Fwile 32:13 - Kazambale lé Sebe Sauunu 1979

¹³ I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Fwile 32:13 ပူးပေါင်းရင်းမြစ်များ

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 15:5

É go a nya béera yé é léé: ’I lagi gini, yé ’i monénénu nɔnɔ, dé i bɔa wo nɔnɔle lɛɛ? Yé é lé a lɛ léé: I kulu é dan kɛlɛ lɛ bélé wo zo.

Wepélisiananu 15:7

Gakelebale lé a lɛ é ziin léé: Maa a Gakelebale nya. Maa i si Uu, Kaldé tɛrɛ la, tɛrɛ ’ko nɔle i lɛ izé nya we gi.

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Wepélisiananu 22:16

yé é léé: I we ’ko kɛlɛ yé i ’ka i be wɔlɛ do kpen nyané kɛlɛ lɛ an lɛ lo, amalé maa, Gakelebale dére lé, maa anbo ’nyɔɔn léé,

Wepélisiananu 22:17

maa dan i drɔɔ vo lɛ yé maa dan i kulu kɛlɛ lɛ di bélé la gi monénénu zo, bélé wɛyi gɔɔn ma nyéné zo di; yé i kulu é dan pla lɛ é nyanézannu nwiin.

Wepélisiananu 24:7

Gakelebale, lagi Bale lé é an si an ti lé kɔn ’léé, é valé an lelenu va, ’té e we fe an lɛ yé ébo ’nyɔɔn an lɛ léé, ’é dan tɛrɛ ’ko nɔ lɛ an kulu lɛ, yeebozen é dan élé lanje nwunvɔ lɛ i ’lɛ; yé i dan le do si lɛ an be na nya ’bɛna.

Wepélisiananu 48:16

’é valé lanje lé é an si wenaané faa gi, ’wo né ’konu drɔɔ vo ma. ’Wo wo laa an tɔ nya ma, ’é valé an tinu Abraam valé Izak tɔ nya ma. Yé ’wo fan, yé ’wo kɛlɛ di tɛrɛ ’ko la ma.

Fwile 13:11

Dé Gakelebale ka wɔra Kanaan munu lé tɛrɛ la, ébo ’nyɔɔn ka valé ka tranu lɛ fɛan zo, a zo, dé é nyaa tɛrɛ nɔle nya ka lɛ,

Fwile 13:5

Kanaan munu koo, Éti munu koo, Amoré munu koo, Éévi munu koo, Jébusinu koo, wolé tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, dé ka wɔra yee tɛrɛ nyɔnɔzan ’ko ta, ka dan Gakelebale bɔ lɛ a bɔbɛ ’ko nya moné ’ko duo nya.

Fwile 33:1

Gakelebale lé Moizi lɛ léé: ’I go, bii valé munu lé i si wo nya Éjipiti tɛrɛ la, ’ka si ’ko, yé tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo kulu lɛ, ’ka go ana zia.

Lévinu 26:42

Gipawe lé maa a kɛlɛ Abraam va, a sele é dan dɔ lɛ an gi, yé gipawe lé maa kɛlɛ Izak va, a sele é dan dɔ lɛ an gi, yé gipawe lé maa a kɛlɛ Jakɔb va, a sele é dan dɔ lɛ an gi, yé tɛrɛ boen sele é dan dɔ lɛ an gi.

Bélidɔwesɛbɛ Fiézan 1:10

Gakelebale, kalé Bale, ka fan, yé kyɔ ka a kiɛre bélé lai monénénu zo.

Bélidɔwesɛbɛ Fiézan 7:8

Naa, ka sɔ Gakelebale lɛ é wo, yé é sɔ a lɛ léé, ébo ’nyɔɔn ka tranu lɛ fɛan zo, ’é ’bɛ lɛ sɔɔ, bɛwemalé Gakelebale ka si luu gi, é ka si Éjipitimunu nwiinzan Faraɔn lee yé é ka si ana é bɛ plɛplɛ nya.

Bélidɔwesɛbɛ Fiézan 9:27

I wuozannu Abraam koo, Izak koo, Jakɔb koo, wo sele ’é dɔ i gi ma. Munu ’ko lé tɔnégiplɛplɛ koo, wolé weple koo, wolé wenyané koo, té bé pa i bli gi lo;

Ébrunu 6:13

Kazambale blivolɛdére fe aan wo Abraam lɛ, fɛ do lé é ke blɛn yé é mini yeebozen ta, é ’ka ’bɛ ye lɛ yé é ’bɛ ’nyɔɔn lo, bɛwemalé é ’ébozen ’nyɔɔn,