Fwile 32:19 - Kazambale lé Sebe Sauunu 1979

¹⁹ Wo bié sɔkɔn dɔna ma bléyian va, wo diriné valé nɛnɛ bole ye. Moizi bli fli; é gɔlɛfénnu vuli yé wo ’wii gɔ nyana ma.

Fwile 32:19 ပူးပေါင်းရင်းမြစ်များ

2 Samuɛl 6:14

David nɛnɛ bo élé plɛplɛ faa nya Gakelebale ’lɛ, lɛnsɔ lé wa kɛlɛ éfɔdi nya, a nya é ta.

Lɛrɛvɔ Sɛbɛ 119:53

Mi nyanénu lé woo daan ilé bélidɔwenu ta tawole ma, Dé maa wo ye an bli éé flian wo ma é baba.

Fwile 15:20

Arɔn buru, balelayezan Mari yɔyɔ si, yé lomu faa da a zuo, yɔyɔnu nya wo lee, ’té woo nɛnɛ boo.

Fwile 32:11

Moizi we fe Gakelebale, élé Bale lɛ dunuvɔma dére nya léé: Oo, Gakelebale, ilé munu lé i wo fwi Éjipiti tɛrɛ la i bɛ plɛplɛ valé ilé plɛplɛ blɛn nya, mɛmalé i bli éé flian wo maa?

Fwile 32:18

Moizi léé: Siaale lé maa a maan, é ’ka guliwuovolɛzannu siaale nya lo, yé é ’ka guligyɛmunu siaale nya lo, lɛrɛvɔmunu dére lé.

Fwile 34:1

Gakelebale lé Moizi lɛ léé: ’I gɔlɛ fié ma nyaa bélé a vininzannu zo, yé gɔlɛ vininnu lé bé ’wii bɛ, dérenu lé ke é gyɛle wo ta, maa dan yee duo gyɛ lɛ a koɛnu ta.

Jérémi 31:32

Gipawe lé maa a kɛlɛ wo tinu va, yian nya lé maa wo kun ’wo bɛ ma wo sile Éjipiti tɛrɛ la we ma, ’té wa sɛrɛ bɛ, dɔlé ’té maa a wozan nya, é ’ka dan kɛlɛ lɛ bélé ’bɛ gipawe zo lo. Maa Gakelebale ɛ ke a fena.

Jérémi Lé Wuvɔ Sɛbɛ 5:15

Ginanale san ko lee. Kolé nɛnɛbole tavɔɔ gyɛbole nya.

Zakari 11:14

’Bɛ zuo anlé ’blatabinyili fiézan lé maa a tɔ pa nanale bɛ, maa a yéli; ’bɛ gi léé, Juda valé Izraɛl sɛrɛ wo ke gi.

Mi Nɔnɔle 12:3

Naa, Moizi a bli tiéézan bozen nya, é mini tɛrɛlamunu faa la.

Matio 5:22

Naa, maa lé ka lɛ léé, miomian é bli fli é bwe ma, a yara lé weblezannu é we lɛdɔ a gi; yé mi lé é a fe é bwe lɛ léé: Tavozan, a yara lé webolikinimunu wo we lɛdɔ a gi; yé mi lé é é bwe laa, ’wuosɛrɛzan, a yara lé Bale é we lɛdɔ a gi kyɛ plɛplɛ lé wa laama jéɛna, a va.

Maak 10:14

Jézu a ye aan wo, é ’na a ma, yé é lé é zuomunu lɛ léé: ’Ka daan nunukénénénu ma, ’wo da an va. Té ka wo dale yi ga lo; naa, munu lé wo ke bélé nénu zo, Kazambale a é plale wo ɛ nwiin.

Maak 3:5

Yé Jézu wo nagini bliflile nya. Wo tɔné gi ke aan wo é yuyu, é ’na Jézu ma, yé é lé gɔnézan lɛ léé: ’I bɛ soi. Yé ’bɛ é bɛ soi yé a bɛ béli.

1 Korent munu 10:7

Té ka kinin miyili bɔzannu nya bélé wo va mi kenu zo lo. É a é gyɛle léé: Munu nyana fɛ blele valé fɛ minile we gi, ’bɛ zuo yé wo nwa zanagyɛle we ma.

Éfez munu 4:26

Yé dé ka bli fli té ka wenyané kɛlɛ monomono lo. Té yiri é vɔ kalé bliflile ma lo,

Bélidɔwesɛbɛ Fiézan 10:2

é léé, dére lé ke gɔlɛfén vinin lé maa wo ’wii bɛ, wo ta, é dan yee dére duo gyɛ lɛ gɔlɛfén koɛnu ta yé maa wo pa kɛsu gi.

Bélidɔwesɛbɛ Fiézan 27:26

Mi lé é ’ka bélidɔwe ’konu kɛlɛle lɛ sɔɔan lo, ’té é ’ka wo ta tawoo lo, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.