Fwile 32:14 - Kazambale lé Sebe Sauunu 1979

¹⁴ Yé Gakelebale bli nɔla we tɔntɔn lé é a a va léé, é a kɛlɛ élé munu lɛ, a ma.

Fwile 32:14 ပူးပေါင်းရင်းမြစ်များ

Wepélisiananu 6:6

Gakelebale bli kyɛ dɔ yé a bli nɔla mi kɛlɛle ma tɛrɛ la.

2 Samuɛl 24:16

Lanje é bɛ soi Jérusalɛm ta a sɛrɛle we gi aan wo, Gakelebale bli nɔla wenyané ’ko ma yé é lé migyɛ lanje lɛ léé: É sɔ! ’I bɛ si ana sin. Gakelebale lé lanje bɔ Jébus mi Aravana lé ’sa sunwona sɔnɔ.

Minwiinzannu lé Wezuofe Sɛbɛ 21:15

Kazambale lanje do pa zia léé, ’é Jérusalɛm guru zana a gi; é a kɛlɛna bléyian va, Gakelebale a nagini yé é bli nɔla we tɔntɔn kɛlɛle ma, yé é lé fɛ guru zanaagi lanje lɛ léé: É sɔ, ’i bɛ si ana sin. Gakelebale lé lanje a é dɔle Jébusi mi Oonan lé ’sa sunwona sɔnɔ.

Lɛrɛvɔ Sɛbɛ 106:23

Amalé é léé, é dan wo kulu ga lɛ, Naa, fɛana lé Bale bli nwa wo ma, Moizi lé, Bale a si a va, é dɔ ’bɛna, Yé é alé bliflile wo ma nɔla, yé é alé wo kulu gale yi ga.

Lɛrɛvɔ Sɛbɛ 106:45

Wolé we ma lé alé gipawe sele dɔ a gi; Alé zin blɛn yɛrama lé é nyanai zén wo ta.

Fwile 33:13

Sin, dé maa i yuɛi bɔ, ’i giébɛnu gɔɔn an lɛ; ’bɛna lé maa dan i dɔɔ lɛ, yé maa dan kɛlɛ lɛ mi zin nya i yuɛi. ’I gi bɔrɔ léé, bɛn ’ko a ilé munu nya.

Jérémi 18:8

Naa, bɛn lé maa a mawe fe, dé é daan élé we lɛrɛlɛrɛ kɛlɛle ma, wenaané lé ke an bli gi léé, maa kɛla a lɛ, maa dan an bli si lɛ ’bɛ lɛ.

Jérémi 26:13

Sin, ’ka ka kɛlɛwenu valé ka panyanama nɔla. ’Ka tɔné dɔ Gakelebale, kalé Bale dére lɛ. Yé wenaané lé Gakelebale a fe léé, é dan bɔ lɛ ka ma, é dan é bli nɔla lɛ a kɛlɛle ma.

Jérémi 26:19

Juda munu nwiinzan blɛn Ézékia valé Juda munu faa, wo Misé gyɛɛ? Ézékia ’ka kana lɛ Gakelebale lee loo? É ’ka zanté vɔ lɛ Gakelebale lɛ loo? Yé wenaané lé Gakelebale a fe léé, é dan bɔ lɛ wo ma, é bli si a kɛlɛle lɛ. Yé kaa, kaa a a va léé, kaa ’bɛ zoɛ weple blɛn dɔ kaa nwiin?

Joɛl 2:13

Té ka sɔnu fia lo, Naa, nyɛ ’é ’wii ka zuru va, Yé ka da Gakelebale, kalé Bale va é ziin, Naa, é a mi mawe dɔɔzan valé nyanaizénzan nya; A bli ’ka flian é kele lo, yé alé zin a blɛɛn, Yé we tɔntɔnnu lé éé a paan munu lɛ zia, éé bli nɔlaan wo kɛlɛle ma.

Amɔs 7:3

Gakelebale bli nɔla ’bɛ ma. Gakelebale léma: We ’ko ’ka dan bɔ lɛ é dɛrɛ lo.

Amɔs 7:6

Gakelebale bli nɔla ’bɛ ma. Mizan Gakelebale léma: ’Bɛ we ’ko é ziin, ’bɛ ’ka dan bɔ lɛ é dɛrɛ lo.

Jonas 3:10

Bale a ye léé, wa we ’ko kɛlɛna yé wo daan wolé weple kɛlɛle ma, yé we tɔntɔn lé é a a va léé, ’é a kɛla wo lɛ bɛ, é bli si a lɛ, yé é ’ka a kɛlɛ lɛ lo.

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Mi Nɔnɔle 14:20

Yé Gakelebale léé: Maa wo ma we vo, fɛan zo lé bé laa an lee, a zo.

Bélidɔwesɛbɛ Fiézan 10:10

An vo gɔ nwiin bélé é vinin zo, yiéyi yɔ fié valé béli yɔ fié. Gakelebale ’é tɔné dɔ an lɛ é ziin; é ’ka a va léé, ’é ka gyɛ lo.

Bélidɔwesɛbɛ Fiézan 32:26

Maa nɔ dan a fe lɛ léé, an wo sié ana, fu fɛɛle do kpen nya, Maa dan wo sele saan lɛ munu gi;

Bélidɔwesɛbɛ Fiézan 32:36

Gakelebale é dan élé munu lé we ble lɛ; Dé é a ye léé, wolé plɛplɛ nyaa wo lee, Yé luu valé miné ’ka ana lo, É dan é nyanai zén lɛ é wuozannu ta.

Weblezannu 2:18

Dé Gakelebale weblezannu nwa, ’té Gakelebale a ’bɛ weblezan va yé é wo si wo nyanézannu lee weblezan yuɛma bléyi faa va; naa, Gakelebale nyanai é zén wo ta wolé dunnu lé wa wo klepawotazannu valé nyanépawotazannu lee, alé we ma.

1 Samuɛl 15:11

Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.