Fwile 30:25 - Kazambale lé Sebe Sauunu 1979

²⁵ I dan fɛ ’konu kɛlɛ lɛ nyɔnɔ ’lɛzan lé wa zén‐é mi ta, a nya, lasikɔrɔ nya, lasikɔrɔ kɛlɛzan a kɛla fɛan zo, a zo; é dan kɛlɛ lɛ nyɔnɔ ’lɛzan lé wa zén‐é mi ta, a nya.

Fwile 30:25 ပူးပေါင်းရင်းမြစ်များ

1 Minwiinzannu 1:39

Wibéli lé nyɔnɔ ke a gi, Balebanzan Sadɔk a si sɔkɔn gi yé é a zén Salomɔn nwiin. Wo béli fɛn, yé munu faa léé: Minwiinzan Salomɔn ’é vo é yuɛma ma!

Minwiinzannu lé Wezuofe Sɛbɛ 9:30

Balebanzannu benu ɛ lasikɔrɔnu kɛla.

Lɛrɛvɔ Sɛbɛ 133:2

É a bélé nyɔnɔ wezan lé wa zén Arɔn ’wuo ma, ’Té éé yoroan a puomagun ma, ’Té éé zén‐é alé varɔ lɔlu ta, a zo.

Lɛrɛvɔ Sɛbɛ 89:20

É vinin, i we fe mi lé é sɔ i lɛ, a lɛ, yuɛzi gi, Yé i léé: Maa bɔ nyanazan va, Maa pɛniɛ do si munu va yé maa a nwa;

Fwile 28:41

I dan wo zen lɛ i bwe Arɔn valé é benu ta. I dan nyɔnɔ zén lɛ wo nwiin, i dan bɛ pla lɛ wo ta, i dan wo pa lɛ é yɛrama Bale zé nya, yé wo dan kɛlɛ lɛ balebannyanama pazannu nya an lɛ.

Fwile 29:21

Nyɛ lé ke balebanna ta valé nyɔnɔ lé wa zén‐é mi ta, bé si, yé bé nwɛɛn Arɔn valé ’élé sɔnu koo, a benu valé ’wolé sɔnu koo, wo ta. Arɔn valé ’élé sɔnu koo, a benu valé ’wolé sɔnu koo, ’i wo pa é yɛrama ’bɛ ɛ zo.

Fwile 29:7

Nyɔnɔ lé wa zén‐é mi ta, i dan a si lɛ yé i dan a zén lɛ a nwiin.

Fwile 30:24

kasé sikla wuru fié yɔ soru koo, woo lé; ’i wo si fɛna sauun lé sikla yɛrama, yé ’i ɔlivi nyɔnɔ si é ziin litré suiɛdo.

Fwile 30:32

Té wa zén mi pla ta lo; té ka a zoɛ kɛlɛ lo; té ka lasikɔrɔ kɛlɛfɛnu si anzé ’léé duo yɛrama yé ka lasikɔrɔ kɛlɛ a nya lo; a ’lɛ a, yé é a lé ka ye fɛ ’lɛdɔle nya.

Fwile 30:35

’I fɛ ’konu kɛlɛ lasikɔrɔ nya, lasikɔrɔ kɛlɛzan a kɛla fɛan zo, a zo; ’i wɛ zén a va, bé nɔla é zima, yé ’é kɛlɛ fɛ ’lɛzan plɛplɛ nya.

Fwile 35:15

lasikɔrɔ kyɛblena valé é siyilinu koo, nyɔnɔ lé wa zén‐é mi ta valé lasikɔrɔ ginzan koo, sɔ lé ke duoli nya sɔkɔn ’léé koo,

Fwile 37:29

É nyɔnɔ kɛlɛ, nyɔnɔ ’lɛza lé wa zén‐é mi ta, a nya, yé é lasikɔrɔ ginzan tegele kɛlɛ; é a kɛlɛ lasikɔrɔ kɛlɛzan lé lasikɔrɔ kɛlɛbɛ yɛrama.

Fwile 40:9

Nyɔnɔ lé wa zén‐é mi ta, i dan a si lɛ yé bé zén sɔkɔn valé é gifɛnu faa ta, yé ’i bɛ pla yee valé élé nyanamapafɛnu faa ta; yé a ’lɛ é dan dɔ lɛ.

Bale Lé We Gifezan 10:1

Nyɔnɔtoro galenu éé lasikɔrɔ kɛlɛzan lé nyɔnɔ tɔn dɔa; yé ’tugyɛwe sɛné éé wedɔɔle valé tɔbɔle sɛra.

Lévinu 8:10

Moizi fɛ’lɛdɔ nyɔnɔ si, yé é a gié fɛna sauun valé é gifɛnu faa ma, yé é wo ’lɛ dɔ.

Lévinu 8:2

Arɔn valé é benu koo, sɔnu koo, fɛ ’lɛdɔ nyɔnɔ koo, wenyané ’yibo dirigɔné koo, ’blagɔné fié koo, kyɛɛ nya do buru lé wo ’ka a kɛlɛ lɛ lévɛn nya lo koo, ’i wo si,

Mi Nɔnɔle 35:25

É a lé munu é migyɛzan si mi nyɛ lɛgipazan lee, yé wa pa zia é ziin yɔɔlafla lé é go a ta bɛ, ana, yé é vo ’bɛna fɔɔ yé Balebanmunu ’lɛzan lé wo Bale ’lɛnyɔnɔ zén a nwiin, yé ’bɛ é ga.

Ébrunu 1:9

Bale, we tegele sɔ i lɛ, yé weple za a i gi, Amalé ilé Bale gi nanale lé nyɔnɔ zén i nwiin Yé é gié i yɛramamunu zé ta.