Fwile 32:34 - Kazambale lé Sebe Sauunu 1979

³⁴ Amalé ’i go, fɛ lé maa ana fe i lɛ, ’i go munu nya ’bɛna. I yua, anlé lanje é dan tawo lɛ i ’lɛ, naa, anlé welɛgipa yi nya, maa dan we lɛdɔ lɛ wo gi wolé wenyané ma.

Fwile 32:34 ပူးပေါင်းရင်းမြစ်များ

Lɛrɛvɔ Sɛbɛ 99:8

Gakelebale, kolé Bale, i wolé bazorole nyi si, I kɛlɛ wo lɛ Bale lé éé mi ma we voo, a nya, Naa, i we lɛdɔ wo gi wolé saanlenu we ma.

Fwile 15:17

I dan go lɛ wo nya yé i dan wo nyana lɛ, gɔ lé i dan a nɔ lɛ wo lɛ wozé tɔnɔ nya, a nwiin, Fɛ lé bé na kɛlɛ i nyanana nya, ana, oo Gakelebale, Fɛna sauun lé bé kɛlɛ, ana, oo Mizan.

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Fwile 23:20

Bé ye, maa lanje do nwunvɔ i ’lɛ, i takuunle zia we gi, gole we gi i nya fɛana lé maa a ma’lɛrɛ, ana.

Fwile 3:17

yé é léé, ’é dan ka fwi lɛ Éjipiti tɛrɛ la, fɛna lé ka ke nyané blena, ana, yé ’é go ka nya Kanaannu koo, Étinu koo, Amorénu koo, Férézinu koo, Éevinu koo, Jébusinu koo, wolé tɛrɛ la, tɛrɛ nyɔnɔzan ta.

Fwile 33:12

Moizi lé Gakelebale lɛ léé: Maa léma: bii lé an lɛ léé, ’an go munu ’ko nya. Yé dé i dan mi kyɛn pa lɛ an vaa? i ’ka a fe lɛ an lɛ lo, dɔlé té bé fe léé, ’é an dɔɔ an tɔ nya, yé ’é an ye mi zin nya ’é yuɛi.

Fwile 33:2

Maa dan lanje do pa lɛ zia ka ’lɛ, yé Kanaan munu koo, Amoré munu koo, Éti munu koo, Férézi munu koo, Éévi munu koo, Jébusi munu koo, maa dan wo bin lɛ.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Jérémi 14:10

Ka ye, Gakelebale munu ’ko ma we fe yé é léma: Vlan burule fɛfaana sɔ wo lɛ. Wo ’ka bɔa wobo kunle lɛ yé wo nyana fɛ dona lo; amalé an ’ka bɔa kunle lɛ wo ma lo. Wolé weplenu sele dɔ sin an gi, yé an we lɛdɔa wo gi wolé wenyanénu ma.

Jérémi 23:2

Bɛwemalé, munu pazannu lé woo fɛblele no anlé munu lɛ, Gakelebale, Izraɛl lé Bale wo ma we fe léé: Ka anlé ’blanu fwila, ka wo bin; ka ’ka wo pa lɛ é zima lo, amalé maa dan we lɛdɔ lɛ ka gi kalé we lɛrɛlɛrɛ kɛlɛle we ma. Maa Gakelebale ɛ ke a fena.

Jérémi 5:29

Gakelebale léé: Maa ’ka dan we lɛdɔ lɛ wo gi we ’konu ma loo? Maa ’ka dan anzé lɛgi pa lɛ ’bɛ zo bɛn ma loo?

Jérémi 5:9

Gakelebale léé: Maa ’ka dan we lɛdɔ lɛ wo gi we ’konu ma loo? Maa ’ka dan anzé lɛgi pa lɛ ’bɛ zo bɛn ma loo?

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

Amɔs 3:14

Yian nya lé an dan we lɛdɔ lɛ Izraɛlnu gi wolé bélidɔwe sɛrɛlenu lé we ma, yobannanu lé wo ke Bétɛl, maa dan wo sɛrɛ lɛ; maa dan wo bélinu yéli lɛ yé wo dan dia lɛ tɛrɛ va.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Mi Nɔnɔle 20:16

Ko siaa Gakelebale lɛ, yé é ko dére ’ma. É lanje do pa ko lɛ zia, yé ’bɛ ko si Éjipiti tɛrɛ la. Yé bé ye, ko bɔ Kadɛs, ilé tɛrɛ glɛ la.

Matio 23:35

weanwiinlomunu nyɛ faa lé munu a zana tɛrɛ la, a we dɔle ka nwiin we gi; é sia mi tegele Abɛl ma fɔɔ yé é bɔ Barasi be Zakari lé ka a gyɛ Balebangikɔn valé balebanna worona bɛ, a ma, wo nyɛ lé é zana, a we a ka nwiin.

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.