézai 30:22

Gɔɔlifu valé kyan lé ka sele kalé miyilinu ma, ka dan wo ye lɛ fɛ naané nya; ka dan wo vuli lɛ bélé bli zo, yé ka dan a fe lɛ wo lɛ léé: ’Ka si ko yuɛi mi.

Ézai 46:6

Munu éé kyan sié ’wolé bala gi, Woo gɔɔlifu daan kilo la, Yé wa no folibozan lɛ léé, ’bɛ a kɛlɛ bale nya, ’Té woo diaan a ’lɛ, ’té wa bɔa.

Ézékiɛl 23:8

Éjipiti munu yia a va a boroné la bléyi va; wo bɛ mane a nyɔ toroné ma, yé wo ’wolé leginile vɔ a lee, amalé é ’ka sɔn vɔ lɛ gɔné ginile ma wo va lo.

OZÉ (Osée) 10:5

Samari munu bɔ é dan gyɛ lɛ dirinénu lé wo ke Bɛt‐Avan, wolé we ma. Munu é dan miyili gyɛ bo lɛ; a banzannu ma é dan nyɔɔn lɛ alé we ma, ’bɛ valé a tɔbɔle yi gale we ma.

OZÉ (Osée) 13:2

Sin, wo yara a é pale wenyané kɛlɛle ta tegele. Woo ’wolé gɔɔlifu sié, ’té woo yofoto kɛla a nya; woo miyilinu kɛla ’wo gibɔrɔle yɛrama; wo faa a blabozannu panyanama nya. Wa fé ’wo kɛlɛfɛnu ma léé, mi lé ke wo banna, ’é pwɛpwɛ vɔ diriné ma.

Kelewenu 17:29

Bɛwemalé, dé ko a Kazambale dɔgɔnɔ nya, té é dɔ ko gi léé, Bale a bélé kyan koo, gɔɔli fu koo, gɔlɛ lé munu a nyaa gi kini valé nyanama pale nya koo, wo zo lo.

Kelewenu 7:41

’Bɛ bléyi va wo diriné foto kɛlɛ yé wa ban, yé wo gi nana ’wo bɛnu panyanama ma.

1 Korent munu 10:7

Té ka kinin miyili bɔzannu nya bélé wo va mi kenu zo lo. É a é gyɛle léé: Munu nyana fɛ blele valé fɛ minile we gi, ’bɛ zuo yé wo nwa zanagyɛle we ma.

Bélidɔwesɛbɛ Fiézan 9:16

Maa nagini, ’té ka wenyané kɛlɛ Gakelebale, kalé Bale ma, yé ka kyan sele diriné foto nya, yé zi lé Gakelebale a gɔɔn ka lɛ, yé ka si a ta é kele.

Weblezannu 8:24

Jédéɔn lé wo lɛ léé: Maa we do laa ka lee. Bɛmakyan lé ka wo ye gulizarafɛ nya, ’ka wo nɔ an lɛ. Wo nyanézannu a Ismaɛl munu nya, amalé bɛmakyan a wo lee.

Weblezannu 8:27

Jédéɔn éfɔdi do kɛlɛ a nya yé é a pla élé fla, Ofra, ana lé é kinin Izraɛl faa lé pɛnpɛnnégyɛfɛ nya; yé é kɛlɛ Jédéɔn valé élé kɔngimunu kunsan nya.