Fwile 32:11 - Kazambale lé Sebe Sauunu 1979

¹¹ Moizi we fe Gakelebale, élé Bale lɛ dunuvɔma dére nya léé: Oo, Gakelebale, ilé munu lé i wo fwi Éjipiti tɛrɛ la i bɛ plɛplɛ valé ilé plɛplɛ blɛn nya, mɛmalé i bli éé flian wo maa?

Fwile 32:11 ပူးပေါင်းရင်းမြစ်များ

Wepélisiananu 18:27

Abraam we fe é ziin yé é léé: Maa lé ma, maa lé an ke fɛpun valé kyɛyee nya é pla, an bli tadɔ plɛplɛ yé an we fe Mizan lɛ.

1 Minwiinzannu 8:51

naa, wa ilé munu valé ilé tɔnɔ nya, yé i wo si foliɛwɔlɛ gɔrɔ gi Éjipiti tɛrɛ la.

Néémi 1:10

Wa ilé munu nya, wa i wuozannu nya, yé i wo tabo ilé plɛplɛ valé i bɛ plɛplɛ nya.

Lɛrɛvɔ Sɛbɛ 106:23

Amalé é léé, é dan wo kulu ga lɛ, Naa, fɛana lé Bale bli nwa wo ma, Moizi lé, Bale a si a va, é dɔ ’bɛna, Yé é alé bliflile wo ma nɔla, yé é alé wo kulu gale yi ga.

Fwile 32:7

Gakelebale lé Moizi lɛ léé: ’I go, ’i zun; naa, ilé munu lé i wo fwi Éjipiti tɛrɛ la, wobo gyɛ sɛrɛ a gi.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Fwile 8:8

Yé Moizi valé Arɔn si Faraɔn lé kɔn ’léé. A zuo, yolunu lé Gakelebale a pa zia Faraɔn ma, Moizi a ma zanté vɔ Gakelebale lɛ.

Ézai 63:17

Oo Gakelebale, mɛmalé bé kɛlɛ léé, ko saan ilé zinu taa? Mɛmalé i ko bli kɛlɛ plɛplɛ yé ko ’ka kana lɛ i lee loo? ’I da é ziin, i wuozannu sɔle i lɛ we ma, bɛnnu lé ke ilé tɔnɔfɛ nya, wo sɔle i lɛ we ma.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi Lé Wuvɔ Sɛbɛ 2:20

Gakelebale, ’bé gini, mi lé i ’bɛ zoɛ we kɛlɛ a lɛ, ’bé ye. É a lé lomu wobo kulu blee? Né kiénénu lé wo bli bɔ wo ma, ’wo wo blee? É a lé wo Balebanzannu valé balelayezannu gyɛ za ma Mizan lé fɛna sauun naa?

Ézékiɛl 20:9

Naa, duowo, maa we kɛlɛ an tɔ lé we ma, léé, bɛnnu lé Izraɛlnu ke é nyanale wo méléna bɛ, ’té maa wo si Éjipiti tɛrɛ la ’bɛnu yuɛ va anbo nagɔɔnle nya wo lɛ bɛ, té an tɔ é sɛrɛ ’bɛnu va lo.

Daniɛl 9:15

Yé sin, Mizan, kolé Bale, biian ilé munu si Éjipiti tɛrɛ la i bɛ plɛplɛ nya yé i tɔ kɛlɛ blɛn fɛan zo lé é ke kyɔ, a zo, ko wenyané valé weple kɛlɛ i ma.

Joɛl 2:17

Balebanmunu lé Wo ke Gakelebale wuozannu nya, ’Wo wuvɔ ’kɔn lɛɛ valé balebanna worona, Yé ’wa fe léé: Gakelebale, ’i nyanai zén ilé munu ta. Té i yaragyɛwe bɔ ilé munu ma lo, Té bɛnnu é we nana wo ma lo. Mɛmalé wa fé bɛngɔnɔnu méléna léé: Wolé Bale a kyɛɛn?

Mi Nɔnɔle 11:11

Moizi bli kyɛ dɔ, yé é lé Gakelebale lɛ léé: Mɛmalé i nyané paan maa, i wuozan taa? Yé mɛmalé an ’ka i yuɛ gi bɔ lɛ lo yé i munu ’ko faa dɔ an nwiin kɔné nyaa?

Mi Nɔnɔle 14:13

Moizi lé Gakelebale lɛ léé: Éjipitimunu é dan we ’ko ’ma lɛ; Éjipitimunu lé i munu ’konu si wo va ilé plɛplɛ nya, wo dan we ’ko ma lɛ,

Mi Nɔnɔle 16:22

Moizinu dia ’wo bli la, yé wo léé: Oo Bale, munu faa lélinu lé Bale, mi do kpen wenyané kɛlɛ yé i bli fli munu faa maa?

Mi Nɔnɔle 21:7

Munu da Moizi va, yé wo léé: Ko wenyané kɛlɛ, naa, ko we fe Gakelebale ma yé ko we fe i ma. ’I bazoro Gakelebale lɛ, ’é méné ’konu si ko ma. Moizi bazoro munu tɔ ma.

Mi Nɔnɔle 27:4

Mɛmalé wo ko ti tɔ sié é gɔnɔlamunu vaa? Ko ti lé négɔné ’ka lo, ’bɛlé we ma lé wa kɛlɛɛ? ’Ka kozé tɛrɛ nɔ ko ti bwenu va.

1 Samuɛl 15:11

Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.