Fwile 32:32 - Kazambale lé Sebe Sauunu 1979

³² Sin, ’i wo ma we vo. Dé ’bɛ kaan lo, ’i an tɔ fwi ilé sɛbɛ lé bé gyɛ, a gi.

Fwile 32:32 ပူးပေါင်းရင်းမြစ်များ

2 Samuɛl 18:33

Yé dunu zén minwiinzan ta yé é go kɔn lé ke flagɔrɔ ’léé ta loru, a gi, ’té éé wuvɔa, ’té éé a fé léé: An bi Abusalɔm! An beoo an be Abusalɔm! Maa ɛnɔ kɔɔn gaan i pa gi. Abusalɔm, an beoo, an be!

Lɛrɛvɔ Sɛbɛ 139:16

Bléyian va lé an kɛlɛle péli ’ka tan sia lɛ lo, Yinu lé an dan kɛlɛ lɛ tɛrɛ la, Dé wo va yi do kpen ’ka tan bɔ lɛ lo, ’Té wo faa a é gyɛle ilé sɛbɛ ta.

Lɛrɛvɔ Sɛbɛ 56:8

Wo bli a a lɛ léé, wolé weple kɛlɛle nya lé wo dan so lɛ we lee; Baleoo, Bale, ’i migɔnɔnu zun i bliflile nya ma.

Lɛrɛvɔ Sɛbɛ 69:28

’I wolé weple kɛlɛle taa pa weplenu nya, Ilé nyanai zénle mi ta ’é kele wo ma ma.

Fwile 32:10

Sin, ’i an vo, an bli é dan fli lɛ wo ma, yé maa dan wo guru zana lɛ a gi; naa, maa dan bii kɛlɛ lɛ bɛn blɛn nya.

Ézai 4:3

Siɔn mi pɔnénu valé Jérusalɛm mi pɔnénu lé wo vo, ’té wo wo tɔ gyɛ mi yuɛmalenu va Jérusalɛm bɛ, wo dan wo laa lɛ Bale lé munu.

Ézékiɛl 13:9

Balelayemunu lé wolé yuɛziwenu ke é pla, ’té wolé wefele a vié nya, maa dan an bɛ kɛlɛ lɛ wo ma; wo ’ka dan kɛlɛ lɛ anlé zén‐ékevamunu vazannu nya pelo. Wo ’ka dan wo tɔ gyɛ lɛ é dɛrɛ Izraɛlnu tɔgyɛlasɛbɛ gi lo, yé wo ’ka dan go lɛ Izraɛl tɛrɛ la é dɛrɛ lo, yé ka dan a gi dɔɔ lɛ léé, maa ɛ ke Mizan Gakelebale nya.

Daniɛl 12:1

’Bɛ bléyi va Mikaɛl lé é ke mi blɛn nya, ilé munu ta gulidanzan nya, é dan nwa lɛ. Bléyi ’ko é dan kɛlɛ lɛ nyané ble bléyi nya. É sia bɛnnu pélisia bléyi va fɔɔ yé é bɔ bléyi ’ko va, wo ’ka tan ’bɛ zoɛ nyané vinin ble lɛ lo. ’Bɛ bléyi va, ilé munu lé wo tɔ ke é gyɛle sɛbɛ gi, wo dan si lɛ we gi.

Amɔs 7:2

Yé gangannu ’ko a tɛrɛ la lu faa blena aan wo, maa léma: Mizan Gakelebale, ilé zanté, Jakɔb é dan vo lɛ ana kaa? Naa, é a tɔɔtɔɔ.

Malasi 3:16

Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

Malasi 3:17

Lai sunyanu lé Gakelebale léma: Yian nya lé maa anlé fɛnu ma’lɛrɛ, wo dan kɛlɛ lɛ anlé fɛwezannu nya. Maa dan wezin kɛlɛ lɛ wo lɛ, bélé mi éé wezin kɛla ’é lɛdɔmabe lɛ fɛan zo, a zo.

