Fwile 32:1 - Kazambale lé Sebe Sauunu 1979

¹ Munu a ye aan wo léé, Moizi a mɔnna gɔ nwiin, wo zén ékeva Arɔn ma yé wo lé a lɛ léé: Kaa go. Bale do lé é dan tawo lɛ ko ’lɛ, bé kɛlɛ ko lɛ, naa, Moizi ’ko lé é ko fwi Éjipiti tɛrɛ la, gɔné ’ko, dé mɛ ɛ kɛlɛ a lɛɛ? un, ko ’ka ’bɛ gi dɔɔa lo.

Fwile 32:1 ပူးပေါင်းရင်းမြစ်များ

Wepélisiananu 19:14

Lɔt bɔra yé é we fe é lu zananu lɛ, yé é lé wo lɛ léé: ’Ka nwa, ’ka fwi fɛkona, naa, Gakelebale a gona fla ’wii lɛ. Naa, é dɔ a lu zananu gi léé, gle lé é a wo.

Wepélisiananu 21:26

Abimélɛk léé: Dé mi kyɛɛn ɛ we ’ko kɛlɛɛ? maa ’ka tan we ’ko ’ma lɛ lo; yé i ’ka a zuo fe lɛ an lɛ pelo. Kyɔ lé maa a ’ma bɛ.

Wepélisiananu 39:8

Jozɛfu ’ka a nyi si lɛ lo, yé é lé ézan na lɛ léé: Anzan lé we do kpen kana ’ka ’é gi lo; é ’é leefɛnu faa bɛ pa an lee.

Wepélisiananu 44:15

Jozɛfu lé wo lɛ léé: Mɛ we lé ka a kɛlɛ bɛɛ? Ka ’ka a gi dɔɔa léé, an zo mi éé fɛna yé loo?

Wepélisiananu 44:4

Wo si fla yé wo ’ka tan bɔ lɛ baa lo. Yé Jozɛfu lé ’é leezan lɛ léé: ’I nwa, ’i go munu ’konu zuo. Dé bé dɔ wo ma bé fe wo lɛ léé: Mɛmalé ka wezin lɛgi pa wenyané nyaa?

Lɛrɛvɔ Sɛbɛ 106:19

Wo diriné kɛlɛ Orɛb gɔ ma, Wo dia ’wo bli la kyan diriné ’ko ’lɛ.

Fwile 13:21

Gakelebale goo wo ’lɛ, yiéyi é a lati pɔrɔlɔ gi, zi gɔɔnle wo lɛ we gi, yé é béli é a kyɛ pɔrɔlɔ gi, wo va kinile we gi, wolé tawole é yiéyi valé é béli we ma.

Fwile 14:11

Wo lé Moizi lɛ léé: Mipana ’ka Éjipiti tɛrɛ la lo, bɛwemalé é a lé i da ko nya yé ko ga bwi gii? Mɛ lé bé kɛlɛ ko lɛ ko sile Éjipiti tɛrɛ la nya ’koo?

Fwile 16:3

Izraɛl lé nénu lé wo lɛ léé: Bléyian va lé ko ke é nyanale wibɔ zi Éjipiti tɛrɛ la, ’té ko buru blé, ’té ko kaan, mɛmalé Gakelebale ’ka é bɛ kɛlɛ lɛ ko ma yé ko ga ’bɛ bléyi va loo? Naa, ka da ko nya nyéné lé fɛna ’ko, mi gu ’ko faa gyɛle lɔrɔ nya we gi.

Fwile 20:23

Té ka gɔɔlifubalenu valé kyanbalenu kɛlɛ, wo pale an va we ma lo; té ka wo kɛlɛ monomono lo.

Fwile 24:12

Gakelebale lé Moizi lɛ léé: ’I gɔ gié an vazia, yé ’i vo ’ko; maa dan gɔlɛfénnu nɔ lɛ i lɛ, bélidɔwenu valé an sɔnnénu lé maa wo gyɛ we paale wo gi we ma, wo nya.

Fwile 24:18

Moizi wɔra lati méléna yé é gɔ gié. Moizi vo gɔ nwiin yi yɔ fié, bladi nyanadi.

Fwile 32:11

Moizi we fe Gakelebale, élé Bale lɛ dunuvɔma dére nya léé: Oo, Gakelebale, ilé munu lé i wo fwi Éjipiti tɛrɛ la i bɛ plɛplɛ valé ilé plɛplɛ blɛn nya, mɛmalé i bli éé flian wo maa?

Fwile 32:22

Arɔn a zi pa léé: Té anzan bli é fli lo ma. Biibozen a gi dɔɔ léé, munu ’ko a é ’nale wenyané vazia.

Fwile 32:23

Wo lé an lɛ léé, ’an bale do kɛlɛ ’wo lɛ, yé é tawo wo ’lɛ; naa, Moizi ’ko lé é ’wo fwi Éjipiti tɛrɛ la, gɔné ’ko, dé mɛ ɛ kɛlɛ a lɛɛ? un, ’wo ’ka ’bɛ gi dɔɔa lo.

Fwile 32:7

Gakelebale lé Moizi lɛ léé: ’I go, ’i zun; naa, ilé munu lé i wo fwi Éjipiti tɛrɛ la, wobo gyɛ sɛrɛ a gi.

