Fwile 32:16 - Kazambale lé Sebe Sauunu 1979

¹⁶ Gɔlɛfénnu a Kazambale panyanama nya, yé sɛbɛ gyɛle a Kazambale lé sɛbɛgyɛle nya; gɔlɛfénnu ta guru a é vɔle sɛbɛwɔlɛ nya.

Fwile 32:16 ပူးပေါင်းရင်းမြစ်များ

JOB (Job) 19:24

É sɔ an lɛ léé, ’wo wo guru vɔ gɔlɛ ta Foliɛwɔlɛ lɛmabole valé lɛe nya.

Fwile 31:18

Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.

Fwile 32:15

Moizi nɔla yé é gɔ zun wenaye gɔlɛfén fié nya é lee; sɛbɛ a é gyɛle gɔlɛfén fié san fiénu la; é a é gyɛle wo san do la, yé é a é gyɛle wo san koɛ la.

Fwile 32:17

Jozué munu dére ’ma, ’té woo siaan, yé é lé Moizi lɛ léé: Gulidan siaale a wena sɔkɔn dɔna.

Fwile 34:1

Gakelebale lé Moizi lɛ léé: ’I gɔlɛ fié ma nyaa bélé a vininzannu zo, yé gɔlɛ vininnu lé bé ’wii bɛ, dérenu lé ke é gyɛle wo ta, maa dan yee duo gyɛ lɛ a koɛnu ta.

Fwile 34:4

Moizi gɔlɛ fié ma nyaa bélé a vininzannu zo; é nwa bladi tutu, yé é Sinai gɔ gié, Gakelebale a fe fɛan zo, a zo, yé é go gɔlɛfén fié nya é lee.

2 Korɛnt Munu 3:3

’Kaanu ɛ ke Krist lé sɛbɛ wéiin lé, ko panyanama a gyɛ, a nya; wo ’ka a gyɛ lɛ nankréyi nya lo; naa, wa gyɛ Bale yuɛmale Léli nya. Wo ’ka a gyɛ lɛ gɔlɛfén ta lo; naa, wa gyɛ mi nɛfén ɛ ta, ka blinu gi.

2 Korɛnt Munu 3:7

Bale va nyanama lé ke bélidɔwe nya, ’té é ke é gyɛle sɛbɛwɔlɛnu nya gɔlɛ ta bɛ, alé we pélisia fuasan nya, dɔlé ’té éé mi gya. Fuasan ’ko é Moizi yara bi fɔɔ yé Izraɛl munu ’ka bɔa a yara naginile lɛ lo, dɔlé ’té fuasan ’ko ’ka mɔnfɛ nya lo.

Bélidɔwesɛbɛ Fiézan 10:1

’Bɛ bléyi va, Gakelebale lé an lɛ léé, ’maa gɔlɛfén fié nyaa é ziin bélé a vininnu zo, yé ’maa go ’é va gɔ nwiin; yé ’maa kɛsu do kɛlɛ yili nya é ziin;

Bélidɔwesɛbɛ Fiézan 9:15

Yé maa nɔla yé maa gɔ zun, ’té kyɛ éé blé gɔ zi fɛfaana, ’té gipawe gɔlɛfén fié a an bɛ fié lee.

Ébrunu 8:10

Naa, Mizambale léé: Gipawe lé maa dan a kɛlɛ lɛ Izraɛl munu va Yi ’konu zuo, yee lé é ke ’ko: Maa dan anlé bélidɔwenu pa lɛ wo ’wuo gi, Maa dan wo gyɛ lɛ wo bli gi Yé maa dan kɛlɛ lɛ wolé Bale nya, Yé wo dan kɛlɛ lɛ anlé munu nya.