Mi Nɔnɔle 11:15

Té i ’bɛ zoɛ we kɛlɛ an lɛ lo; a fila vɔ léé, i an gyɛ. Ilé zanté, dé maa i yuɛi bɔ, té maa anlé kle ’ko blena ye lo.

Mi Nɔnɔle 11:25

Gakelebale zun lati gi, yé é we fe Moizi lɛ, yé bli lé é ke Moizi gi, é ’bɛ zoɛ bli vɔ mi segele yɔ yaa wɔlɛ vu ’ko gi. Léli zén wo ta bléyian va, wo kun balelawe fele ma, naa, wo ’ka yara pa lɛ a fele ta lo.

Mi Nɔnɔle 14:19

’I munu ’ko ma we vo wolé weple ma ma, ilé nyanai zénle blɛn yɛrama, bélé fɛan zo lé i wo ma we vo, a péli sia Éjipiti tɛrɛ la fɔɔ kyɔ, a zo.

WENÉNÉ LÉ LUK A GYE (Évangile selon Luc) 10:20

Naa, té ka gi é nana léé, yonu a é plale ka wuo lo; naa, ka gi ’é nana léé, ka tɔ a é gyɛle la gi.

WENÉNÉ LÉ LUK A GYE (Évangile selon Luc) 23:34

Jézu léé: An Ti, we lé wa kɛlɛna, wo ’ka a gi dɔɔa lo, amalé ’i wo ma we vo. Wo alé sɔnu guli ’wo ke ma ’munnu zunle nya.

Rom munu 9:3

É vo sɛ yé é sɔ an lɛ léé, an kɛlɛ balepamazan nya yé an si Krist gi an bwenu lé we ma. Dé é a tɛrɛlawe nya, wa an lelenu nya.

Bélidɔwesɛbɛ Fiézan 25:19

Dé Gakelebale kalé Bale ka si ka nyanézannu lé ke ka zi, wo lee faa, tɛrɛ lé Gakelebale, kalé Bale a nɔ ka lɛ kazé nya, kalé tɔnɔfɛ nya, dé é flinle nɔ ka lɛ a ta faa, ka dan Amalɛk munu sele saan lɛ munu faa gi tɛrɛ la; té ka gi é san ’bɛ ma lo.

Bélidɔwesɛbɛ Fiézan 29:20

Gakelebale ’ka a nyi sié léé, mi ’ko ma we é vo lo. Naa, Gakelebale bli é dan fli lɛ mi ’ko ma yé alé maawole é dan nwa lɛ a ma, yé balepadére faa lé wa gyɛ sɛbɛ ’ko gi, é dan vo lɛ mi ’ko ma, yé Gakelebale é dan a tɔ si lɛ tɛrɛ la.

Bélidɔwesɛbɛ Fiézan 9:14

É léé, ’maa ’é vo, ’é wo gyɛ yé ’é wo tɔ ta saan tɛrɛ la, yé ’é maa kɛlɛ bɛn lé ke plɛplɛ ’té é ke kiɛre é mini munu ’konu ta, a nya.

Filip munu 4:3

Yé bii é ziin, an bɔluzan yarapawelazan, iin, ilé zanté, naa, lomu lé wo pa an va Wenéné fele lé guli danna bɛ, wo valé Kléman koo, an va nyanama pa béé bɛnu lé wo tɔ ke é gyɛle mi bélilenu tɔ gyɛlasɛbɛ gi koo, ’i bɔ wo va.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 22:19

Dé mian é dére kenu si sɛbɛ ’ko lé balelaye wenu va, mibéliyili valé fla sauun lé, wo wolé we gyɛ sɛbɛ ’ko gi, Kazambale é dan azé si lɛ a lee.

Wegɔɔnle 3:5

Mian we ’ko ’wuo vo a lɛ, wo dan sɔ fu zén lɛ a ta; yé maa ’ka dan a tɔ fwi lɛ mi bélilenu tɔgyɛla sɛbɛ gi lo, yé maa dan a tɔ bɔra lɛ an Ti valé élé lanjenu yara.