Fwile 33:3

’I go tɛrɛnyɔnɔzan na zia. Naa, maa ’ka dan go lɛ ka va lo, dé maa da ka guru zana a gi zia, ka a wemaplɛplɛzannu nya, azama.

Ézékiɛl 20:8

Yé wo nwa an ma, yé é ’ka sɔ lɛ wo lɛ léé, wo tɔné dɔ an dére lɛ lo. Boafɛnu lé ’bɛnu éé wo sian ana, wovazan do kpen ’ka sɔn vɔ lɛ ’bɛnu ma lo, yé wo ’ka daan lɛ Éjipitinu lé miyilinu ma monomono lo. É dɔ an gi léé, an wɛwɛ dɔ wo ma yé an bli flile lɛ é sɔɔ wo ma Éjipiti tɛrɛ la.

OZÉ (Osée) 12:13

Jakɔb vɔ fli gi yé é go Aram tɛrɛ la. Izraɛl nyanama pa le lé we ma, yé é trubɛ tabin le lé we ma.

Misé 6:4

Naa, maa ka si Éjipiti tɛrɛ la, maa ka si luubale gi, yé Moizi koo, Arɔn koo, Mari koo, an wo kɛlɛ ka ’lɛzannu nya.

Mi Nɔnɔle 14:22

Munu faa ’ko, wo anlé fuasan ye, é valé we blɛnblɛnnu lé maa a kɛlɛ Éjipiti tɛrɛ la valé bwi gi, wa ye; yé wo an gi dan tɛkɛ gɔnɔ vu, ’té wo ’ka ’wo tɔné dɔa an dére lɛ lo;

Matio 24:43

’Ka we ’ko dɔɔ ma, dé é kɛlɛ léé, kɔnzan é kyeenwozan dabléyi dɔɔ é béli, ’té é dan vo lɛ é vuole yé é ’ka a nyi sié léé, ’wo wɔra élé kɔn gi yé ’wo fɛ sia kyeen nya lo.

Matio 24:48

Naa, dé a leezan a mi naané nya yé é lé é bli gi léé: Anzan a mɔnna;

Kelewenu 17:29

Bɛwemalé, dé ko a Kazambale dɔgɔnɔ nya, té é dɔ ko gi léé, Bale a bélé kyan koo, gɔɔli fu koo, gɔlɛ lé munu a nyaa gi kini valé nyanama pale nya koo, wo zo lo.

Kelewenu 19:26

Yé ka a yé ’té ka a maan léé, Pɔl ’ko a munu ’wuo sɛrɛna. É mi kiɛre bɔn gi kini yé é wo bli nɔla a fele nya léé, balenu lé mi a kɛlɛ é bɛ nya, ’bɛnu ’ka balenu nya lo. É ’ka we ’ko kɛlɛna Éfɛz dona lo, naa, é vo sɛ yé é a kɛlɛ Azi tɛrɛ faa la.

Kelewenu 7:40

yé wo lé Arɔn lɛ léé: ’I kozé balenu kɛlɛ, yé ’bɛnu ’é vo tawona ko ’lɛ, naa, Moizi ’ko lé é ko si Éjipiti tɛrɛ la, dé mɛ we ɛ bɔ ’bɛ maa? ko ’ka ’bɛ gi dɔɔa lo.

Bélidɔwesɛbɛ Fiézan 31:8

Gakelebale bozen é dan tawo lɛ i ’lɛ, yeebozen é dan kɛlɛ lɛ i va, é ’ka dan i vo lɛ é pla lo, é ’ka dan sɔn vɔ lɛ i ma lo; té i kana lo, té gligli ’é zén i gi lo.

Bélidɔwesɛbɛ Fiézan 9:1

Izraɛl munu, ’ka tɔné dɔ. Kyɔ ka dan Juudɛn kini lɛ, yé bɛnnu lé wo kiɛre mini ka ta, ’té wolé plɛplɛ mini kazé ta, ka dan kɛlɛ lɛ wozannu nya; fla blɛnnu lé wo zi gɔrɔ bɔ la gi baa, ka dan wo si lɛ;

Bélidɔwesɛbɛ Fiézan 9:9

Dé an gɔ gié, gɔlɛfén lé Bale ka valé ’wonu lé gipawe gyɛ a ta, a sile we gi, an vo gɔ nwiin yi yɔ fié, é yiéyi valé é béli; an ’ka fɛ ble lɛ lo, yé an ’ka ’yi mini lɛ lo;

Jozué 7:13

’I nwa, ’i munu kɛlɛ é zima. Bé fe léé: ’Ka kɛlɛ é zima tɛlɛ lé we ma; naa, Gakelebale, Izraɛl lé Bale léma: Oo Izraɛl, fɛ lé wo bale pa a ma, é a ka lee. I ’ka bɔalɛ léé, i dɔ i nyanézannu ’lɛ lo, fɔɔ ’té ka balepamafɛ si é wo ka méléna.

2 Piɛri 3:4

Blivolɛdére lé Jézu a fe léé, é dan da lɛ, a lɛsɔɔle a kyɛɛn? É sia ko tranu gale ma, fɛnu faa a wo dɔbɛ gi, bɛan zo lé wo ke wo kɛlɛbléyi va, ’bɛ bɛ gi.